Amitabh Bachchan On His Health News: బాలీవుడ్ దిగ్గజ నటుడు అమితాబ్ బచ్చన్ ఆరోగ్యం గురించి పలు రకాల వార్తలు వినిపించాయి. కొద్ది రోజులుగా ఆయనకు పలు ఆరోగ్య సమస్యలు తలెత్తుతున్నట్లు ఊహాగానాలు వినిపించాయి. మార్చి 15న ఆయన ఆరోగ్య పరిస్థితి విషమించినట్లు వార్తలు వచ్చాయి. ఇంటి దగ్గరే ఆయనకు సమస్య తలెత్తడంతో ముంబైలోని కోకిలా బెన్ హాస్పిటలకు తరలించినట్లు టాక్ వినిపించింది. గుండెకు రక్తం సరఫరా చేసే నాళాల్లో రక్తం గడ్డకట్టుకుపోవడం వల్లే సమస్య ఏర్పడిందని ఊహాగానాలు వినిపించాయి. వెంటనే ప్రత్యేక వైద్యుల బృందం ఆయనకు యాంజియోప్లాస్టీ ట్రీట్మెంట్ ఇచ్చినట్లు ప్రచారం జరగడంతో ఆయన అభిమానులు ఆందోళనకు గురయ్యారు.
అవన్నీ ఫేక్ వార్తలన్న అమితాబ్ బచ్చన్
అమితాబ్ బచ్చన్ ఆస్పత్రిలో చికిత్స పొందుతున్నారని వార్తలు వచ్చిన కొద్ది గంటల్లోనే ఆయన బయట కనిపించడంతో అందరూ షాక్ అయ్యారు. ఇండియన్ స్ట్రీట్ ప్రీమియర్ లీగ్ ఫైనల్ మ్యాచ్ చూసేందుకు అమితాబ్ తన కొడుకు అభిషేక్ తో కలిసి వచ్చారు. థానే దాదోజీ కొండదేవ్ స్టేడియం వేదికగా మాఝీ ముంబై, టైగర్స్ ఆఫ్ కోల్‌కతా మధ్య జరిగిన ఈ మ్యాచ్ తిలకించారు. అమితాబ్ పక్కనే మాస్టర్ బ్లాస్టర్ సచిన్ టెండూల్కర్ కూర్చొని కనిపించారు. స్టేడియంలో అతడిని చూసి అభిమానులు ఆశ్చర్యపోయారు. బిగ్ బీ హాస్పిటల్ లో ఉన్నారంటూ వార్తలు వచ్చాయి కదా? అని షాక్ అయ్యారు. ఇదే విషయాన్ని మీడియా ప్రతినిధులు అమితాబ్ ను ప్రశ్నించారు. అవన్నీ ఫేక్ వార్తలు అంటూ ఆయన కొట్టిపారేశారు. పూర్తిగా తెలియకుండా వార్తలు ప్రసారం చేయడం మంచిదికాదని చెప్పుకొచ్చారు. దీంతో ఆయన అభిమానులు రిలాక్స్ అయ్యారు.
భారీ ప్రాజెక్టులలో నటిస్తున్న బిగ్ బీ
ఇక ప్రస్తుతం అమితాబ్ వరుస సినిమాలు చేస్తున్నారు. తెలుగులో తెరకెక్కుతున్న పాన్ ఇండియన్ మూవీ ‘కల్కి 2898 AD’లో కనిపించబోతున్నారు. టాలెంటెడ్ డైరెక్టర్ నాగ్ అశ్విన్ సైన్స్ ఫిక్షన్ కథాంశంతో హాలీవుడ్ రేంజిలో ఈ సినిమాను తెరకెక్కిస్తున్నారు. ఈ సినిమాపై అభిమానులలో భారీగా అంచనాలు నెలకొన్నాయి. ఈ సినిమా నుంచి వస్తున్న అప్డేట్స్ మరింత క్యూరియాసిటీ పెంచుతున్నాయి. ఇందులో బాలీవుడ్ భామలు దీపికా పడుకునే, దిశా పటాని హీరోయిన్లుగా నటిస్తుండగా.. విశ్వ నటుడు కమల్ హాసన్, బాలీవుడ్ స్టార్ బిగ్ బీ అమితాబ్ బచ్చన్ కీలక పాత్రలు పోషిస్తున్నారు. మే 9న ఈ సినిమా థియేటర్లలో అడుగు పెట్టబోతోంది. అటు కోలీవుడ్‌లో రజనీ కాంత్‌ తో కలిసి అమితాబ్ ‘వెట్టయాన్‌’ సినిమాలో నటిస్తున్నారు. చాలా ఏండ్ల తర్వాత ఇద్దరు దిగ్గజ నటులు కలిసి నటిస్తుండంతో ఈ సినిమాపైనా భారీగా అంచనాలు నెలకొన్నాయి.
Read Also: ఒకే ఒక్క క్యారెక్టర్ నన్ను సినిమాలకు దూరం చేసింది- అసలు విషయం చెప్పిన అందాల రాశీ