Devara upcoming movie songs: మ్యాన్ ఆఫ్ మాసెస్, యంగ్ టైగర్ ఎన్టీఆర్ హీరోగా తెరకెక్కుతున్న తాజా సినిమా 'దేవర'. ఆల్రెడీ రెండు సాంగ్స్... ఫియర్, చుట్టమల్లె విడుదల అయ్యాయి. ఆ రెండు చార్ట్ బస్టర్స్ అయ్యాయి. అయితే... మూవీలో బెస్ట్ సాంగ్స్ ఇవి కాదని, రెండు పాటలు దాచి ఉంచారని, అవి వస్తే నెక్స్ట్ లెవల్ రచ్చ అంటున్నారు మూవీ టీమ్ మెంబర్స్. 'దేవర' పాటల గురించి ఒక్కొక్కరూ వేస్తున్న ట్వీట్స్ చూస్తుంటే... అభిమానులలో అంచనాలు అమాంతం పెరుగుతున్నాయి.
నాలుగు పాటల్లో బెస్ట్ రెండు ఇంకా రిలీజ్ కాలేదు!
How many songs are in Devara movie?: 'దేవర' సినిమాలో మొత్తం నాలుగు సాంగ్స్ ఉన్నాయి. అందులో రెండు పాటలు 'ఫియర్', 'చుట్టమల్లె' విడుదల కాగా... మరో రెండు పాటలు విడుదల చేయాల్సి ఉంది. ఆ రెండిటి గురించి ఎన్టీఆర్ టీమ్ మెంబర్, పీఆర్వో ఒకరు ట్వీట్ చేశారు. ''ఫియర్, చుట్టమల్లె పాటలకు ఊగిపోతున్నారు. నెక్స్ట్ వచ్చే రెండిటికి ఉండే రచ్చ నెక్స్ట్ లెవల్ లో ఉంటుంది'' అని పేర్కొన్నారు.
ప్రేక్షకులకు పూనకాలే... రామజోగయ్య శాస్త్రి!
''నిన్న (శనివారం) రాత్రి నేను ఆయుధ పూజ సాంగ్ షూట్ చూస్తూ ఎమోషనల్ అవుతుంటే... పక్కనుండి మా శివ గారు (దర్శకుడు కొరటాల శివ) డాన్స్ డ్యూయెట్ అయితే వేరే స్థాయి పూనకాలేనని అన్నారు. అదే మాట మీతో అన్నాను... నిజ్జంగా నిజ్జం'' అని గేయ రచయిత రామజోగయ్య శాస్త్రి ట్వీట్ చేశారు. ఈ మాటలు అంచనాలు మరింత పెంచాయి.
ఆయుధ పూజ పాట గురించి రత్నవేలు ట్వీట్ చూశారా?
Devara Opening Song: ప్రస్తుతం 'దేవర' సినిమాలో వచ్చే ఓపెనింగ్ సాంగ్ షూట్ జరుగుతోందని సినిమాటోగ్రాఫర్ రత్నవేలు ట్వీట్ చేశారు. రా విజువల్ స్టైల్ లో ఆ సాంగ్ తీస్తున్నామని, తారక్ గ్రేస్ అండ్ స్టైల్, ఆ ఎలక్ట్రిఫైయింగ్ మూవ్మెంట్స్ చూస్తే అభిమానులకు పండగే'' అని చెప్పారు. ఈ పాటకు గణేష్ ఆచార్య మాస్టర్ కొరియోగ్రఫీ అందిస్తున్నారని తెలిపారు.
ఎన్టీఆర్ సరసన జాన్వీ కపూర్ కథానాయికగా నటిస్తున్న 'దేవర' సినిమాలో సైఫ్ అలీ ఖాన్, బాబీ డియోల్ విలన్ రోల్స్ చేస్తున్నారు. ఈ సినిమాను తెలుగుతో పాటు తమిళ, కన్నడ, మలయాళ, హిందీ భాషల్లో భారీ ఎత్తున సెప్టెంబర్ 27న విడుదల చేయనున్నారు. కొరటాల శివ దర్శకత్వం, నందమూరి కళ్యాణ్ రామ్ సమర్పణలో హరికృష్ణ, మిక్కిలినేని సుధాకర్ ప్రొడ్యూస్ చేస్తున్నారు.
Also Read: 'మట్కా' కింగ్ వచ్చాడోచ్ - రెండు లుక్స్‌లో వేరియేషన్ చూపించిన వరుణ్ తేజ్