Prabhas : లండన్‌లో ఇల్లు అద్దెకి తీసుకున్న ప్రభాస్ - నెలకి అన్ని లక్షలా?

Prabhas : పాన్ ఇండియా హీరో ప్రభాస్ తాజాగా లండన్ లో ఓ ఇంటిని అద్దెకి తీసుకున్నట్లు తెలుస్తోంది. ఆ ఇంటికి నెలకు రూ.60 లక్షల అద్దె కడుతున్నాడట.

Prabhas Stays In Rented House : పాన్ ఇండియా హీరో ప్రభాస్ ఎట్టకేలకు 'సలార్' సినిమాతో కం బ్యాక్ అందుకున్న విషయం తెలిసిందే. 'సలార్' సక్సెస్ తో ఫుల్ ఫామ్ లో ఉన్న డార్లింగ్ ప్రస్తుతం తన తదుపరి సినిమాలపై ఫోకస్ పెట్టాడు. 'సలార్' తర్వాత ప్రభాస్ నుంచి వస్తున్న మరో బిగ్ ఫిలిం 'కల్కి 2898AD'. నాగ్ అశ్విన్ డైరెక్ట్ చేస్తున్న ఈ మూవీ షూటింగ్ ప్రస్తుతం చివరి దశలో ఉంది. రీసెంట్ గా ప్రభాస్ పై కీలక షెడ్యూల్ ని చిత్రీకరించారు. ఈ షెడ్యూల్ కంప్లీట్ అయిన తర్వాత షూటింగ్ కి బ్రేక్ తీసుకున్న ప్రభాస్ ఇటీవలే లండన్ వెళ్లినట్లు తెలిసింది. ఇలాంటి తరుణంలో ప్రభాస్ కు సంబంధించి ఓ ఆసక్తికర వార్త బయటకు వచ్చింది. 

లండన్ లో అద్దెకి ఇళ్ళు తీసుసుకున్న ప్రభాస్

ప్రభాస్ కాస్త ఖాళీ సమయం దొరికితే చాలు విదేశాల్లో వాలిపోతున్నాడు. ఈమధ్య పలుమార్లు లండన్ లోనే ఉండి వస్తున్నాడు. రీసెంట్ గా ప్రభాస్ కి లండన్ లోనే సర్జరీ జరిగింది. ఆ సమయంలో డార్లింగ్ సుమారు మూడు నెలల పాటు లండన్ లోనే ఉన్నాడు. అయితే ప్రభాస్ లండన్ వెళ్లిన ప్రతిసారి హోటల్స్ లో ఉండాల్సి వస్తుందట. అది ఇష్టం లేక తాజాగా లండన్ లోనే ఓ ఇంటిని అద్దెకు తీసుకున్నట్లు వార్తలు వినిపిస్తున్నాయి. నెలకు ఆ ఇంటి కోసం ప్రభాస్ భారీగా అద్దె చెల్లిస్తున్నారట. 

నెలకి 60 లక్షలు అద్దె కడుతున్న డార్లింగ్

ప్రభాస్ లండన్ లో అద్దెకి తీసుకున్న ఇల్లుకి భారీగానే చెల్లిస్తున్నారట. అన్ని సౌకర్యాలతో కూడిన విలాసవంతమైన ఇంటిని అద్దెకి తీసుకున్న ప్రభాస్ ఆ ఇంటికి నెలకు రూ.60 లక్షల రెంట్ పే చేస్తున్నట్లు టాక్ వినిపిస్తోంది. ఈ విషయం కాస్త సోషల్ మీడియా అంతటా వైరల్ అవ్వడంతో ఫ్యాన్స్ ఈ విషయం తెలిసి షాక్ అవుతున్నారు. రూ.60 లక్షలు పెట్టి అద్దె ఇంట్లో ఉండే బదులు అక్కడే సొంతంగా ఓ ఫ్లాట్ తీసుకోవచ్చు కదా అంటూ కామెంట్స్ చేస్తున్నారు. మరికొందరు నెటిజన్స్.. ఎంత పాన్ ఇండియా హీరో అయినంత మాత్రం అద్దె ఇంటికి రూ.60 లక్షలు పెట్టడం ఏంటి? అని ప్రశ్నిస్తున్నారు. కాగా ప్రభాస్ ప్రస్తుతం లండన్ లోనే ఉన్నట్లు సమాచారం. డార్లింగ్ ఇంకొద్ది రోజులు అక్కడే ఉంటారట. మళ్లీ ఇండియాకి తిరిగి వచ్చాక 'కల్కి2898AD' షూటింగ్లో జాయిన్ అవుతారని తెలుస్తోంది 

చెప్పిన డేట్ కే 'కల్కి2898AD' రిలీజ్

కల్కి 2898AD సినిమాని వేసవి కానుక మే 9న విడుదల చేస్తున్నట్లు అధికారికంగా వెల్లడించారు. కానీ గత కొద్ది రోజులుగా రిలీజ్ వాయిదా పడుతుందంటూ వార్తలు వినిపించాయి. ఆ వార్తలకు చెక్ పెడుతూ తాజాగా మూవీ టీం ఓ పోస్ట్ తో క్లారిటీ ఇచ్చింది. ఈ సందర్భంగా మూవీ టీమ్ ప్రభాస్‌కు సంబంధించిన గ్లింప్స్‌ వదిలి రూమర్స్‌కు చెక్‌ పెట్టింది. కల్కీ మే 9న ఆగయా అంటూ ఒక్క పోస్ట్‌తో మూవీ వాయిదాపై క్లారిటీ ఇచ్చారు. కల్కీ మే 9న రావడం పక్కా అని ఆ రోజు థియేటర్లో టా టక్కరా టక్కరే అంటూ ఆడియన్స్‌లో మరింత జోష్‌ నింపింది.