'ఉప్పెన' సినిమాతో బ్లాక్ బస్టర్ డెబ్యూ అందుకున్న మెగా మేనల్లుడు వైష్ణవ్ తేజ్ ఆ తర్వాత విభిన్న తరహా సినిమాలతో ప్రేక్షకులను అలరించాడు. 'ఉప్పెన' తర్వాత వైష్ణవ్ తేజ్ చేసిన సినిమాలు ఆశించిన స్థాయిలో సక్సెస్ కాలేకపోయాయి. దీంతో మరోసారి ఉప్పెన స్థాయి హిట్ అందుకునేందుకు ప్రయత్నం చేస్తున్నాడు. రీసెంట్ గా 'రంగ రంగ వైభవంగా' అనే సినిమాతో ప్రేక్షకుల ముందుకు వచ్చిన వైష్ణవ్ తేజ్ త్వరలోనే 'ఆదికేశవ' అనే చిత్రంతో ఆడియన్స్ ను పలకరించబోతున్నాడు. కమర్షియల్ ఫ్యామిలీ అండ్ యాక్షన్ ఎంటర్టైనర్ గా తెరకెక్కుతున్న ఈ చిత్రంలో వైష్ణవ్ తేజ్ సరసన యంగ్ బ్యూటీ శ్రీలీల కథానాయికగా నటిస్తోంది.
సితార ఎంటర్టైన్మెంట్స్ నిర్మిస్తున్న ఈ సినిమాతో శ్రీకాంత్ ఎన్. రెడ్డి వెండితెరకు దర్శకుడిగా పరిచయం అవుతున్నాడు. రీసెంట్ గానే 'మ్యాడ్' మూవీ తో బ్లాక్ బస్టర్ హిట్ అందుకున్న సితార సంస్థ దీపావళికి 'ఆదికేశవ' తో మరో బ్లాక్ బస్టర్ ను అందుకునేందుకు సిద్ధమవుతోంది. శ్రీకర స్టూడియోస్ సమర్పణలో సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ బ్యానర్లపై నాగవంశీ, సాయి సౌజన్య ఈ సినిమా నిర్మిస్తుండగా, జీ.వి ప్రకాష్ కుమార్ సంగీతమందిస్తున్నారు. ఫర్ ది ఫస్ట్ టైం వైష్ణవ్ తేజ్ కంప్లీట్ యాక్షన్ ఫిలింలో నటిస్తుండడం, శ్రీలీలతో మొదటిసారి జోడి కట్టడంతో ఈ సినిమాపై భారీ అంచనాలు ఉన్నాయి. ఇప్పటికే సినిమా నుంచి విడుదలైన టీజర్ మంచి రెస్పాన్స్ ని అందుకుంది.
తాజాగా విడుదలైన 'సిత్తరాల సిత్రావతి' అనే సాంగ్ శ్రోతలను విశేషంగా ఆకట్టుకుంది. రాహుల్ సిప్లిగంజ్ పాడిన ఈ పాటలో వైష్ణవ్, శ్రీ లీల డాన్స్ తో అదరగొట్టేసారు. ఇక తాజాగా మూవీ నుంచి సెకండ్ సింగిల్ ని రిలీజ్ చేశారు. 'హే బుజ్జి బంగారం' అంటూ సాగే ఈ మెలోడీ సాంగ్ మ్యూజిక్ లవర్స్ ని ఆకట్టుకునేలా ఉంది. హీరో తన ప్రేమను హీరోయిన్ పై తెలిపేలా ఈ పాట సాగనుండగా, ఈ మెలోడీ కోసం జీవి ప్రకాష్ కంపోజ్ చేసిన ట్యూన్ కొత్త అనుభూతినిచ్చింది. మరోసారి ఈ పాటలో వైష్ణవ్, శ్రీలీల తమ డాన్స్ స్టెప్స్ తో అదరగొట్టేసారు. ఈ పాట మొత్తాన్ని ఫారిన్ లొకేషన్స్ లోనే షూట్ చేశారు. రామజోగయ్య శాస్త్రి సాహిత్యం అందించిన ఈ పాటను అర్మాన్ మాలిక్, యామిని ఘంటసాల ఆలపించగా శేఖర్ మాస్టర్ కొరియోగ్రఫీ చేశారు.
ప్రస్తుతం ఈ రొమాంటిక్ మెలోడీ సాంగ్ సోషల్ మీడియాలో వైరల్ అవుతుంది. ఈ సినిమాతో మలయాళ అగ్ర నటుడు జోజు జార్జ్, అపర్ణ దాస్ తెలుగు ఇండస్ట్రీకి ఎంట్రీ ఇస్తున్నారు. డూడ్లీ, ఆర్థర్ ఎ విల్సన్ సినిమాటోగ్రాఫర్స్ గా వ్యవహరిస్తున్న ఈ చిత్రానికి నవీన్ నులి ఎడిటింగ్ బాధ్యతలు చేపట్టారు. దీపావళి కానుకగా నవంబర్ 10న ఈ చిత్రం ప్రపంచవ్యాప్తంగా విడుదల కానుంది. మరోవైపు హీరోయిన్ గా 'స్కంద' మూవీ తర్వాత శ్రీలీల నుంచి వస్తున్న రెండో సినిమా ఇది. రీసెంట్ గా వచ్చిన 'స్కంద'లో శ్రీలీల పాత్రకి ఎటువంటి ప్రాముఖ్యత లేదు. కాకపోతే సాంగ్స్ లో తన డాన్స్ తో అదరగొట్టింది.
ఇప్పటికే విడుదలైన పాటలను బట్టి చూస్తే 'ఆదికేశవ' సినిమాలో కూడా డాన్స్ అదరగొట్టిందని అర్థమవుతుంది. కానీ ఇందులో తన పాత్రకి ఎలాంటి ఇంపార్టెన్స్ ఉంటుందో చూడాలి. అటు వైష్ణవ్ తేజ్ కూడా తన గత చిత్రంతో బాక్స్ ఆఫీస్ దగ్గర కమర్షియల్ గా సక్సెస్ కాలేకపోయాడు. దీంతో ఈ సినిమాతో ఎలాగైనా సాలిడ్ కమర్షియల్ హిట్ అందుకోవాలని చూస్తున్నాడు. మరి బాక్స్ ఆఫీస్ వద్ద 'ఆది కేశవ' ఎలాంటి సక్సెస్ అందుకుంటుందో చూడాలి.
Also Read : పెళ్లి చేసుకున్న ప్రభాస్, అనుష్క - వాళ్లకు ఓ పాప కూడా, వైరల్ ఫోటోలు