Amala Paul and Jagat Desai blessed with baby boy: కథానాయిక అమలా పాల్ పండంటి మగబిడ్డకు జన్మ ఇచ్చారు. ప్రస్తుతం తల్లితో పాటు బిడ్డ కూడా క్షేమంగా ఉన్నారు. ఈ విషయాన్ని సోషల్ మీడియా వేదికగా ఆవిడ వెల్లడించారు.
వారం తర్వాత గుడ్ న్యూస్ చెప్పిన అమల
జూన్ 8వ తేదీన అమలా పాల్ ఓ వీడియో షేర్ చేశారు. ఇన్‌స్టాగ్రామ్‌లో ''బేబీ కమ్ డౌన్... కమ్ డౌన్'' అని పాట పడే సమయం వచ్చిందని ఆవిడ పేర్కొన్నారు. ఆ వీడియోలో అమలా పాల్ నిండు గర్భిణీ అనేది స్పష్టంగా కనిపించింది. త్వరలో ఆవిడ డెలివరీ అవుతుందని నెటిజనులు ఊహించారంతా! అదే నిజం అయ్యింది. అయితే... వారం తర్వాత ఆవిడ గుడ్ న్యూస్ చెప్పారు.
జూన్ 11న తనకు డెలివరీ అయ్యిందని అమలా పాల్ తెలిపారు. బహుశా... అప్పటి నుంచి ఆవిడ ఆస్పత్రిలో ఉన్నట్టు ఉన్నారు. ఇప్పుడు ఇంటికి వచ్చారు. బిడ్డతో పాటు ఇంట్లో అడుగుపెట్టిన వీడియోను అమలా పాల్ సోషల్ మీడియాలో షేర్ చేశారు.
పిల్లాడికి ఏం పేరు పెట్టారో తెలుసా?
Amala Paul named her baby boy as ILAI: వారసుడితో ఇంట అడుగు పెట్టిన అమలా పాల్... తన బిడ్డకు ఏం పేరు పెట్టారనేది కూడా చెప్పేశారు. చిన్నారికి 'ఇలయ్' (ILAI) అని నామకరణం చేశారు. ''అబ్బాయి పుట్టాడు. మా చిన్నారి, మా మిరాకిల్... 'ఇలయ్'ను చూడండి. జూన్ 11న జన్మించాడు'' అని అమలా పాల్ పేర్కొన్నారు. చిన్నారి ముఖం కనిపించకుండా ఆవిడ జాగ్రత్త పడ్డారు.
Also Read: పెళ్ళికి ముందు ప్రెగ్నెంట్, అమలా పాల్ కంటే ముందు ఇంత మంది హీరోయిన్లు ఉన్నారా?
చిన్నారి జననంతో జూన్ 6వ తేదీ, ఈ ఏడాది అమలా పాల్ జీవితంలో ఎప్పటికీ గుర్తు ఉంటుందని ప్రత్యేకంగా చెప్పాల్సిన అవసరం లేదు. గత ఏడాది నవంబర్ 6న జగత్ దేశాయ్ (Jagat Desai)ను ఆమె పెళ్లి చేసుకున్నారు. వివాహానికి పది రోజుల ముందు... అమలా పాల్ పుట్టినరోజు (అక్టోబర్ 26) నాడు తమ ప్రేమ విషయాన్ని జగత్ దేశాయ్ బయట పెట్టారు. ఆమెకు ప్రపోజ్ చేసిన వీడియో సోషల్ మీడియాలో షేర్ చేశారు. ఆ తర్వాత జనవరి 3న తాను గర్భవతి అని అమలా పాల్ ప్రపంచానికి చెప్పారు.
Also Read: అమలా పాల్ డెలివరీకి అంతా రెడీ - బంప్ వీడియో కింద బ్యాడ్ కామెంట్స్... నెటిజనులకు ఆ మాత్రం తెలియదా?
తెలుగు ప్రేక్షకులకు కూడా అమలా పాల్ సుపరిచితురాలు. గ్లోబల్ స్టార్ రామ్ చరణ్ సరసన ఓ కథానాయికగా 'నాయక్'లో నటించారు. ఐకాన్ స్టార్ అల్లు అర్జున్ 'ఇద్దరమ్మాయిలతో' సినిమాలో ఆవిడ మెయిన్ హీరోయిన్. ఇంకా యువ సామ్రాట్ నాగ చైతన్య 'బెజవాడ'లో కూడా నటించారు. తమిళ దర్శకుడు ఏఎల్ విజయ్ తీసిన 'నాన్న'లో నటించిన సమయంలో ఆయనతో ప్రేమలో పడ్డారు. అది పెళ్లికి దారి తీసింది. కొన్నాళ్ల సంసార జీవితం తర్వాత విడాకులు తీసుకున్నారు.