నట సింహం నందమూరి బాలకృష్ణ (Nandamuri Balakrishna) అభిమానులకు ఓ గుడ్ న్యూస్. ఉగాది మరింత స్పెషల్ కానుంది. ఆ రోజు బాలకృష్ణ కొత్త సినిమా టైటిల్ (Balakrishna New Movie Title) ప్రకటించనున్నారని ఫిల్మ్ నగర్ వర్గాల సమాచారం. ఇప్పుడు గోపీచంద్ మలినేని (Gopichand Malineni) దర్శకత్వంలో ఆయన కథానాయకుడిగా సినిమా రూపొందుతున్న సంగతి తెలిసిందే. బాలయ్య 107 చిత్రమిది. ఆల్రెడీ విడుదలైన ఫస్ట్ లుక్ నందమూరి అభిమానులను, ప్రేక్షకులను ఆకట్టుకుంటోంది. ఉగాదికి ఈ సినిమా టైటిల్ (NBK 107 Title) అనౌన్స్ చేయనున్నారట.
ఉగాదికి టైటిల్ వెల్లడించడంతో పాటు టైటిల్ లుక్ పోస్టర్ కూడా రానుందట. న్యూ లుక్‌తో బాలకృష్ణ సందడి చేయనున్నారట. 'అఖండ' విజయం తర్వాత బాలకృష్ణ, 'క్రాక్' విజయం తర్వాత గోపీచంద్ మలినేని చేస్తున్న చిత్రమిది.
మైత్రీ మూవీ మేకర్స్ పతాకంపై ఈ సినిమా తెరకెక్కుతోంది. నవీన్ ఎర్నేని, వై. రవిశంకర్ నిర్మాతలు. ఇందులో బాలకృష్ణ సరసన శ్రుతీ హాసన్ (Shruthi Hassan) కథానాయికగా నటిస్తున్నారు. ముసలి మడుగు ప్రతాప్ రెడ్డి పాత్రలో కన్నడ స్టార్ దునియా విజయ్ (Duniya Vijay In NBK107) విలన్ రోల్ చేస్తున్నారు. వరలక్ష్మీ శరత్ కుమార్ కీలక పాత్రలో కనిపించనున్నారు. 'క్రాక్'లో పాత్రకు ఆమెకు మంచి పేరు వచ్చింది. ఈ చిత్రానికి తమన్ సంగీతం అందిస్తున్నారు.