Kannappa : ప్రభాస్ ఫ్యాన్స్కు గుడ్ న్యూస్ చెప్పిన మంచు విష్ణు... 'కన్నప్ప' నుంచి డార్లింగ్ ఫస్ట్ లుక్ ఎప్పుడంటే?
Kannappa : మంచు విష్ణు హీరోగా నటిస్తున్న 'కన్నప్ప' అనే పాన్ ఇండియా మూవీ నుంచి ప్రభాస్ ఫస్ట్ లుక్ రిలీజ్ డేట్ ను అనౌన్స్ చేసింది టీం.
Kannappa Prabhas Look : మంచు విష్ణు డ్రీమ్ ప్రాజెక్ట్ గా రూపొందుతున్న మూవీ 'కన్నప్ప'. ఈ సినిమాలో పాన్ ఇండియా స్టార్ ప్రభాస్ కీలక పాత్రను పోషిస్తున్న సంగతి తెలిసిందే. తాజాగా 'కన్నప్ప' మూవీ నుంచి ప్రభాస్ ఫస్ట్ లుక్ కు సంబంధించిన అప్డేట్ ఇస్తూ మేకర్స్ ఓ స్పెషల్ పోస్టర్ ను రిలీజ్ చేశారు. ఆ పోస్టర్ ద్వారా ప్రభాస్ ఫస్ట్ లుక్ ఎప్పుడు రిలీజ్ కాబోతోంది అన్న విషయాన్ని వెల్లడించారు.
ప్రభాస్ ఫస్ట్ లుక్ అప్డేట్
'కన్నప్ప' మూవీ నుంచి ప్రభాస్ ఫస్ట్ లుక్ ను ఎప్పుడు రిలీజ్ చేస్తారు? అని ఈగర్ గా వెయిట్ చేస్తున్నారు ఆయన అభిమానులు. తాజాగా 'కన్నప్ప' చిత్ర బృందం ఈ విషయంపై అప్డేట్ ఇస్తూ, ప్రభాస్ ఫ్యాన్స్ కు గుడ్ న్యూస్ చెప్పింది. ఫిబ్రవరి 3న రెబల్ స్టార్ ప్రభాస్ ఫస్ట్ లుక్ ను రిలీజ్ చేయబోతున్నామని స్పెషల్ పోస్టర్ ద్వారా వెల్లడించింది. ఆ పోస్టర్లో ప్రభాస్ కళ్ళు మాత్రమే కనిపిస్తున్నాయి. అలాగే ఆయన త్రిశూలం పట్టుకున్నట్టుగా కనిపిస్తోంది. నుదుటిపై విభూది, దానిపై ఎర్రటి తిలకం మండుతున్నట్టుగా ఉండడం ఈ సినిమాలో ప్రభాస్ పాత్ర పై క్యూరియాసిటీని పెంచుతుంది.
మంచు విష్ణు హీరోగా, ముఖేష్ కుమార్ సింగ్ దర్శకత్వంలో అత్యంత భారీ బడ్జెట్ తో రూపొందుతోంది 'కన్నప్ప' మూవీ. ఇందులో ప్రభాస్, మోహన్ బాబు, కాజల్, అగర్వాల్, మోహన్ లాల్, అక్షయ్ కుమార్, శరత్ కుమార్, మధుబాల లాంటి దిగ్గజ నటీనటులు కీలక పాత్రలు పోషిస్తున్నారు. 'కన్నప్ప' మూవీని అవా ఎంటర్టైన్మెంట్స్, 24 ఫ్రేమ్స్ ఫ్యాక్టరీ బ్యానర్ల పై మంచు మోహన్ బాబు నిర్మిస్తున్నారు. సినిమాను చాలా వరకు న్యూజిల్యాండ్ లోని అడవుల్లో చిత్రీకరించారు. మరికొంత భాగాన్ని రామోజీ ఫిలిం సిటీలో వేసిన ఓ సెట్ లో తెరకెక్కించారు. దాదాపు 200 కోట్ల భారీ బడ్జెట్ తో రూపొందుతున్న ఈ మూవీ ప్రస్తుతం పోస్ట్ ప్రొడక్షన్ పనుల్లో ఉంది.
'కన్నప్ప' నుంచి ప్రభాస్ లుక్ లీక్
ఇదిలా ఉండగా ఇప్పటికే ఈ మూవీ నుంచి మంచు విష్ణు నుంచి మొదలు పెడితే మోహన్ బాబు, శరత్ కుమార్, కాజల్ అగర్వాల్ ఇలా ఇందులో నటిస్తున్న చాలామంది నటీనటుల పాత్రలకు సంబంధించిన ఫస్ట్ లుక్ లను రిలీజ్ చేశారు. ప్రభాస్ ఫస్ట్ లుక్ ను మాత్రమే ఇందులో సస్పెన్స్ లో పెట్టేసారు. ఇక ఈ సినిమాలో ప్రభాస్ ఏ పాత్రలో నటిస్తున్నారు అన్న విషయంపై ఇంకా క్లారిటీ రాలేదు. మూవీని అనౌన్స్ చేసినప్పటి నుంచి ఇందులో ప్రభాస్ శివుడిగా కనిపించబోతున్నాడు అని ప్రచారం జరిగింది. కానీ ఆ పాత్రలో అక్షయ్ కుమార్ నటిస్తున్నట్టు మేకర్స్ అఫీషియల్ గా అనౌన్స్ చేశారు. దీంతో ప్రభాస్ ఈ మూవీలో నంది పాత్రలో కనిపించబోతున్నారు అంటూ పుకార్లు షికార్లు చేస్తున్నాయి. కానీ ఇప్పటిదాకా 'కన్నప్ప' టీమ్ మాత్రం ఈ మూవీలో ప్రభాస్ రోల్ ఏంటి అన్న విషయంపై ఇంకా క్లారిటీ ఇవ్వలేదు. అయితే కొన్ని రోజుల క్రితమే 'కన్నప్ప'లో ప్రభాస్ లుక్ లీక్ కాగా , టీం సీరియస్ అయ్యింది.