Jr NTR New Movie: ప్రజెంట్ మ్యాన్ ఆఫ్ మాసెస్, యంగ్ టైగర్ ఎన్టీఆర్ 'దేవర' పార్ట్ 1తో వెరీ బిజీ. దీని తర్వాత ఆయన హీరోగా యాక్ట్ చేయబోయే రెండు మూడు సినిమాలు కన్ఫర్మ్ అయ్యాయి. 'డ్రాగన్' (ఇంకా టైటిల్ అనౌన్స్ చెయ్యలేదు), 'వార్ 2' ఈ ఏడాది సెట్స్ మీదకు వెళతాయి. వీటి తర్వాత ఆయన చెయ్యబోయే సినిమాల లిస్టులోకి కొత్త దర్శకుడు వచ్చాడు. 


'హాయ్ నాన్న' దర్శకుడికి ఎన్టీఆర్ ఛాన్స్!
Hi Nanna fame Shouryuv to direct Jr NTR: నేచురల్ స్టార్ నాని, 'సీతా రామం' ఫేమ్ మృణాల్ ఠాకూర్ హీరో హీరోయిన్లుగా నటించిన 'హాయ్ నాన్న' గుర్తు ఉందా? ఆ సినిమాతో శౌర్యువ్ దర్శకుడిగా పరిచయం అయ్యారు. ఇప్పుడు ఆయనతో మ్యాన్ ఆఫ్ మాసెస్ ఎన్టీఆర్ సినిమా చేయనున్నారట!






'హాయ్ నాన్న' మూవీ ప్రొడ్యూస్ చేసిన వైరా ఎంటర్‌టైన్‌మెంట్స్ సంస్థే జూనియర్ ఎన్టీఆర్, శౌర్యువ్ కాంబినేషన్ మూవీని కూడా ప్రొడ్యూస్ చెయ్యనుందని టాక్. మరి, ఈ సినిమా ఎప్పుడు సెట్స్ మీదకు వెళుతుంది? అనేది ఇప్పట్లో చెప్పడం కష్టమే. ఎన్టీఆర్ షెడ్యూల్ అంత బిజీగా ఉంది మరి!


ఇప్పుడు ఎన్టీఆర్ చేతిలో ఉన్న సినిమాలు ఏమిటి?
Jr NTR Upcoming Movies: ప్రజెంట్ ఎన్టీఆర్ ఏయే సినిమాలు చేస్తున్నారు? అనే వివరాల్లోకి వెళితే... 'దేవర' పార్ట్ 1 షూటింగ్ ఆల్మోస్ట్ ఎండింగ్ స్టేజికి వచ్చింది. ఆ సినిమా సెప్టెంబర్ 27న థియేటర్లలోకి రానుంది. భారీ ఎత్తున వరల్డ్ వైడ్ రిలీజ్ చేసేలా ప్లాన్ చేశారు. పైగా, 'ఆర్ఆర్ఆర్' తర్వాత ఎన్టీఆర్ యాక్ట్ చేసిన సినిమా కావడంతో విపరీతమైన క్రేజ్ నెలకొంది. 'దేవర' తర్వాత మరో రెండు సినిమాలు చెయ్యనున్నారు. ఆ రెండూ అధికారికంగా అనౌన్స్ చేశారు.


Also Read: హైపర్ ఆది... నన్ను టచ్ చేయకు - శ్రీ సత్య కామెంట్స్, అతడి పరువు తీసి పారేసిన హన్సిక!



'కెజిఎఫ్', 'సలార్' ఫేమ్ ప్రశాంత్ నీల్ దర్శకత్వంలో ఎన్టీఆర్ ఒక సినిమా చేస్తారు. అది ఎప్పుడో అనౌన్స్ చేశారు. ఆగస్టులో సెట్స్ మీదకు వెళుతుంది. ఇక, బాలీవుడ్ డైరెక్టర్ అండ్ 'బ్రహ్మాస్త్ర' ఫేమ్ అయాన్ ముఖర్జీ దర్శకత్వంలో 'వార్ 2' కూడా ఎన్టీఆర్ చేస్తున్నారు. ఆల్రెడీ షూటింగ్ స్టార్ట్ చేశారు. ముంబైలో ఎన్టీఆర్ కొన్ని రోజులు షూటింగ్ కూడా చేశారు. 'దేవర 2' ఎలాగో ఉండనే ఉంది. వరుసగా పాన్ ఇండియా లెవల్ డైరెక్టర్లతో ఎన్టీఆర్ సినిమాలు చెయ్యాలని ఫ్యాన్స్ కోరుకుంటుంటే... ఒక్క మూవీ మాత్రమే తీసిన దర్శకుడికి ఆయన ఛాన్స్ ఇవ్వడం అనేది షాకింగ్ డెసిషనే కదా.


Also Read: రీతూ చౌదరి లవర్ గురించి సీక్రెట్ బయటపెట్టిన విష్ణుప్రియ - ఇదెక్కడి ట్విస్ట్ రా మావ!