Nagarjuna First Look From Kubera: తమిళ స్టార్‌ హీరో ధనుష్, టాలీవుడ్‌ కింగ్‌ నాగార్జున కాంబినేషన్‌లో మల్టిస్టారర్‌గా రూపొందుతున్న చిత్రం 'కుబేర'. నేషనల్ అవార్డ్ విన్నింగ్ డైరెక్టర్ శేఖర్ కమ్ముల దర్శకత్వం వహిస్తున్న ఈ సినిమాపై భారీ అంచనాలు నెలకొన్నాయి. ఇందులో కింగ్‌ నాగార్జున్న కీలక పాత్ర పోషిస్తున్నట్టు అప్‌డేట్‌ బయటకు రావడంతో మూవీపై మరింత బజ్‌ క్రియేట్‌ అయ్యింది. ఇందులో నాగ్‌ పోలీసు ఆఫీసర్‌గా కనిపిస్తారని టాక్‌. అయితే తాజాగా ఈ చిత్రం నుంచి నాగార్జున్‌ లుక్‌ రిలీజ్‌ చేశారు మేకర్స్‌. ఈ సందర్భంగా ఫస్ట్‌లుక్‌ గ్లింప్స రిలీజ్‌ చేశారు. ఇందులో నాగార్జున ఫుల్‌ ఫార్మల్‌ లుక్‌లో ఆకట్టున్నారు.
బ్లూ కలర్‌ షర్ట్‌, ఫార్మల్‌ ప్యాంటులో కళ్లజోడు పెట్టుకోని గొడుగుతో వర్షంలో నిలబడి ఉన్న లుక్‌ బాగా ఆకట్టుకుంటుంది. ఇప్పటికే హీరో ధనుష్ లుక్‌ రిలీజ్‌ చేసి మూవీపై అంచనాలు పెంచారు. చిరిగిన దుస్తుల్లో బిచ్చగాడిలా చూపించడం అందరిని ఆశ్చర్యపరిచింది. ఇక ఇందులో హీరోకి పూర్తి అపోజిట్‌లో నాగార్జున లుక్‌ ఉంది. ఫుల్‌ క్లాపీ అండ్‌ ఫార్మల్‌గా ఉన్న నాగ్‌ లుక్‌ ఆద్యాంతంగా ఆకట్టుకుంటుంది. ప్రస్తుతం నాగార్జున 'కుబేర' ఫస్ట్‌లుక్‌కు మంచి రెస్పాన్స్‌ వస్తుంది. పాన్‌ ఇండియా వస్తున్న ఈ సినిమాలో నాగార్జున మరో హీరో అనే విషయం తెలిసిందే.
కాగా శేఖర్ కమ్ముల దర్శకత్వం వహిస్తున్న ఈ సినిమాను సోనాల్ నారంగ్ సమర్పణలో శేఖర్ కమ్ములకు చెందిన అమిగోస్ క్రియేషన్స్ సంస్థతో కలిసి శ్రీ వెంకటేశ్వర సినిమాస్ ఎల్‌ఎల్‌పి (ఏషియన్ గ్రూప్ యూనిట్) పతాకంపై సునీల్ నారంగ్, పుస్కూర్ రామ్ మోహన్ రావు నిర్మిస్తున్నారు. ఇందులో నేషనల్ క్రష్ రష్మికా మందన్న హీరోయిన్‌గా నటిస్తుంది. ప్రస్తుతం శరవేగంగా షూటింగ్‌ జరుపుకుంటున్న ఈ సినిమాను ఈ ఏడాది చివరిలో విడుదల చేసేందుకు మూవీ టీం ప్లాన్‌ చేస్తుందట.