''ఫైనల్లీ... ఓ కొత్త ప్రారంభం, కొత్త జీవితం'' అంటూ గురువారం రాత్రి ఐపీఎల్ మాజీ ఛైర్మన్ లలిత్ మోడీ ట్విట్టర్‌లో ఒక పోస్ట్ చేశారు. పోస్టుతో పాటు కొన్ని ఫోటోలు కూడా ఉన్నాయి. ఆ ఫోటోల్లో బాలీవుడ్ భామ సుష్మితా సేన్ ఉన్నారు. మాల్దీవ్స్, ఇటలీలోని సార్దీనియా గ్లోబల్ టూర్ తర్వాత లండన్ చేరుకున్నానని ఆయన పేర్కొన్నారు. సుష్మితా సేన్‌ను బెటర్ హాఫ్ అనడంతో సినిమా ప్రేక్షకులు, క్రికెట్ ఫాలో అయ్యే వాళ్ళకు ఒక్కటే సందేహం వచ్చింది. వీళ్ళిద్దరూ పెళ్లి చేసుకున్నారా? అని! కాసేపటికి లేదంటూ ఆయన వివరణ ఇచ్చారు.
''జస్ట్ ఫర్ క్లారిటీ... పెళ్లి చేసుకోలేదు. డేటింగ్ చేసుకుంటున్నాం. ఏదో ఒక రోజు పెళ్లి కూడా జరుగుతుంది'' అని లలిత్ మోడీ మరో పోస్ట్ చేశారు. వీళ్ళిద్దరి డేటింగ్ న్యూస్ ఇటు హిందీ సినిమా ఇండస్ట్రీలో, అటు క్రికెట్ ప్రపంచంలో సెన్సేషనల్ అయ్యింది. ఇప్పుడు లలిత్ మోడీ వయసు 56 ఏళ్ళు. సుష్మితా సేన్ వయసు 46 ఏళ్ళు.
Also Read : 'గార్గి' రివ్యూ: ఎవరూ ఊహించని క్లైమాక్స్ - సాయి పల్లవి కొత్త సినిమా ఎలా ఉందంటే?
సుష్మితా సేన్ డేటింగ్ విషయం తనకు కూడా తెలియదని ఆమె సోదరుడు రాజీవ్ సేన్ తెలిపారు. తనకూ అది స‌ర్‌ప్రైజ్‌ అని ఆయన పేర్కొనడం గమనార్హం.
Also Read : 'ది వారియర్' రివ్యూ: డాక్టర్ పోలీస్ అయితే? రామ్ సినిమా ఎలా ఉందంటే?