రియాలిటీ షో 'బిగ్ బాస్' తెలుగు సీజన్ 5 విన్నర్ సన్నీ (Bigg Boss Sunny) కథానాయకుడిగా కొత్త సినిమా రూపొందుతోంది. ఈ చిత్రానికి 'డైమండ్' రత్నబాబు (Diamond Ratna Babu) దర్శకుడు. ఈ రోజు సినిమాను అనౌన్స్ చేశారు. త్వరలో ప్రారంభం కానుంది. టైటిల్, ఫస్ట్ లుక్ తదితర వివరాలు అతి త్వరలో విడుదల చేయడానికి సన్నాహాలు చేస్తున్నారు.
'సీమ శాస్త్రి', 'పిల్లా నువ్వు లేని జీవితం', 'ఈడో రకం ఆడో రకం' తదితర విజయవంతమైన సినిమాలకు 'డైమండ్' రత్నబాబు సంభాషణలు అందించారు. కలెక్షన్ కింగ్ డా. మోహన్ బాబు కథానాయకుడిగా నటించిన 'సన్ ఆఫ్ ఇండియా' (Son Of India) సినిమాకు దర్శకత్వం వహించారు. సన్నీతో ఆయన సినిమా చేస్తుండటం విశేషం. పక్కా కమర్షియల్ ఎంట‌ర్‌టైన‌ర్‌గా ఈ సినిమా రూపొందించడానికి సన్నాహాలు చేస్తున్నారట.
Also Read: 'ఎఫ్ 3' రివ్యూ: వెంకటేష్, వరుణ్ తేజ్ నవ్వించారా? ఫ్రస్ట్రేషన్ తెప్పించారా?
'బిగ్ బాస్'కు వెళ్ళడానికి ముందు సన్నీ కొన్ని సినిమాల్లో నటించారు. హీరోగా కూడా చేశారు. అయితే, 'బిగ్ బాస్' షో ద్వారా యువతలో గుర్తింపు తెచ్చుకున్నారు. 'బిగ్ బాస్' హౌస్ నుంచి బయటకు వచ్చిన తర్వాత ఆయన అంగీకరించిన చిత్రమిది. ఇందులో కథానాయిక, ఇతర సాంకేతిక నిపుణుల వివరాలు త్వరలో వెల్లడించనున్నారు.