హైదరాబాద్: ప్రముఖ నటుడు కోట శ్రీనివాసరావు ఆదివారం తెల్లవారుజామున హైదరాబాద్ లోని తన నివాసంలో కన్నుమూయడం తెలిసిందే. తెలుగు సినీ పరిశ్రమకు కొన్ని దశాబ్దాలుగా సేవలు అందించిన నటుడు కోటా మృతిపట్ల సినీ, రాజకీయ, ఇతర రంగాల వారు సంతాపం ప్రకటిస్తున్నారు. ఏపీ సీఎం చంద్రబాబు, తెలంగాణ సీఎం రేవంత్ రెడ్డి తెలుగు సినీ పరిశ్రమకు నటుడు కోట చేసిన సేవల్ని గుర్తుచేసుకుంటూ నివాళి అర్పిస్తున్నారు.
ప్రధాని మోదీ సంతాపం..
ప్రముఖ నటుడు కోట శ్రీనివాసరావు మరణం బాధాకరం అన్నారు ప్రధాని మోదీ. ఆయన సినీ ప్రతిభ, బహుముఖ ప్రజ్ఞతో ప్రజల గుండెల్లో గుర్తుండిపోతారు. దశాబ్దాల నుంచి ప్రేక్షకులను తన అద్భుతమైన నటనతో ఆకట్టుకున్నారు. సామాజిక సేవలోనూ ఆయన ముందున్నారు. ఎమ్మెల్యేగా పేదలు, అణగారిన వర్గాలకు సాధికారత కోసం కృషి చేశారు. ఆయన కుటుంబానికి, కోట్లాది మంది కోట శ్రీనివాసరావు అభిమానులకు ప్రగాఢ సానుభూతి. ఓం శాంతి’ అని ప్రధాని మోదీ ఎక్స్ లో పోస్ట్ చేశారు.
ఏపీ సీఎం చంద్రబాబు సంతాపం..
వైవిధ్యభరితమైన పాత్రలతో సినీ ప్రేక్షకుల అభిమానాన్ని చూరగొన్న కోట శ్రీనివాసరావు మరణంపై ఏపీ సీఎం చంద్రబాబు విచారం వ్యక్తం చేశారు. సుమారు నాలుగు దశాబ్దాల పాటు సినీ, నాటక రంగాలకు కోట చేసిన కళా సేవ, ఆయన పోషించిన పాత్రలు చిరస్మరణీయం అన్నారు. విలన్ గా, క్యారెక్టర్ ఆర్టిస్ట్ గా ఆయన పోషించిన ఎన్నో మధురమైన పాత్రలు తెలుగు ప్రేక్షకుల మదిలో శాశ్వతంగా నిలిచిపోతాయని కొనియాడారు. కోట శ్రీనివాసరావు మృతి తెలుగు సినీ రంగానికి తీరనిలోటు. 1999లో విజయవాడ నుంచి ఎమ్మెల్యేగా విజయం సాధించి ఆయన ప్రజాసేవ చేశారు. నటుడు కోట శ్రీనివాసరావు కుటుంబ సభ్యులకు ప్రగాఢ సానుభూతిని తెలియజేశారు.
ప్రముఖ నటుడు కోట శ్రీనివాసరావు మరణంపై తెలంగాణ సీఎం రేవంత్ రెడ్డి తీవ్ర దిగ్భ్రాంతి వ్యక్తం చేశారు. తెలుగు చలన చిత్ర పరిశ్రమకు ఆయన లేని లోటు తీర్చలేనిది. భౌతికంగా కోట మన మధ్య లేకపోయినా… ఆయన పోషించిన విభిన్న పాత్రలతో ప్రజల గుండెల్లో చిరస్థాయిగా ఉంటారని పేర్కొన్నారు. నటుడు కోట శ్రీనివాసరావు ఆత్మకు శాంతి చేకూరాలని భగవంతుడిని ప్రార్థించారు. నటుడు కోట కుటుంబ సభ్యులకు ప్రగాఢ సానుభూతిని తెలిపారు.
తెలుగు ప్రేక్షకుల గుండెల్లో తనకంటూ ప్రత్యేకస్థానం- నారా లోకేష్
ప్రముఖ సినీ నటులు, పద్మశ్రీ కోట శ్రీనివాసరావు మృతి పట్ల ఏపీ మంత్రి నారా లోకేష్ సంతాపం తెలిపారు. నాలుగు దశాబ్దాల సినీ ప్రయాణంలో ఎన్నో విలక్షణ పాత్రలు పోషించిన కోట శ్రీనివాసరావు తెలుగు ప్రేక్షకుల గుండెల్లో తనకంటూ ప్రత్యేకస్థానం సంపాదించుకున్నారని కొనియాడారు. తన విలక్షణ నటనతో ఎన్నో పాత్రలకు కోట శ్రీనివాసరావు జీవం పోశారు. ఇతర భాషల్లోనూ నటించి మెప్పించిన గొప్ప నటుడు ఆయన. 1999లో విజయవాడ తూర్పు నియోజకవర్గ ఎమ్మెల్యేగా గెలుపొందిన ఆయన ప్రజాసేవతోనూ మంచి నాయకుడిగా పేరు సంపాదించుకున్నారు. ఆయన మరణం తెలుగు సినీ రంగానికి తీరనిలోటు. కోట పవిత్ర ఆత్మకు శాంతి కలగాలని భగవంతుడిని ప్రార్థించారు. కోట శ్రీనివాసరావు కుటుంబ సభ్యులకు నారా లోకేష్ ప్రగాఢ సానుభూతిని తెలియజేశారు.
సినీ రంగం గొప్ప నటుడ్ని కోల్పోయింది.... కేసీఆర్ విచారం
ప్రముఖ నటుడు కోట శ్రీనివాసరావు మృతి పట్ల బీఆర్ఎస్ అధినేత, తెలంగాణ మాజీ ముఖ్యమంత్రి కేసీఆర్ సంతాపం ప్రకటించారు. విభిన్న పాత్రలను పోషించి, ప్రేక్షక హృదయాల్లో తన స్థానాన్ని పదిలపరుచుకున్న విలక్షణ నటుడు కోట శ్రీనివాసరావు అని కేసీఆర్ అన్నారు. కోట మరణంతో సినీ రంగం ఒక గొప్ప నటున్ని కోల్పోయిందని కేసీఆర్ విచారం వ్యక్తం చేశారు. స్వర్గస్తులైన కోట శ్రీనివాసరావు పవిత్ర ఆత్మకు శాంతి చేకూరాలని కేసీఆర్ ప్రార్థించారు. నటుడి కుటుంబ సభ్యులకు, అభిమానులకు కేసీఆర్ తన ప్రగాఢ సానుభూతిని తెలిపారు.
విజయవాడ ఎంపీ సంతాపంప్రముఖ విలక్షణ నటుడు, విజయవాడ తూర్పు నియోజకవర్గం మాజీ ఎమ్మెల్యే కోటా శ్రీనివాసరావు మరణం చాలా బాధాకరం అన్నారు విజయవాడ ఎంపీ కేశినేని చిన్ని. వారి పవిత్ర ఆత్మకు శాంతి చేకూరాలని, కోట కుటుంబ సభ్యులకు ప్రగాఢ సానుభూతి తెలియజేశారు.
ఏపీ మాజీ సీఎం జగన్ సంతాపం