Prabhas Kalki 2898 AD Movie Hindi Collections: 'కల్కి 2898 ఏడీ' విడుదలకు ముందు ఓ లెక్క... 'కల్కి 2898 ఏడీ' విడుదల తర్వాత మరో లెక్క అన్నట్టు ఉంది బాక్స్ ఆఫీస్ బరిలో ప్రభాస్ జోరు. నాగ్ అశ్విన్ దర్శకత్వంలో ఆయన హీరోగా నటించిన 'కల్కి 2898 ఏడీ' భారీ వసూళ్లు సాధిస్తూ వెయ్యి కోట్ల దిశగా దూసుకు వెళుతోంది. మరో వైపు హిందీలో కూడా భారీ వసూళ్లు సాధిస్తోంది. అక్కడ రేర్ రికార్డ్ క్రియేట్ చేసింది.


హిందీలో డబుల్ సెంచురీ కొట్టిన 'కల్కి 2898 ఏడీ
'హిందీలో 'కల్కి 2898 ఏడీ' వసూళ్లు డబుల్ సెంచరీ దాటాయి. సినిమా విడుదలైన రెండో వారంలోనూ బాక్స్ ఆఫీస్ బరిలో డబుల్ డిజిట్స్ కనబడుతున్నాయి. అక్కడ శనివారం రూ. 17.5 కోట్లు, ఆదివారం రూ. 22 కోట్లు వచ్చాయి. ఆదివారం వసూళ్లతో 'కల్కి 2898 ఏడీ' హిందీ కలెక్షన్లు రూ. 212.50 కోట్లు దాటాయి. ఈ రికార్డ్ క్రియేట్ చేసిన మూడో తెలుగు డబ్బింగ్ సినిమా 'కల్కి 2898 ఏడీ' కావడం గమనార్హం.



రాజమౌళి సినిమాల తర్వాత ఆ రికార్డ్ 'కల్కి 2898 ఏడీ'దే!
'బాహుబలి' ఫస్ట్ పార్ట్, సాహో, రాధే శ్యామ్, ఆదిపురుష్, సాహో సినిమాలకు హిందీ మార్కెట్టులో వచ్చిన లైఫ్ టైమ్ కలెక్షన్లను 'కల్కి 2898 ఏడీ' క్రాస్ చేసింది. అక్కడ సరికొత్త రికార్డులు క్రియేట్ చేస్తోంది.


Also Read: త్రిష తొలి వెబ్ సిరీస్ బృంద స్ట్రీమింగ్ డేట్ వచ్చేసింది - ఎప్పుడు, ఎక్కడో చూడొచ్చు అంటే?










'కల్కి 2898 ఏడీ' కంటే హిందీలో 200 కోట్ల కంటే ఎక్కువ కలెక్షన్స్ సాధించిన రెండు సినిమాలు రాజమౌళి దర్శకత్వం వహించినవి కావడం గమనార్హం. ఆ రెండిటిలో ఒకటి ప్రభాస్ 'బాహుబలి 2'. మరొకటి 'ఆర్ఆర్ఆర్'. ప్రజెంట్ 'కల్కి 2898 ఏడీ' జోరు చూస్తుంటే... 'బాహుబలి 2' దగ్గర దగ్గరకు వెళ్లే అవకాశం ఉంది.


Also Read: ఓటీటీలోకి ఈ వారమే సుధీర్ బాబు 'హరోం హర' - Prime Video, ETV Winలో కాదు, ఏ ఓటీటీలో వస్తుందో తెలుసా?