Nagarjuna: టైమ్ వేస్ట్ చేశాడంటూ ఆ దర్శకుడిపై మండిపడ్డ నాగార్జున?

టాలీవుడ్ సీనియర్ హీరో కింగ్ నాగార్జున తాజాగా ప్రముఖ రచయిత ప్రసన్నకుమార్ బెజవాడ పై ఫైర్ అయినట్లు తెలుస్తోంది.

టాలీవుడ్ లో ప్రస్తుతం సీనియర్ హీరోగా కొనసాగుతున్నారు కింగ్ నాగార్జున. 2022లో ఆయన నటించిన 'ది ఘోస్ట్' సినిమా తర్వాత ఇప్పటివరకు తన తదుపరి సినిమాని ప్రకటించలేదు. 'ది ఘోస్ట్' రిలీజై సుమారు 8 నెలలు దాటుతుంది. అయినా ఇప్పటివరకు తన నెక్స్ట్ ప్రాజెక్ట్ పై క్లారిటీ లేదు. తాజాగా ధమాకా సినిమాతో బ్లాక్ బస్టర్ హిట్ అందుకున్న రైటర్ ప్రసన్నకుమార్ బెజవాడతో నాగార్జున మూవీ చేయబోతున్నట్లు ప్రచారం జరిగింది. అటు రైటర్ ప్రసన్నకుమార్ కూడా నాగార్జునతో తాను డైరెక్టర్ గా సినిమా చేయబోతున్నట్లు ఇంటర్వ్యూలో స్వయంగా ప్రకటించారు. 'ధమాకా' మూవీ ప్రమోషన్స్ లో భాగంగా నాగార్జున సినిమాతోనే తాను దర్శకుడిగా ఎంట్రీ ఇస్తున్నట్లు వెల్లడించాడు. కానీ ఇప్పటివరకు ఈ ప్రాజెక్టుకు సంబంధించి ఎటువంటి అఫీషియల్ ఇన్ఫర్మేషన్ లేదు.

అయితే లేటెస్ట్ టాలీవుడ్ రిపోర్ట్స్ ప్రకారం రైటర్ బెజవాడ ప్రసన్నకుమార్ మీద నాగార్జున ఫైర్ అయినట్లు తెలుస్తోంది. తనతో సినిమా చేస్తానని చెప్పి ఇప్పటివరకు తన సమయం వృధా చేసినందుకు నాగార్జున ప్రసన్నకుమార్ పై ఫైర్ అయ్యారట. రైటర్ ప్రసన్నకుమార్ నాగార్జున కోసం 'పురింజు మరియం బోస్' అనే మలయాళ సినిమా నుంచి ఇన్స్పైర్ అయి ఓ కథను రెడీ చేశారట. ఆ స్టోరీని నాగార్జునకు వినిపించగా ఆయనకు కథ బాగా నచ్చింది. ఇక ప్రసన్నకుమార్ దగ్గరే ఈ మలయాలను సినిమా రైట్స్ ఉన్నాయని నాగార్జున భావించారట. దాంతో వచ్చే ఏడాది సంక్రాంతి రిలీజ్ ని లక్ష్యంగా పెట్టుకొని సినిమా ప్రారంభించవచ్చని నాగార్జున అనుకున్నారు. కట్ చేస్తే  తాను అనుకున్నట్లు ఇవన్నీ జరగకపోవడంతో రైటర్ ప్రసన్నకుమార్ మీద తీవ్ర ఆగ్రహం వ్యక్తం చేసినట్లు తెలుస్తోంది. ఎందుకంటే ఈ సినిమా రీమేక్ హక్కుల విషయంలో వివాదాలు తలెత్తాయి. ఈ సినిమా రీమేక్ రైట్స్ ని ఇప్పటికే ఇండస్ట్రీలో మరో అగ్ర నిర్మాత  కొనుగోలు చేసినట్లు తెలుస్తోంది.

దాంతో బెజవాడ ప్రసన్నకుమార్ దగ్గర ఎటువంటి రీమేక్ రైట్స్ లేకపోవడంతో సినిమాని రీమేక్ చేయడానికి అతనికి అనుమతులు లభించలేదు. ఇదే ఇష్యూ సుమారు నెలల తరబడి కంటిన్యూ అవుతూనే ఉంది. నాగార్జున సమయం కూడా వృథా అయిపోయింది. దీంతో బెజవాడ ప్రసన్నకుమార్ తన టైమ్ అంతా వేస్ట్ చేశాడంటూ అతనిపై ఆగ్రహం వ్యక్తం చేయడమే కాకుండా వెంటనే ఆ ప్రాజెక్ట్ నుంచి తప్పుకున్నారట నాగార్జున. ఇప్పుడు తన తదుపరి సినిమా కోసం ఇతర దర్శకుల స్క్రిప్స్ ని వింటున్నట్లు తెలుస్తోంది. రైటర్ ప్రసన్నకుమార్ బెజవాడ నాగార్జున దగ్గర రీమేక్ రైట్స్ లేవనే విషయాన్ని దాచి పెట్టారట. అందుకే నాగార్జున ఈ ప్రాజెక్టు నుంచి తప్పుకున్నారని వార్తలు వినిపిస్తున్నాయి. 'ది వారియర్', 'కస్టడీ' సినిమాలను నిర్మించిన ప్రొడ్యూసర్ శ్రీనివాస చిట్టూరి ఈ సినిమాను నిర్మించాలని అనుకున్నారు. అంతేకాదు ఈ మూవీకి సంబంధించి ప్రీ ప్రొడక్షన్ పనులు కూడా ఇటీవల మొదలుపెట్టారట. ఇప్పుడు ఈ ప్రాజెక్టు ఆగిపోవడంతో ఈ విషయం కాస్త ఇండస్ట్రీలో చర్చనీయాంశంగా మారింది. మరి నాగార్జున తన నెక్స్ట్ ప్రాజెక్ట్ ఏ డైరెక్టర్ తో ఉంటుందో చూడాలి.

Join Us on Telegram: https://t.me/abpdesamofficial