Brahmanandam First Look: 'కామెడీ బ్రహ్మ' బ్రహ్మానందం (Brahmanandam) ఈ మధ్య సినిమాలు బాగా తగ్గించారు. సంవత్సరానికి పది సినిమాలు చేసే ఆయన ఇప్పుడు చాలా అరుదుగా సినిమాలు సెలక్ట్‌ చేసుకుంటున్నారు. వయసు రిత్యా ఆయన మెల్లిగా నటనకు బ్రేక్‌ తీసుకునే ఆలోచనలో ఉన్నట్టు తెలుస్తోంది. ఈ నేపథ్యంలో ఆయన లాక్‌డౌన్‌ తర్వాత నుంచి ఆడపదడపా సినిమాలు చేస్తూ వస్తున్నారు. అది కూడా ఆయను నచ్చితేనే. ప్రస్తుతం ఆయన చిన్న సినిమాలకే ఎక్కువ ప్రాధాన్యత ఇస్తున్నారు.


తన పాత్ర ప్రాధాన్యతను బట్టి ఒకే చేసి అప్పుడప్పుడు వెండితెరపై ప్రేక్షకులను నవ్విస్తున్నారు. చివరిగా కలర్స్‌ స్వాతి 'పంచతంత్రం'సినిమాలో కనిపించిన ఆయన ప్రస్తుతం 'బ్రహ్మా ఆనందం' (Brahma Anandam Movie) అనే మూవీలో నటిస్తున్నారు. చాలా గ్యాప్‌ తర్వాత ఆయన కుమారుడు రాజా గౌతమ్ (Raja Goutham) హీరోగా నటిస్తున్న చిత్రమిది. ఇందులో ఆయన ప్రధాన పాత్రలో నటించనున్నారు. తాజాగా ఈ సినిమాలోని ఆయన ఫస్ట్‌లుక్‌ రిలీజ్‌ చేసింది మూవీ టీం. ఈ ఫస్ట్‌లుక్‌ పోస్టర్‌లో బ్రహ్మానందం పంచకట్టులో కళ్లద్దాలు పెట్టుకుని హుందాగా కనిపించారు. ప్రస్తుతం ఆయన ఫస్ట్‌లుక్‌ పోస్టర్‌ బాగా ఆకట్టుకుంది.






కాగా కొత్త దర్శకుడు RVS నిఖిల్ దర్శకత్వంలో తెరకెక్కుతున్న ఈ సినిమా ఇప్పటికే పూర్తయినట్టు తెలుస్తోంది. ప్రస్తుతం ఈ సినిమా పోస్ట్‌ ప్రొడక్షన్‌ వర్క్‌ జరుపుకుంటుందట. ఇక ఇందులో బ్రహ్మానందం తన కొడుకు రాజా గౌతమ్‌కు తాతగా నటిస్తున్నట్టు ఇప్పటికే మూవీ వెల్లడించింది. స్వధర్మ్ ఎంటర్టైన్మెంట్ నిర్మాణంలో రాహుల్ యాదవ్ నక్కా ఈ సినిమాను నిర్మిస్తున్నారు. ప్రియా వడ్లమాని, ఐశ్వర్య హోలక్‌లుహ ఇద్దరు హీరోయిన్లుగా నటిస్తున్న ఈ సినిమాలో వెన్నెల కిషోర్ ముఖ్యపాత్ర పోషిస్తున్నారు. సంపత్, రాజీవ్ కనకాల కీలక పాత్రల్లో నటిస్తున్నారు. నిజజీవితంలో తండ్రి కొడుకులు ఇప్పుడు ఈ సినిమాలో తాత మనవడి నటించడం మూవీపై అంచనాలు నెలకొన్నాయి. 



Also Read: 'దేవర'లో విలన్ భైరా గ్లింప్స్ వచ్చేసింది... రెండు లుక్కుల్లో సైఫ్ అలీ ఖాన్!


పల్లకిలో పెళ్లి కూతురు, బసంతి వంటి చిత్రాలతో ఇప్పటికే హీరోగా పరిచయం అయ్యాడు రాజా గౌతమ్‌. కానీ అతడికి ఆశించిన విజయం, గుర్తింపు రాలేదు. దీంతో ఇక సినిమాలకు బ్రేక్‌ తీసుకున్నాడు. ఇక పూర్తి నటనకు గుడ్‌ బై చెప్పాడని అంతా అనుకున్నారు. కానీ ఇప్పుడు రాజా గౌతమ్‌ హీరో 'బ్రహ్మ ఆనందం' సిసినిమా ప్రకటించి సర్‌ప్రైజ్‌ చేశాడు. ఇది ఫ్యామిలీ అండ్‌ కామెడీ ఎంటర్‌టైనర్‌గా ఉండనుందని సమాచారం. ఇక త్వరలోనే ఈ మూవీ రిలీజ్‌ డేట్‌ను మూవీ ప్రకటించిందని తెలుస్తోంది. 


Also Read: నేషనల్ అవార్ట్స్‌ - ఉత్తమ నటిగా నిత్యామీనన్‌, మానసి పరేఖ్‌లకు అవార్డు, ఏ సినిమాలకంటే..