Animal First Song : బాలీవుడ్లో మోస్ట్ అవైటెడ్ ఫిలింగా రాబోతున్న 'యానిమల్'(Animal) నుంచి తాజాగా ఫస్ట్ సింగిల్ వచ్చేసింది. 'అమ్మాయి' అంటూ సాగే ఈ పాట ఫుల్ వీడియోని రిలీజ్ చేసి మేకర్స్ సినీ లవర్స్కి బిగ్ సర్ప్రైజ్ ఇచ్చారు. సహజంగా కొత్త సినిమాల నుంచి మేకర్స్ లిరికల్ సాంగ్స్ రిలీజ్ చేస్తారు. కానీ 'యానిమల్' మేకర్స్ మాత్రం కాస్త డిఫరెంట్గా ఫుల్ వీడియో సాంగ్ రిలీజ్ చేసేశారు. 'అర్జున్ రెడ్డి' మూవీతో సెన్సేషనల్ డైరెక్టర్గా పేరు తెచ్చుకున్న సందీప్ రెడ్డి వంగ దర్శకత్వంలో 'యానిమల్' మూవీ తెరకెక్కుతోంది. బాలీవుడ్ అగ్ర హీరో రణబీర్ కపూర్, రష్మిక మందన జంటగా నటిస్తున్నారు.
ఇప్పటికే 'అర్జున్ రెడ్డి' సినిమాని బాలీవుడ్లో 'కబీర్ సింగ్' పేరుతో రీమేక్ చేసి భారీ సక్సెస్ అందుకున్న సందీప్ రెడ్డి.. ఇప్పుడు 'యానిమల్'తో స్ట్రైట్ బాలీవుడ్ మూవీని రూపొందిస్తుండడంతో ఈ మూవీపై నార్త్తో పాటు సౌత్లోనూ భారీ అంచనాలు ఉన్నాయి. రీసెంట్గా రిలీజ్ అయిన టీజర్ ఆ అంచనాలని తారస్థాయికి తీసుకెళ్లింది. టీజర్లో రణబీర్ని ఊర మాస్ అవతార్లో చూపించారు సందీప్ రెడ్డి వంగ. ఈ ఏడాది చివర్లో సినిమాను విడుదల చేయబోతున్నారు. రిలీజ్ టైం దగ్గర పడుతుండడంతో మేకర్స్ సినిమా నుంచి బ్యాక్ టు బ్యాక్ అప్డేట్స్ అందిస్తున్నారు. ఇప్పటికే ఫస్ట్ సాంగ్కి సంబంధించి రణబీర్, రష్మిక లిప్ లాక్ పోస్టర్ నెట్టింట హాట్ టాపిక్గా మారిన విషయం తెలిసిందే.
ఇక తాజాగా 'యానిమల్' నుంచి ఫస్ట్ సాంగ్ని రిలీజ్ చేశారు. ఈ సాంగ్లో రణబీర్, రష్మికల మధ్య ఘాటు లిప్ లాక్ సీన్స్ ఓ రేంజ్లో ఉన్నాయి. మ్యూజిక్, లిరిక్స్, విజువల్స్ అన్ని టాప్ క్లాస్ అని చెప్పొచ్చు.' నింగి నేల నీలా నాలా' అంటూ సాగే ఈ పాట ఆద్యంతం ఆకట్టుకునేలా ఉంది. దాదాపు 2 నిమిషాల 45 సెకన్ల నిడివి ఉన్న ఈ పాట ఫుల్ వీడియోని రిలీజ్ చేయడం నిజంగా సర్ప్రైజ్ అనే చెప్పాలి. రణ్బీర్ను తీసుకొచ్చి రష్మిక తను లవ్ మ్యాటర్ని ఇంట్లో వాళ్ళందరికీ చెప్తే.. వాళ్లు ఒప్పుకోకపోవడంతో వాళ్ల ముందే ఇద్దరూ లిప్ కిస్ చేసుకుంటారు. అక్కడి నుంచి ఈ సాంగ్ మొదలవుతుంది. ఆ తర్వాత ఫ్లైట్ లో ఓ రేంజ్లో రొమాన్స్ చేసుకుంటారు. ఆపై మంచుకొండపై ఉన్న ఓ చిన్న గుడిలో సింపుల్గా మ్యారేజ్ చేసుకోవడం.. ఇలాంటి సీన్స్ని ఈ వీడియో సాంగ్లో చూపించారు.
ఈ పాట వీడియో చూస్తున్నప్పుడు అర్జున్ రెడ్డి మూవీ గుర్తుకు రావడం గ్యారెంటీ అని చెప్పొచ్చు. ఎందుకంటే అర్జున్ రెడ్డి సినిమాలో మాదిరిగానే ఈ పాటలోనూ లిప్ లాక్ సీన్స్ ఎక్కువగా ఉన్నాయి. అనంత శ్రీరామ్ సాహిత్యం అందించిన ఈ పాటను రాఘవ్ చైతన్య, ప్రీతమ్ పాడారు. ప్రస్తుతం ఈ సాంగ్ సోషల్ మీడియాలో వైరల్ అవుతుంది. పోస్ట్ ప్రొడక్షన్ పనులు జరుపుకుంటున్న ఈ మూవీలో బాలీవుడ్ సీనియర్ నటుడు అనిల్ కపూర్.. రణబీర్ తండ్రి పాత్రలో కనిపించనుండగా.. బాబీ డియోల్ విలన్ రోల్ చేస్తున్నారు. భద్రకాళి ఫిలిమ్స్, టి సిరీస్ సంస్థలపై ప్రణయ్ రెడ్డి వంగ, భూషణ్ కుమార్ సంయుక్తంగా ఈ చిత్రాన్ని నిర్మిస్తున్నారు. డిసెంబర్ 1న హిందీ, తెలుగు తమిళ, కన్నడ, మలయాళ భాషల్లో ఈ చిత్రం గ్రాండ్గా విడుదల కానుంది.
Also Read : బాలీవుడ్లో మరో భారీ ఆఫర్ అందుకున్న నయనతార - ఆ టాప్ డైరెక్టర్ సినిమాలోనే ఛాన్స్!