Actor Nani Comments On OG: హీరో నాని.. 'స‌రిపోదా శ‌నివారం' సినిమా ప్ర‌మోష‌న్స్ లో బిజీబిజీగా ఉన్నారు. ఆగ‌స్టు 29న ప్రేక్ష‌కుల ముందుకు రానుంది ఈ సినిమా. దీంతో ఇంట‌ర్వ్యూలు, ప్రెస్ మీట్స్ లో బిజీగా ఉన్నాడు నాని. అయితే, ఆ సినిమా ప్ర‌మోష‌న్స్ లో ఉన్న నాని మ‌రో సినిమా గురించి మాట్లాడారు. అదే ప‌వ‌న్ క‌ల్యాణ్ న‌టిస్తున్న 'ఓజీ' సినిమా గురించి. ఆయ‌న ఆ సినిమా కోసం ఆతృత‌గా వెయిట్ చేస్తున్నార‌ట‌. ఎప్పుడెప్పుడు రిలీజ్ అవుతుందా? అని ఎదురుచూస్తున్నాను అని అన్నారు నాని. అంతేకాకుండా.. ప్ర‌భాస్ పై బాలీవుడ్ క‌మెడియ‌న్ చేసిన కామెంట్స్ పై కూడా స్పందించారు నాని. అస‌లు ఏమ‌న్నారంటే? 


మీ లాగే పిచ్చిగా ఎదురుచూస్తున్నాను.. 


స‌రిపోదా శ‌నివారం ప్ర‌మోష‌న్స్ లో భాగంగా హీరో నాని ప్రెస్ మీట్ నిర్వ‌హించారు. ఆ ప్రెస్ మీట్ మొద‌ల‌య్యే ముందు నాని ప్రొడ్యూస‌ర్ దాన‌య్య‌ను ఓజీ సిసినిమా గురించి అడిగారు. దానిపై రిపోర్టర్ ప్ర‌శ్నించ‌గా.. నాని ఇంట్రెస్టింగ్ ఆన్స‌ర్ ఇచ్చారు. దాన‌య్య గారిని సినిమాపై ట్రిగ‌ర్ చేశారు ఎందుక‌ని? అని అడిగితే.. "నేను కూడా 'ఓజీ' కోసం ఎదురుచూస్తున్నాను. ఆయ‌న్ని ట్రిగ్గ‌ర్ చేయ‌లేదు అడిగాను. అప్ డేట్ కోసం అంతే. నేను సినిమా కోసం ఆసక్తిగా ఎదురుచూస్తున్నా. నాకు కూడా ఆ పిచ్చి ఉంది. మీరంతా ఎంత‌లా ఎదురుచూస్తున్నారో నేను కూడా 'ఓజీ' కోసం అంత‌లా ఎదురుచూస్తున్నాను. నాకు దాన‌య్య గారిని ఇప్పుడు అడిగే ఛాన్స్ వ‌చ్చింది కాబ‌ట్టి అడిగాను" అని చెప్పారు నాని. 


ప్ర‌భాస్ పై క‌మెడియ‌న్ కామెంట్స్.. నాని ఏమ‌న్నారంటే?


బాలీవుడ్ నటుడు అర్షద్ వార్సీ పాన్ ఇండియన్ స్టార్ ప్రభాస్ మీద చేసిన అభ్యంతరకర కామెంట్స్ చేసిన విష‌యం తెలిసిందే. క‌ల్కీ 2898 ఏడి లో ప్రభాస్ క్యారెక్టర్ జోకర్ ను తలపించిందన్నారు. మేకర్స్ అతడిని ఎందుకు అలా చిత్రీకరించారో అర్థం కావట్లేదన్నారు. దీనిపై నాని స్పందించారు. ఆ కామెంట్స్ ప‌ట్టించుకోవ‌ద్ద‌ని అన‌వ‌స‌ర‌మైన ప‌బ్లిసిటీ ఇవ్వొద‌ని అన్నారు నాని. "మీరు చెప్తున్న వ్య‌క్తికి లైఫ్ లో బిగెస్ట్ ప‌బ్లిసిటీ ఇప్పుడు జ‌రిగింద‌ని అనుకుంటున్నాను. అన‌వ‌స‌ర‌మైన విష‌యాన్ని మీరు ప‌బ్లిసిటీ చేస్తున్నారు అనిపిస్తుంది. ఆ విషయాన్ని వ‌దిలేయ‌డం మంచిది" అన్నారు నాని. 


ఇక ఇదే అంశంపై ప్రొడ్యూస‌ర్ దిల్ రాజు కూడా స్పందించారు. "ఎవ‌రో ఏదో మాట్లాడుతున్నారు దాన్ని మ‌నం ప‌ట్టించుకోవాల్సిన ప‌నిలేదు. మీరే చెప్తున్నారు క‌దా సౌత్ టాప్ లో ఉంది అని. ఉందిగా.. ప్ర‌పంచం మొత్తం తెలుసు ఆ విష‌యం. ఎవ‌రో ఏదో అన్నార‌ని దాన్ని ప‌ట్టించుకోవాల్సిన ప‌నిలేదు. ఇప్పుడు న‌న్నే చూడండి.. నాపైనేరాళ్లు ప‌డుతూ ఉంటాయి. ఎందుకు ప‌డ‌తాయి. పండ్లు ఉన్నాయి కాబ‌ట్టే ప‌డ‌తాయి. ఇది కూడా అంతే.. ప్ర‌భాస్ ని అంటేనే క‌దా వాళ్లు ఫేమ‌స్ అయ్యేది" అని దిల్ రాజు అన్నారు.


నాచురల్ స్టార్ నాని - వివేక్ ఆత్రేయ కాంబినేషన్లో రూపుదిద్దుకున్న సినిమా 'సరిపోదా శనివారంస ఈ సినిమాలో ఎస్. జె సూర్య కీ రోల్ ప్లే చేశారు. నాని సరసన ప్రియాంక మోహన్ హీరోయిన్ గా నటించింది. డివివి ఎంటర్టైన్మెంట్స్ బార్ పై దానయ్య, కళ్యాణ్ దాసరి భారీ బడ్జెట్ తో నిర్మిస్తున్నారు సినిమాని. జేక్స్ బీజాయ్ సంగీతం అందించారు. ఆగ‌స్టు 29న ప్ర‌పంచ‌వ్యాప్తంగా సినిమా రిలీజ్ కానుంది. ఇక ఇప్ప‌టికే రిలీజైన టీజ‌ర్, ట్రైల‌ర్ ప్ర‌తి ఒక్క‌రినీ ఆక‌ట్టుకుంటున్నాయి. 


Also Read: జోకర్ కాదు, సక్సెస్ వెనుక స్ట్రాంగ్ పిల్లర్ - అర్షద్ వార్సీ కామెంట్స్‌పై డీజే టిల్లు ఫైర్