Gorre Puranam First Glimpse: సుహాస్.. ప్రస్తుతం ఈ పేరు ఇండస్ట్రీలో మారుమోగుతుంది. 'అంబాజీపేట మ్యారేజ్‌ బ్యాండు'తో సూపర్‌ హిట్‌ కొట్టాడు. వరుస హిట్లతో అందరి సర్‌ప్రైజ్‌ చేస్తున్నాడు. క్యారెక్టర్‌ ఆర్టిస్ట్‌గా రాణించిన సుహాస్.. 'కలర్‌ ఫొటో' సినిమాతో హీరో అయ్యాడు. ఈ మూవీ భారీ విజయంతో సన్సేషన్‌ అయ్యాడు. అప్పటి నుంచి వీలుచిక్కినప్పుడల్లా హీరోగా వెండితెరపై మెప్పిస్తున్నాడు. వైవిధ్యమైన కథలను ఎంచుకుంటూ నటుడిగా ప్రూవ్‌ చేసుకుంటున్నాడు. దీంతో సుహాస్ సినిమా అంటే అందులో ఏదోక ప్రత్యేకత ఉంటుందనేలా ప్రేక్షకుల్లో అంచనాలు పెంచేస్తున్నాడు. రీసెంట్‌గా అంబాజీపేట మ్యారేజ్‌ బ్యాండు భారీ విజయం అందుకున్న సుహాన్‌ అప్పుడే మరిన్ని సినిమాను లైన్లో పెట్టాడు.
అందులో గొర్రె పురాణం ఒకటి. కొత్త డైరెక్టర్‌ బాబీ తెరకెక్కిస్తున్న ఈ సినిమాను ఫోకల్ వెంచర్స్ నిర్మిస్తుంది. ఇప్పటికే ఈ చిత్రం నుంచి రిలీజైన ప్రచార పోస్టర్స్‌ బాగా ఆకట్టుకున్నాయి. దీంతో సినిమా అంచానాలు పెరిగిపోయాయి. వైవిధ్యమైన కథగా వస్తున్న ఈ సినిమా నుంచి తాజాగా ఫస్ట్‌ హిట్‌ పేరుతో ఓ అప్‌డేట్‌ వదిలింది మూవీ టీం. ఎంతో ఆసక్తిగా సాగిన ఈఫస్ట్‌ గ్లింప్స్‌లో బ్రేకింగ్‌ న్యూస్‌ అంటూ చంచల్‌ గూడలో ఉన్న ఏ1 నిందితుడుగా ఉన్న ఏసుకు కోర్టు బెయిల్‌ నిరాకరిచింది అంటూ యాంకర్‌ న్యూస్‌ చదువుతున్న డైలాగ్‌తో వీడియో మొదలైంది. చంచల్‌గూడ జైలు, పోలీసులు, మీడియా, జనాలు.. ఇలా వారందరిని చూపిస్తూ గొర్రె పురాణం టైటిల్‌ వేశారు. ఈ గ్లింప్స్‌లో చివర్లో జైలు నుంచి ఒక గొర్రె పిల్ల బయటకు రావడం చూపించి ట్విస్ట్‌ ఇచ్చారు.
దీంతో గ్లింప్స్‌ చూసిన అందరిలో రకరకాలు ప్రశ్నలు మొదలయ్యాయి. అసలు ఇక్కడ ఏసు అంటే ఎవరు? గొర్రెను జైలులోకి ఎందుకు తీసుకెళ్లారు? అసలు ఏసు అంటే గొర్రేనా? ఇందులో సుహాస్ పాత్ర ఏంటీ? గొర్రె పురాణం అని చెప్పి జైలు ఎందుకు చూపించారు ఇలా రకరకాల ప్రశ్నలు తొలుస్తున్నాయి. ఇలా గ్లింప్స్‌తో ఫుల్‌ క్యూరియసిటీ పెంచాడు డైరెక్టర్‌. అయితే ఈ గ్లింప్స్‌లో మరోక ట్విస్ట్‌ కూడా ఇచ్చారు. వీడియోలో టైటిల్‌ కార్డు పడిన తరువాత.. ఈ సినిమా నిబ్బా, నిబ్బిలకు కాదు అంటూ క్యాప్షన్‌ ఇచ్చారు. ఇలా వరుస ట్విస్ట్‌లతో మూవీపై హైప్ క్రియేట్‌ చేశాడు డైరెక్టర్‌. నిజానికి టైటిల్‌తోనే మూవీ ఒక వైవిధ్యమైన కథ అని అర్థమైపోతుంది. ఇక గ్లింప్స్‌తో మరింత క్యూరియసిటీ పెరిగిపోయింది. మరి ఈ సినిమా రిలీజ్‌ డేట్‌ ఎప్పుడన్నది మాత్రం ఇంకా మూవీ టీం క్లారిటీ ఇవ్వలేదు. కానీ ఈ వీడియో చూస్తుంటే మాత్రం సుహాస్ ఖాతా మరో భారీ విజయం పక్కా అంటున్నారు మూవీ లవర్స్‌.
Also Read: రజనీ 'లాల్‌ సలామ్‌' తెలుగు ట్రైలర్‌ వచ్చేసింది - స్పెషల్‌ అట్రాక్షన్‌గా టీమిండియా మాజీ కెప్టెన్‌