Gangs Of Godavari To Get Postponed Again : మాస్ కా దాస్ విశ్వక్ సేన్ సినిమా సినిమాకి తన మార్కెట్ ని పెంచుకుంటూ పోతున్నాడు. రీసెంట్ గా 'దమ్కి' సినిమాతో సూపర్ హిట్ అందుకున్న ఈ యంగ్ హీరో ఇప్పుడు 'గ్యాంగ్స్ ఆఫ్ గోదావరి' అనే సినిమాతో ప్రేక్షకుల ముందుకు రాబోతున్నాడు. కేవలం 10 సినిమాల కెరియర్ లోనే తన గ్రాఫ్ ని అమాంతం పెంచుకుంటూ వస్తున్న విశ్వక్ సేన్ మరోసారి గ్యాంగ్స్ ఆఫ్ గోదావరితో బాక్సాఫీస్ వద్ద రచ్చ చేసేందుకు సిద్ధమయ్యాడు.


ఇప్పటికే ఈ సినిమా నుంచి విడుదలైన ప్రమోషనల్ కంటెంట్ ఆడియన్స్ నుంచి మంచి రెస్పాన్స్ అందుకోవడంతోపాటు సినిమాపై ఆసక్తిని పెంచింది. ఈసారి మరో మాస్ మూవీతో విశ్వక్ సేన్ హిట్ కొట్టడం ఖాయం అంటూ ఫ్యాన్స్ ఈ సినిమా కోసం ఎంతో ఆసక్తిగా ఎదురు చూస్తున్నారు. ఇక్కడే అసలు సమస్య మొదలైంది. 'గ్యాంగ్స్ ఆఫ్ గోదావరి' సినిమాకి సరైన రిలీజ్ డేట్ దొరకడం లేదు. ఈ సినిమా రిలీజ్ మరోసారి వాయిదా పడనున్నట్లు తాజా సమాచారం.


విశ్వక్ సేన్ సినిమాకి రిలీజ్ డేట్ కష్టాలు..


'గ్యాంగ్స్ ఆఫ్ గోదావరి' సినిమాను మొదట డిసెంబర్ 8న విడుదల చేయాలని ప్లాన్ చేశారు. అయితే అప్పటికి షూటింగ్ కంప్లీట్ కాలేదు. పైగా, 'సలార్' డిసెంబర్ 22కి రావడంతో ఆ వారంలో ప్రేక్షకుల ముందుకు రావాలని అనుకున్న నాని 'హాయ్ నాన్న', నితిన్ 'ఎక్స్ట్రార్డినరీ మ్యాన్' సినిమాలు ముందుకు వచ్చాయి. దాంతో విడుదల వాయిదా పడింది. ఆ తర్వాత ఫిబ్రవరిలో సినిమాని రిలీజ్ చేయాలని అనుకున్నా రవితేజ 'ఈగల్' తో పాటూ సందీప్ కిషన్ 'ఊరు పేరు భైరవకోన', సిద్దు జొన్నలగడ్డ 'టిల్లు స్క్వేర్' వరుణ్ తేజ్ 'ఆపరేషన్ వాలెంటైన్' వంటి సినిమాలు ఉండడంతో ఎట్టకేలకు మార్చి 8న ఈ సినిమాని విడుదల చేస్తున్నట్లు మేకర్స్ ఇటీవల అధికారికంగా ప్రకటించారు.


కానీ ఈ డేట్‌కు కూడా సినిమా రిలీజ్ కావడం కష్టమని అంటున్నారు. అందుకు కారణం అదే రిలీజ్ డేట్ కి మరికొన్ని సినిమాలు రిలీజ్ అవుతుండడమే. ఫిబ్రవరిలో రిలీజ్ కావలసిన వరుణ్ తేజ్ 'ఆపరేషన్ వాలెంటైన్' రిలీజ్ సాంకేతిక సమస్యల కారణంగా మార్చి 8 కి వాయిదా పడింది. అలాగే తాజాగా గోపీచంద్ 'భీమా' తో పాటూ ఆనంద్ దేవరకొండ 'గంగం గణేశా' వంటి సినిమాలు మార్చి 8 నే రిలీజ్ డేట్ లాక్ చేసుకున్నాయి. దాంతో 'గ్యాంగ్స్ ఆఫ్ గోదావరి' మేకర్స్ మరో రిలీజ్ డేట్ ను వెతికే పనిలో పడ్డట్లు ఇండ్రస్ట్రీ వర్గాల సమాచారం.


మార్చి మూడో వారానికి షిఫ్ట్ అయిన 'గ్యాంగ్స్ ఆఫ్ గోదావరి' రిలీజ్..


'గ్యాంగ్స్ ఆఫ్ గోదావరి' రిలీజ్ మార్చి 8 నుంచి మార్చి మూడో వారంకి జరిగినట్లు తాజా సమాచారం. మార్చి 15 లేదా 22 ఏదో ఒక డేట్ ని ఫిక్స్ చేసేందుకు మేకర్స్ సన్నహాలు చేస్తున్నట్లు చెబుతున్నారు. ఈ రెండు డేట్స్ మిస్ అయితే ఆ తర్వాత 'టిల్లు స్క్వేర్' మార్చి 29 న రాబోతోంది. తర్వాత విజయ్ దేవరకొండ 'ఫ్యామిలీ స్టార్' ఏప్రిల్ 5 రిలీజ్ కి రెడీ అవుతోంది. కాబట్టి ఈ సినిమాలకు పోటీ లేకుండా 'గ్యాంగ్స్ ఆఫ్ గోదావరి' మేకర్స్ మార్చి మూడో వారంలోనే సినిమాను విడుదల చేసే అవకాశాలు ఉన్నాయి. త్వరలోనే దీనిపై పూర్తి స్పష్టత వచ్చే అవకాశం ఉంది.


Also Read : ‘విశ్వంభర’ సెట్స్‌లో అడుగు పెట్టిన మెగాస్టార్, రిలీజ్ డేట్ అనౌన్స్ చేసిన మేకర్స్