Multiplex Dropped Ticket Prices For Rs 99: ప్రస్తుతం బిజీ లైఫ్‌లో జనాలకు ఎంటర్‌టైన్‌ కావాలంటే సినిమాలే. రిలాక్సేషన్‌ కోసం అలా సినిమా చూద్దామంటే మల్టీప్లెక్స్‌ (Multiplex Ticket Rates Dropped) ఆడియన్స్‌ని భయపెడుతున్నాయి. ప్రస్తుతం కాలం మల్టీప్లెక్స్‌లో సినిమా చూడాలంటే సాధారణ జనం జంకుతున్నారు. ముఖ్యంగా ఫ్యామిలీ ఆడియన్స్‌ అయితే వణికిపోతున్నారు. సాధారణ థియేటర్లలో టికెట్ ధర రూ.50 నుంచి రూ. 200లోపు ఉంటే, మల్టీప్లెక్స్‌లలో ఆ రేటు కాస్త ఎక్కువే. ట్యాక్స్ లు అన్ని  కలిపి రూ.300 నుంచి రూ.500 వరకూ ఉంటుంది. దీంతో మల్టీప్లెక్స్‌లో సినిమా చూడాలంటేనే సామాన్య ప్రజలు బయపడిపోతున్నారు.


రూ. 99కే మూవీ టికెట్


Multiplex Association Of India Bumper Offer: పోనీ ఫ్యామిలీ సింగిల్‌ స్క్రీన్స్‌కి వెళ్లాలంటే  మాస్‌ ఆడియన్స్‌తో బాధ. మల్టీప్లెక్స్‌కి వెళ్లాలంటే టికెట్ల, ఇంటర్వెల్‌ స్నాక్స్‌ ధరలు ఆకాశాన్ని తాకుతున్నాయి. ఒక్కసారి కుటుంబంతో థియేటర్లోకి అడుగుపెడితే జేబు ఖాళీ అవ్వాల్సిందే. దీంతో ఫ్యామిలీ, మధ్య తరగతి ప్రేక్షకులు మల్టీప్లెక్స్‌ థియేటర్లోకి వెళ్లాలంటే బెంబెలెత్తిపోతున్నారు. అలాంటి మూవీ లవర్స్‌కి మల్టీప్లెక్స్ అసోసియేషన్ ఆఫ్ ఇండియా శుభవార్త అందించింది. కేవలం రూ. 99 రూపాయలకే (Ticket Rates Rs 99) సినిమా చూడోచ్చంటూ మల్టీప్లెక్స్‌లు బంపర్‌ ఆఫర్‌ ప్రకటించాయి. అయితే ఈ ఆఫర్‌ ఒక్కరోజు మాత్రమే. సెప్టెంబర్‌ 20న నేషనల్‌ సినిమా డే (National Cinema Day) సందర్భంగా మల్టీప్లెక్స్‌ చైన్ థియేటర్లు ఈ ఆఫర్‌ని ప్రకటించాయి. అంటే సెప్టెంబర్‌ 20న దేశవ్యాప్తంగా ఏ భాష సినిమా అయినా, ఏ షో అయినా 99 రూపాయలకే సినిమా చడోచ్చు.






Also Read: అక్కడ భారీగా మిడ్‌నైట్ బెనిఫిట్‌ షోలకు ప్లాన్‌, టికెట్‌ రేట్లు ఎలా ఉండబోతున్నాయంటే!



ఈ ఆఫర్ వాటికి వర్తించదు


తాజాగా దీనికి బాలీవుడ్‌ మూవీ విశ్లేషకుడు తరణ్‌ ఆదర్స్‌ ఎక్స్‌ వేదికగా ప్రకటించాడు. కాగా మల్టీప్లెక్స్‌ థియేటర్లు పీవీఆర్ (PVR), ఐనాక్స్ (Inox Theatres), మిరేజ్, ఏషియన్, సినీపోలిస్ లాంటి చైన్లతో పాటు దేశ‌వ్యాప్తంగా ఉన్న 4 వేలకుపైగా స్క్రీన్లలో సెప్టెంబర్ 20న దేశంలో ఎక్కడైన కూడా టికెట్‌ ధరలు రూ. 99కే ఉండనున్నాయి. దీంతో సింగిల్‌ స్క్రీన్‌ థియేటర్లో కంటే తక్కువ రేట్స్‌కే ఆ రోజు మల్టీప్లెక్స్‌లో ఎంచక్కా సినిమా చూసేయచ్చు. ఇది తెలిసి సామాన్య ఆడియన్స్‌ మూవీ లవర్స్‌ ఆనందం వ్యక్తం చేస్తున్నారు అయితే ఈ అవకాశాన్ని 3D, రెక్లైనర్లు, ప్రీమియం ఫార్మాట్‌ స్క్రీన్లకు ఈ ఆఫర్ వర్తించదు. మరి ఇంకేందుకు మూవీ లవర్స అంతా ఈ శుక్రవారం 99 రూపాయలకే మల్టీప్లెక్స్‌ల్లో సినిమా చూసేయండి. 


Also Read: జానీ మాస్టర్‌ కేసులో బయటపడ్డ సంచలన విషయాలు - ఆయన భార్య కూడా వేధించిందంటూ బాధితురాలు ఆరోపణలు