Chiyaan Vikram: విక్రమ్‌ 'తంగలాన్‌' రిలీజ్‌ డేట్‌ వచ్చేసింది - రెండు భారీ తెలుగు సినిమాలకు పోటీగా థియేటర్లోకి..

Vikram Thangalaan movie Release Date: చియాన్‌ విక్రమ్‌ మోస్ట్‌ అవైయిటెడ్‌ మూవీ తంగలాన్‌ నుంచి అదిరిపోయే అప్‌డేట్‌ ఇచ్చింది మూవీ టీం. ఈ సినిమా రిలీజ్‌ డేట్‌ను తాజాగా ప్రకటించారు. 

Vikram Thangalaan movie Release Date Announced: తమిళ స్టార్‌ హీరో 'చియాన్'‌ విక్రమ్‌ (Chiyaan Vikram) మోస్ట్‌ అవైయిటెడ్‌ చిత్రం 'తంగలాన్‌'. సూపర్‌ స్టార్‌ రజనీకాంత్‌ బ్లాక్‌బస్టర్‌ హిట్‌ మూవీ 'కబాలి' ఫేం పా రంజిత్‌ (Pa Ranjith) దర్శకత్వంలో తెరెక్కుతున్న ఈ మూవీపై భారీ అంచనాలు నెలకొన్నాయి. ఇందులో విక్రమ్‌ లుక్‌, ప్రచార పోస్టర్స్‌ మూవీపై మరింత బజ్‌ క్రియేట్‌ చేశాయి. ఇక ఇప్పటికే చిత్రీకరణ పూర్తి చేసుకున్న ఈ సినిమా రిలీజ్‌ కోసం ఆడియన్స్‌ అంతా ఎంతో ఆసక్తిగా ఎదురుచూస్తున్నారు. ఈ క్రమంలో తాజాగా ఈ మూవీ అదిరిపోయే అప్‌డేట్‌ ఇచ్చారు. ఇటీవల విడుదలైన ట్రైలర్‌ అనంతరం మూవీ విపరీతమైన బజ్‌ నెలకొంది.

Thangalaan movie Release Movie Release Update:ఈ నేపథ్యంలో తాజాగా మూవీ రిలీజ్‌ డేట్‌ ప్రకటించి ఆడియన్స్‌నిక సర్‌ప్రైజ్‌ ఇచ్చింది మూవీ టీం. ఆగ‌స్టు 15న (August 15th) ప్రపంచవ్యాప్తంగా ఈ చిత్రాన్ని గ్రాండ్‌ రిలీజ్‌ చేస్తున్నట్టు మూవీ టీం తాజాగా అధికారిక ప్రకటన ఇచ్చింది.  దీంతో ఫ్యాన్స్‌ అంతా పుల్‌ ఖుష్‌ అవుతున్నారు. అయితే తెలుగులో తంగలాన్‌ రెండు భారీ చిత్రాలతో పోటీ దిగనుంది. అదే అగస్ట్‌ 15న రామ్ పోతినేని-పూరీ జగన్నాథ్‌ల 'డబుల్‌ ఇస్మార్ట్‌', మాస్‌ మహారాజ రవితేజ Mr. బచ్చన్‌ చిత్రాలు విడుదల చేయనున్నట్టు ఇప్పటికే మూవీ మేకర్స్‌ ప్రకటించారు.  పిరియాడికల్‌ డ్రామా రూపొందుతున్న ఈ సినిమాను ప్రముఖ నిర్మాణ సంస్థ స్టూడియో గ్రీన్ (Green Studio) పతాకంపై కేఈ జ్ఞానవేల్ రాజా ప్రతిష్టాత్మకంగా నిర్మిస్తున్నారు. 

ఈ సినిమాలో విక్రమ్‌ ట్రైబల్‌ తెగకు చెందిన వ్యక్తిగా అలరించబోతున్నాడు. ఇప్పటికే విక్రమ్‌ ఫస్ట్‌లుక్‌, ట్రైలర్‌ ఆయన విశ్వరూపం చూసిన ఫ్యాన్స్‌ అంతా థియేటర్లో మూవీ చూసేందుకు ఫుల్‌ క్యూరియాసిటీగా ఉన్నారు. ఈ క్రమంలో మూవీ టీం తంగళాన్‌ రిలీజ్‌ డేట్‌ ప్రకటించిన ఫ్యాన్స్‌కి గుడ్‌న్యూస్‌ చెప్పింది. నిజ జీవిత ఘటనల ఆధారంగా తంగలాన్‌ చిత్రాన్ని  తెరకెక్కించారు. 19వ శతాబ్దంలో జరిగిన ఘటనలను ఈ సినిమాలో మేకర్స్‌ చూపించనున్నారు. కేజీఎఫ్ గోల్డ్‌ మైన్స్‌ని బ్రిటీష్ వాళ్ల నుంచి  తంగలాన్‌ అనే ఒక తెగ ఎలా కాపాడుకున్నదో ఈ చిత్రం ద్వారా పా. రంజిత్‌ చూపించబోతున్నారు.

మెసేజ్‌ ఒరియంటెడ్‌, కాన్సెప్ట్‌ ఓరియెంటెడ్ క‌థ‌ల‌ను హ్యాండిల్ చేయ‌డంలో దిట్ట అయిన పా రంజిత్, తంగ‌లాన్ సినిమాతో బాక్సాఫీస్ ద‌గ్గ‌ర ఎలాంటి సెన్సేషన్‌ క్రియేట్‌ చేయబోతున్నాడా? అనేది ఆసక్తి నెలకొంది. ఈ చిత్రంలో మాళ‌విక మోహ‌న‌న్ హీరోయిన్‌గా నటిస్తుండగా.. పార్వ‌తి తిరువొతు, ప‌శుప‌తి త‌దిత‌రులు ఇత‌ర ముఖ్య పాత్ర‌ల్లో నటించారు. ఈ సినిమాకు యంగ్‌ మ్యూజిక్‌ సెన్సేషన్‌ జీ.వీ.ప్ర‌కాశ్ కుమార్ సంగీతం అందించాడు. ఈ సినిమాలో హీరోతో పాటు హీరోయిన్‌ కూడా యాక్షన్స్‌ సీక్వెన్స్‌లో నటించింది. ఇందుకోసం మాళవిక మోహనన్‌ మార్షల్‌ ఆర్ట్స్‌తో ప్రత్యేక శిక్షణ కూడా తీసుకుంది. ఇక తంగలాన్‌ కోసం విక్రమ్‌ పూర్తిగా మేకోవర్‌ అయ్యాడు. ఈ సినిమాకు ఆయన భారీగా బరువు తగ్గారు. ఏకంగా 35 కిలోల బరువు తగ్గినట్టు సమాచారం.