నట సింహం నందమూరి బాలకృష్ణ (Nandamuri Balakrishna) కథానాయకుడిగా గోపీచంద్ మలినేని దర్శకత్వంలో ఓ సినిమా రూపొందుతోంది. బాలకృష్ణ 107వ చిత్రమిది. అందువల్ల, NBK 107గా వ్యవహరిస్తున్నారు. ఈ చిత్రానికి 'జై బాలయ్య' (NBK 107 Titled Jai Balayya?) టైటిల్ పరిశీలనలో ఉన్నట్టు ఫిల్మ్ నగర్ వర్గాల టాక్. చిత్ర బృందం టైటిల్ గురించి అధికారికంగా ఎటువంటి ప్రకటన చేయలేదు. అది పక్కన పెడితే... ఈ సినిమాలో బాలకృష్ణ డ్యూయల్ రోల్ చేస్తున్నారు.


NBK 107 Movie Update: తండ్రిగా, కుమారుడిగా... NBK 107లో బాలకృష్ణ రెండు పాత్రల్లో కనిపించనున్నారు. ఆల్రెడీ సినిమా ఫస్ట్ లుక్ విడుదల చేశారు కదా! అది తండ్రి లుక్. రెండో లుక్ ఇంకా విడుదల చేయలేదు. ఆ లుక్ త్వరలో విడుదల అయ్యే అవకాశాలు ఉన్నాయి. బాలయ్య యంగ్ వెర్షన్ సన్నివేశాల చిత్రీకరణకు త్వరలో అమెరికా వెళ్లనున్నారని సమాచారం. సినిమాలో కొంత భాగం, ముఖ్యంగా బాలయ్య యంగ్‌గా కనిపించే ఎపిసోడ్ అమెరికా నేపథ్యంలో సాగనుంది. వేసవిలో లేదంటే వేసవి తర్వాత అమెరికా వెళ్ళడానికి సన్నాహాలు చేస్తున్నారట.






మైత్రీ మూవీ మేకర్స్ పతాకంపై ఈ సినిమా తెరకెక్కుతోంది. నవీన్ ఎర్నేని, వై. రవిశంకర్ నిర్మాతలు. ఇందులో బాలకృష్ణ సరసన శ్రుతీ హాసన్ కథానాయికగా నటిస్తున్నారు. ముసలి మడుగు ప్రతాప్ రెడ్డి పాత్రలో కన్నడ స్టార్ దునియా విజయ్ విలన్ రోల్ చేస్తున్నారు. వరలక్ష్మీ శరత్ కుమార్ కీలక పాత్రలో కనిపించనున్నారు. ఈ చిత్రానికి తమన్ సంగీత దర్శకుడు.


Also Read: కండోమ్స్‌కు నిధి అగర్వాల్ ప్రచారం - సోషల్ మీడియాలో దుమ్ము దుమారం


Also Read: తమిళ స్టార్ విజయ్‌కు షాక్ ఇచ్చిన మలయాళీ డైరెక్టర్