Deepika Padukone Telugu Dubbing: వావ్... కల్కి 2898 ఏడీ ట్రైలర్ రిలీజ్ అయ్యాక టాలీవుడ్ ఆడియన్స్ నుంచి వినిపించిన మాట. హాలీవుడ్ రేంజ్ సినిమా అని రెబల్ స్టార్ ప్రభాస్ ఫ్యాన్స్, కామన్ ఆడియన్స్ హ్యాపీగా ఫీలయ్యారు. పాన్ వరల్డ్ సక్సెస్ కన్ఫర్మ్ అని పండగ చేసుకున్నారు. పాన్ వరల్డ్ అని డైరెక్టర్ నాగ్ అశ్విన్ ముందు నుంచి చెబుతుంటే ఏదో అనుకున్నాం గానీ ఆయన విజన్ కేక అంటూ కాంప్లిమెంట్స్ ఇస్తున్నారు. అయితే, అదే సమయంలో హీరోయిన్ దీపికా పదుకునే తెలుగు డబ్బింగ్ ట్రోలింగ్ మెటీరియల్ అయ్యింది. 


ప్రభాస్ సినిమాలో సీన్ తీసి మరీ ట్రోల్!
Deepika Padukone In Kalki: 'కల్కి 2898 ఏడీ'లో యాక్టర్లు అందరూ తమ తమ క్యారెక్టర్లకు సొంతంగా డబ్బింగ్ చెప్పుకొన్నారు. యూనివర్సల్ స్టార్ కమల్ హాసన్ డబ్బింగ్ వల్లే ఆయన్ను చాలా మంది గుర్తు పట్టారు. అమితాబ్ బచ్చన్, దిశా ప్యాట్నీది సైతం ఓన్ డబ్బింగే. దీపికా పదుకునే కూడా సొంత గొంతు వినిపించింది. అయితే, ఆవిడ తెలుగు బాలేదని విమర్శలు వస్తున్నాయి.



దీపికా పదుకునే తెలుగును ట్రోల్ చెయ్యడానికి రెబల్ స్టార్ ప్రభాస్ సినిమాలో సీన్ తీశాడు ఒక నెటిజన్. వీవీ వినాయక్ డైరెక్షన్లో ప్రభాస్, నయనతార జంటగా యాక్ట్ చేసిన 'యోగి' మూవీ గుర్తు వుందిగా! అందులో తల్లికి ప్రభాస్  లెటర్ రాస్తుంటే నయన్ దొంగతనంగా చూస్తుంది. అతడు రాస్తున్న లెటర్ యాజిటీజ్ చదువుతుంది. మెజార్టీ టాలీవుడ్ ఆడియన్స్ దీపిక తెలుగు బాగోలేదని కామెంట్ చేస్తున్నారు.


Also Read: కమల్ తప్ప ఇంకొకరు చేయగలరా? 'కల్కి'లో ఆయన్ను ఎంత మంది గుర్తు పట్టారు?






తెలుగులో దీపిక డబ్బింగ్ చెప్పడం ఫస్ట్ టైమ్ కాదు!
'కల్కి 2898 ఏడీ' మూవీతో దీపికా పదుకునే టాలీవుడ్ ఇండస్ట్రీకి ఇంట్రడ్యూస్ అవుతోంది. అయితే, ఆవిడ సైన్ చేసిన ఫస్ట్ తెలుగు మూవీ ఇది కాదు. జయంత్ సి పరాన్జీ డైరెక్షన్లో గతంలో ఒక మూవీ చేసింది. కానీ, అది రిలీజ్ కాలేదు. ఆ తర్వాత బాలీవుడ్ ఇండస్ట్రీలో స్టార్ హీరోయిన్ అయ్యింది. ఇప్పుడు ప్రభాస్ మూవీతో మళ్లీ తెలుగు ఆడియన్స్ ముందుకు వస్తోంది. అయితే, దీపిక తెలుగు డబ్బింగ్ చెప్పడం ఇది తొలిసారి కాదు. అక్షయ్ కుమార్ 'హౌస్ ఫుల్' మూవీలో తెలుగులో కొన్ని డైలాగ్స్ మాట్లాడుతుంది. ఇది రెండోసారి. అది హిందీ మూవీ కాబట్టి తెలుగు జనాలు పట్టించుకోలేదు. 'కల్కి 2898 ఏడీ' తెలుగు సినిమా కనుక ట్రోల్‌ చేస్తున్నారు.


Also Read: చంద్రబాబు ప్రమాణ స్వీకారానికి రామ్ చరణ్ - టాలీవుడ్ నుంచి ఇంకెవరు?






దీపికా పదుకునే తెలుగు డబ్బింగ్ అసలు బాలేదని, ఛాన్సులు అస్సలు తీసుకోవద్దని, మార్చమని డైరెక్టర్ నాగ్ అశ్విన్ కి సోషల్ మీడియాలో ప్రభాస్ ఫ్యాన్స్ రిక్వెస్టులు చేస్తున్నారు. మరొక ఫ్యాన్  అయితే అసలు అప్రూవ్ ఎలా చేశారని క్వశ్చన్ చేశాడు. దీపికను,మమ్మల్ని ఇబ్బంది పెట్టడం ఎందుకని ఇంకొక నెటిజన్ వెటకారం చేశాడు.