Anushka Sharma Second Pregnancy: విరాట్ కోహ్లీ, అనుష్క శర్మ... వీరిద్దరూ అటు క్రికెట్ వరల్డ్‌లో మాత్రమే కాదు, ఇటు బాలీవుడ్‌లో కూడా చాలా మంది ఫేవరెట్ కపుల్. అనుష్క శర్మ రెండో బిడ్డకు జన్మనివ్వనుందని ఇప్పటికే పలుమార్లు రూమర్స్ వైరల్ అయ్యాయి. తను రెగ్యులర్ చెకప్ కోసం హాస్పిటల్‌కు వెళ్లిన ప్రతీసారి తన ప్రెగ్నెన్సీ గురించి రూమర్స్ వస్తూనే ఉంటాయి. వాటిపై అనుష్క ఓసారి సీరియస్ అయ్యింది కూడా. కానీ ఈసారి మాత్రం అనుష్క శర్మ ప్రెగ్నెన్సీ విషయాన్ని స్వయంగా విరాట్ కోహ్లీ ఫ్రెండే రివీల్ చేశాడు. తాజాగా ఏబి డెవిలియర్స్... అనుష్క సెకండ్ ప్రెగ్నెన్సీ గురించి ఇచ్చిన సమాచారం సోషల్ మీడియాలో వైరల్ అవుతోంది.
టెస్టులు మిస్ అవుతున్న విరాట్!
అనుష్క శర్మ, విరాట్ కోహ్లీ ఎక్కడికి వెళ్లినా... ఫోటోగ్రాఫర్లు అక్కడ వాలిపోతారు. అలా తాజాగా బయటికొచ్చిన ఫోటోలలో అనుష్క... బేబీ బంప్‌తో కనిపించింది. కానీ తను ప్రెగ్నెంట్ అన్న విషయాన్ని అధికారికంగా ప్రకటించడానికి ఈ కపుల్ ఇష్టపడలేదు. తాజాగా విరాట్ కోహ్లీ క్లోజ్ ఫ్రెండ్ అయిన ఏబి డెవిలియర్స్ వల్ల ఈ విషయం బయటపడింది. ప్రస్తుతం ఇంగ్లాండ్‌తో టెస్ట్ మ్యాచ్ ఆడడంలో బిజీగా ఉంది ఇండియా. ఇప్పటికే ఈ 5 టెస్ట్ సిరీస్‌లో 2 టెస్టులు పూర్తయ్యాయి. కానీ ఈ రెండు మ్యాచ్‌లలో విరాట్ కోహ్లీ కనిపించలేదు. విరాట్ ఎందుకు ఫీల్డ్‌లోకి దిగడం లేదని ఫ్యాన్స్ అంతా ఆందోళనపడ్డారు. దానికి అసలు కారణాన్ని తాజాగా ఒక వీడియోలో ఏబి డెవిలియర్స్ రివీల్ చేశాడు.
కన్ఫర్మ్ చేయలేను..
ఏబి డెవిలియర్స్ తాజాగా ఒక యూట్యూబ్‌ షోలో పాల్గొన్నాడు. అందులో విరాట్ కోహ్లీ... టెస్టులకు రాకపోవడానికి సంబంధించిన ప్రశ్నలు తనకు ఎదురయ్యాయి. ‘‘నాకు తెలిసి తను బాగానే ఉన్నాడు. తను కుటుంబంతో కాస్త సమయాన్ని గడుపుతున్నాడు. అందుకే ముందు జరిగిన రెండు టెస్ట్ మ్యాచ్‌లకు రాలేదు. నేను ఇప్పుడే ఏది కన్ఫర్మ్ చేయాలని అనుకోవడం లేదు. తను వెంటనే తిరిగి రావాలని ఎదురు చూస్తున్నాను’’ అని తెలిపాడు ఏబి డెవిలియర్స్. అంతే కాకుండా విరాట్ కోహ్లీతో జరిగిన సంభాషణ గురించి కూడా బయటపెట్టాడు. ఎలా ఉన్నావని మెసేజ్ పెట్టగా... తన కుటుంబంతో ఉండడం అవసరమని, తాను బాగానే ఉన్నానని విరాట్ కోహ్లీ రిప్లై కూడా ఇచ్చాడని చెప్పుకొచ్చాడు ఏబి డెవిలియర్స్.
సరైన నిర్ణయం తీసుకున్నాడు..
‘‘అవును తనకు రెండో బిడ్డ పుట్టబోతున్నారు. ఇది ఫ్యామిలీ టైమ్. ఇదంతా తనకు చాలా ముఖ్యం. చాలామంది మొదటి ప్రాధాన్యత ఫ్యామిలీ అనే అనుకుంటున్నాను. విరాట్‌ను ఈ విషయంలో జడ్జ్ చేయలేము. మేము తనను చాలా మిస్ అవుతున్నాం. కానీ తనకు కచ్చితంగా సరైన నిర్ణయమే తీసుకున్నాడు’’ అంటూ విరాట్ కోహ్లీ, అనుష్క శర్మల రెండో బిడ్డ గురించి బయటపెట్టాడు ఏబి డెవిలియర్స్. విరాట్, అనుష్క.. 2017లో పెళ్లి చేసుకున్నారు. వారిద్దరికీ ఇప్పటికే వామికా అనే పాప కూడా ఉంది. పెళ్లి తర్వాత పూర్తిగా సినిమాలకు దూరమయిన అనుష్క.. ప్రస్తుతం ‘చక్దే ఎక్స్‌ప్రెస్’ అనే సినిమాతో ప్రేక్షకుల ముందుకు రావడానికి సిద్ధమవుతోంది.
Also Read: బాలీవుడ్ సీనియర్ హీరోను లైన్‌లో పెట్టిన సందీప్ - డార్క్ యాక్షన్ క్రైమ్ థిల్లర్ కథతో సినిమా