‘అంటే సుందరానికి’ టీజర్ ఏ స్థాయిలో హైప్ క్రియేట్ చేసిందో తెలిసిందే. కుటుంబ సమేతంగా కూర్చొని హాయిగా నవ్వుకొనే సినిమాతో హీరో నాని వస్తున్నాడని.. టీజర్ చూస్తే తెలిసిపోతుంది. క్రిస్టియన్ అమ్మాయితో బ్రాహ్మణ యువకుడు ప్రేమలో పడితే? ఏమవుతుందనే కథాంశంతో ఈ చిత్రాన్ని తెరకెక్కించారు. ఇందులో నానికి జంటగా నజ్రియా నజీమ్ నటించారు. ఇందులో ఆమె లీల పాత్రలో కనిపించనుంది. వివేక్ ఆత్రేయ దర్శకత్వంలో మైత్రీ మూవీ మేకర్స్ పతాకంపై నవీన్ ఎర్నేని, రవిశంకర్.వై ఈ చిత్రాన్ని నిర్మించారు.
'అంటే సుందరానికి' సినిమా రొమాన్స్ అండ్ కామెడీతో ప్రేక్షకులను ఎంట‌ర్‌టైన్ చేస్తుందని దర్శక నిర్మాతలు అంటున్నారు. సనాతన ఆచారాలు పాటించే బ్రాహ్మణ కుటుంబంలో పుట్టిన సుందర్ ప్రసాద్‌ పాత్రలో నాని ఒదిగిపోయాడు. మరి సుందరం క్రిస్టియన్ కుటుంబానికి చెందిన లీలా ప్రేమలో పడితే ఏం జరుగుతుందనేది జస్ట్ సాంపిల్ మాత్రమే. వీరి ప్రేమ, మతాల గురించి పక్కన పెడితే.. మరో సస్పన్స్ సర్‌ప్రైజ్ కూడా ఈ సినిమాలో ఉన్నట్లు టీజర్‌లో చూపించారు. అదేంటో తెలుసుకోవాలంటే జూన్ 10వ తేదీ వరకు వేచి చూడాల్సిందే. ‘అంటే సుందరానికి’ సినిమా తెలుగులోనే కాకుండా తమిళంలో ‘ఆదదే సుందర’, మలయాళంలో ‘ఆహా సుందర’ టైటిల్స్‌తో విడుదల కానుంది. ఈ చిత్రానికి వివేక్ సాగర్ సంగీతం అందించారు.
Also Read: 'ఎఫ్ 3'లో పవర్ స్టార్ - పవన్ సహా టాలీవుడ్ టాప్ హీరోలను వాడేసిన అనిల్
సినిమా విడుదల తేదీ దగ్గర పడుతున్న నేపథ్యంలో చిత్రయూనిట్ గురువారం ఓ ‘అంటే సుందరానికి’ మూవీ మేకింగ్ వీడియోను రిలీజ్ చేశారు. ఇందులో నాని ఫన్నీ మూవ్‌మెంట్స్‌ను చూపించారు. కొన్ని సీన్లకు అంతా పగలబడి నవ్వడాన్ని ఈ వీడియో చూడవచ్చు.
Also Read: 36 ఏళ్ళ తర్వాత సీక్వెల్ - టామ్ క్రూజ్ 'టాప్ గన్: మావెరిక్' ఎలా ఉంది? టాప్ ప్లేస్‌లో ఉంటుందా? లేదా?