‘పుష్ప’ సినిమాలో నటనకు అల్లు అర్జున్ నేషనల్ అవార్డ్ అందుకున్న సంగతి తెలిసిందే. ఈ సందర్భంగా హీరో కార్తికేయ.. అల్లు అర్జున్‌ను ప్రత్యేకంగా కలిసి అభినందించారు. బన్నీ కూడా కార్తికేయ నటించిన ‘బెదురులంక 2012’ సక్సెస్ నేపథ్యంలో కార్తికేయకు అభినందనలు తెలిపాడు.
‘బెదురులంక 2012’ సక్సెస్‌కు అభినందనలు
ఈ వారం రెండు తెలుగు సినిమాలు థియేటర్లలో సందడి చేశాయి. అందులో కార్తికేయ నటించిన ‘బెదురులంక 2012’ కూడా ఒకటి. 2012 యుగాంతం అని వస్తున్న వార్తలను బెదురులంక అనే గ్రామంలోని ప్రజలు ఎలా నమ్మారు, అక్కడ ఎలాంటి పరిస్థితులు ఏర్పాడ్డాయి అనే కాన్సెప్ట్‌తో ఈ చిత్రం తెరకెక్కింది. కొత్త కాన్సెప్ట్‌తో కామెడీ యాడ్ చేశారు ప్రేక్షకుల చేత ప్రశంసలు అందుకుంటున్నాడు డెబ్యూ డైరెక్టర్ క్లాక్స్. ఈ సినిమాలో కార్తికేయకు జోడీగా ‘డీజే టిల్లు’ ఫేమ్ నేహా శెట్టి నటించింది. ఈ మూవీ వీకెండ్ మంచి కలెక్షన్స్ సాధించింది. అంతే కాకుండా ప్రేక్షకుల దగ్గర నుండి కూడా హిట్ టాక్ అందుకుంటోంది. దీంతో బన్నీ సైతం ‘బెదురులంక 2012’ సక్సెస్ గురించి కార్తికేయను నేరుగా కలవడానికి నిర్ణయించుకున్నాడు. కార్తికేయ కూడా నేషనల్ అవార్డ్ వచ్చినందుకు అల్లు అర్జున్‌ను కలిసి అభినందించి కాసేపు సమయాన్ని గడిపాడు.
నేషనల్ అవార్డ్‌కు అభినందనలు
‘పుష్ప’ సినిమా అనేది కేవలం దేశవ్యాప్తంగానే కాదు.. ప్రపంచవ్యాప్తంగా ఎంత ఇంపాక్ట్ క్రియేట్ చేసిందో ప్రత్యేకంగా చెప్పాల్సిన అవసరం లేదు. ముఖ్యంగా ఈ సినిమాలోని అల్లు అర్జున్ స్టైల్‌కు ప్రేక్షకులు మాత్రమే కాదు.. సినీ సెలబ్రిటీలు, క్రికెటర్లు, స్పోర్ట్స్ పర్సన్స్.. ఇలా ఎందరో ఫ్యాన్ అయ్యారు. తగ్గెదె లే అంటూ బన్నీ చెప్పిన డైలాగును ఇప్పటికీ చాలామంది ఇమిటేట్ చేస్తూనే ఉన్నారు.
Also Read: నాగ చైతన్యను ఇబ్బంది పెట్టిన ‘ఖుషీ’ ట్రైలర్? థియేటర్ నుంచి బయటకు వెళ్లిపోయారా?
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial