Samyuktha First Look From The Black Gold Movie: టాలీవుడ్ లక్కీ ఛార్మ్ సంయుక్త మీనన్ ప్రధాన పాత్రలో నటిస్తోన్న పాన్ ఇండియా యాక్షన్ ఎంటర్టైనర్ 'ది బ్లాక్ గోల్డ్'. దీపావళి సందర్భంగా ఈ మూవీ నుంచి ఫస్ట్ లుక్ రివీల్ చేశారు మేకర్స్. ఇదివరకు ఎన్నడూ చూడని రోల్లో ఓ పవర్ ఫుల్ లుక్లో ఆమె కనిపించారు.
ఇంటెన్స్ లుక్
రైల్వే ప్లాట్ ఫాంపై శవాలు... వెనుక నుంచి రైలు... ఒంటినిండా గాయాలు... రక్తంతో తడిచిన చేతులు... ఇంటెన్స్ లుక్తో సంయుక్త భారీ హైప్ క్రియేట్ చేశారు. 'ది బ్లాక్ గోల్డ్' ఓ కంప్లీట్ హై యాక్షన్ ఎంటర్టైనర్ అని తెలుస్తోంది. 'గందరగోళం, చీకటితో నిండిన ప్రపంచంలో ఆమె అన్నీ అసమానతలకు వ్యతిరేకంగా ఆశా దీపంగా నిలుస్తుంది.' అంటూ రాసుకొచ్చారు. ఈ మూవీకి యోగేష్ కేఎంసీ దర్శకత్వం వహిస్తుండగా... హాస్య మూవీస్ బ్యానర్పై మాగంటి పిక్చర్స్తో కలిసి రాజేష్ దండా నిర్మిస్తున్నారు.
ప్రస్తుతం ఈ మూవీ షూటింగ్ హైదరాబాద్లో జరుగుతోంది. డిఫరెంట్ కాన్సెప్ట్, హై యాక్షన్తో ఓ సరికొత్త ప్రపంచాన్ని చూపించనున్నట్లు ఫస్ట్ పోస్టర్ను బట్టి అర్థమవుతోంది. సంయుక్త పోలీస్ ఆఫీసరా? అనేది తెలియాల్సి ఉంది. తెలుగుతో పాటు తమిళం, కన్నడ, మలయాళం, హిందీ భాషల్లో మూవీని రిలీజ్ చేయనున్నారు.
'ది బ్లాక్ గోల్డ్' నటీనటులు & టెక్నికల్ టీం : కీ రోల్ : సంయుక్త, స్క్రీన్ ప్లే & దర్శకత్వం : యోగేష్ KMC, నిర్మాత : రాజేష్ దండా, సహ నిర్మాత: సింధు మాగంటి, డీవోపీ : ఎ వసంత్, సంగీతం: సామ్ సిఎస్, ఎడిటర్: ఛోటా కె ప్రసాద్, ప్రొడక్షన్ డిజైనర్: సాహి సురేష్, కథ & డైలాగ్స్: యోగేష్ KMC & ప్రసాద్ నాయుడు, స్క్రిప్ట్ కో-ఆర్డినేటర్: మధు విప్పర్తి, యాక్షన్: రామకృష్ణ, సాహిత్యం: రామజోగయ్య శాస్త్రి, ఎగ్జిక్యూటివ్ ప్రొడ్యూసర్: కిరణ్ పోపూరి.