విశ్వవిఖ్యాత నట సార్వభౌమ నందమూరి తారక రామారావు కుటుంబం నుంచి మరో వారసుడు వస్తున్నారు. ఎన్టీఆర్ కుటుంబం నుంచి రెండో తరంలో హరికృష్ణ, బాలకృష్ణ హీరోలుగా వచ్చారు. అగ్ర కథానాయకులుగా తండ్రి తగ్గ తనయులు అనిపించుకున్నారు. మూడో తరంలో కళ్యాణ్ రామ్, జూనియర్ ఎన్టీఆర్ వచ్చారు. ఇప్పుడు మరో ఎన్టీఆర్ మనవడు హీరోగా వస్తున్నారు.
Nandamuri Chaitanya Krishna As Hero: ఎన్టీఆర్ పెద్ద కుమారుడు జయకృష్ణ కుమారుడు నందమూరి చైతన్య కృష్ణ హీరోగా సినిమా రూపొందుతోంది. నేడు ఎన్టీఆర్ జయంతి సందర్భంగా ఆ సినిమా ఫస్ట్ లుక్‌ను నట సింహం నందమూరి బాలకృష్ణ (Nandamuri Balakrishna) విడుదల చేశారు. అన్నయ్య కుమారుడి సినిమా విజయవంతం కావాలని ఆయన ఆకాంక్షించారు.
Also Read: కృష్ణుడిగా 17 సినిమాల్లో - ఎన్టీ రామారావు సినీ జీవితంలో ఈ విశేషాలు మీకు తెలుసా?
బసవతారకం క్రియేషన్స్ పతాకంపై ప్రొడక్షన్ నంబర్ 1గా నందమూరి చైతన్య కృష్ణ తొలి సినిమా రూపొందుతోంది. 'రక్ష', 'జక్కన్న' సినిమాలు తీసిన దర్శకుడు వంశీకృష్ణ ఆకెళ్ళ తెరకెక్కిస్తున్నారు. నందమూరి జయకృష్ణ నిర్మిస్తున్నారు. ఈ సినిమా గురించి మరిన్ని వివరాలు త్వరలో వెల్లడి కానున్నాయి.
Also Read: మహానాయకుడు ఎన్టీఆర్‌కు నివాళులు అర్పించిన కళ్యాణ్ రామ్, తారక్