గాడ్ ఆఫ్ మాసెస్, నట సింహం నందమూరి బాలకృష్ణ (Nandamuri Balakrishna) హీరోగా బాబీ కొల్లి (కె ఎస్ రవీంద్ర) దర్శకత్వంలో ఓ భారీ యాక్షన్ ఎంటర్టైనర్ రూపొందుతోంది. ఆ సినిమా టైటిల్ ఖరారు చేశారు. అది ఏమిటో తెలుసా?
'డాకు మహారాజ్'గా నందమూరి బాలకృష్ణ
బాలకృష్ణ, బాబీ కలయికలో సినిమా నుంచి ఇప్పటికే రెండు వీడియో గ్లింప్స్ విడుదల అయ్యాయి. ఆ రెండు అభిమానులకు నచ్చాయి. ఈ సినిమా టైటిల్ గురించి గత కొన్ని రోజులుగా పలు పేర్లు వినిపించాయి. 'వీర మాస్', 'ఊర మాస్' టైటిల్స్ ఆల్మోస్ట్ కన్ఫర్మ్ చేసినట్లు వార్తలు కూడా వచ్చాయి. అయితే ఇప్పుడు కొత్త టైటిల్ తెరమీదకు వచ్చింది. 'వీర మాస్' టైటిల్ పట్ల నందమూరి అభిమానుల నుంచి అసంతృప్తి వ్యక్తం కావడంతో మరో టైటిల్ వైపు చిత్ర బృందం అడుగులు వేసింది.
NBK 109 Titled Daaku Maharaj: బాలకృష్ణ సినిమాకు 'డాకు మహారాజ్' టైటిల్ ఖరారు చేశారు. ఆ కారణం చేతనే ప్రీ లుక్ టైటిల్ పోస్టర్ వెరైటీగా డిజైన్ చేశారు. ఈ సినిమా టైటిల్ టీజర్ ఈ శుక్రవారం అంటే నవంబర్ 15వ తేదీన విడుదల కానుంది. ఉదయం 10.24 గంటలకు టైటిల్ టీజర్ రిలీజ్ చేస్తారు.
Also Read: చిరంజీవి కంట్లో పడిన 2024 హిట్లు... చిన్నోళ్లకు 'మెగా' భరోసా!
బాలకృష్ణ సరసన కన్నడ భామ శ్రద్ధా శ్రీనాథ్
'డాకు మహారాజ్' సినిమాలో నందమూరి బాలకృష్ణకు జోడిగా కన్నడ అందాల భామ, తెలుగులో నాని 'జెర్సీ', వెంకటేష్ 'సైంధవ్'తో పాటు ఈ నెలలో విడుదల కానున్న విశ్వక్ సేన్ 'మెకానిక్ రాకీ'లో నటించిన శ్రద్ధా శ్రీనాథ్ కనిపించనున్నారు. 'వాల్తేరు వీరయ్య'తో పాటు పలు సినిమాలలో స్పెషల్ సాంగ్స్ చేసిన ఊర్వశీ రౌతేలా మరో ప్రధాన పాత్ర చేస్తున్నారు.
'డాకు మహారాజ్' సినిమాను శ్రీకరా స్టూడియో సమర్పణలో సితార ఎంటర్టైన్మెంట్స్, ఫార్చున్ ఫోర్ సినిమాస్ సంస్థల మీద సూర్యదేవర నాగవంశీ, త్రివిక్రమ్ శ్రీనివాస్ వైఫ్ సాయి సౌజన్య సంయుక్తంగా నిర్మిస్తున్నారు ఈ చిత్రానికి తమన్ సంగీతం అందిస్తున్నారు వచ్చే ఏడాది సంక్రాంతి కానుకగా సినిమాలు థియేటర్లలోకి తీసుకొస్తున్నట్లు ఇప్పటికే అనౌన్స్ చేశారు.
బాలకృష్ణ అభిమానులలో నిర్మాత నాగవంశీ సూర్యదేవర ఒకరు. ఈ నిర్మాతకు ఇండస్ట్రీలో అందరూ సన్నిహితులే. అయితే, నందమూరి కుటుంబం, ముఖ్యంగా విశ్వ విఖ్యాత నట సార్వభౌమ నందమూరి తారక రామారావు అంటే అమితమైన అభిమానం. ఆయన నిర్మాణ సంస్థ సితార ఎంటర్టైన్మెంట్స్ లోగోలో కృష్ణుడిగా సీనియర్ ఎన్టీఆర్ రూపం కనబడుతుంది. బాలకృష్ణ హీరోగా సినిమా చేయాలని గత కొన్ని ఏళ్లుగా నాగవంశీ ట్రై చేస్తున్నారు. తొలుత 'భీమ్లా నాయక్'ను బాలయ్యతో చేయాలనుకున్నారు. కానీ, కుదరలేదు. ఇప్పుడు బాబీతో సినిమా సెట్ అయింది.