Chiranjeevi-Raja Ravindra: ఈడో పెద్ద దూలగాడు, ఆడ పిల్లలను అలా చూడకు దరిద్రంగా - రాజా రవీంద్రకు చిరంజీవి చురకలు

‘భోళా శంకర్’ త్వరలో ప్రేక్షకుల ముందుకు రానుంది. ప్రస్తుతం ప్రమోషన్స్‌ లో ఆయన బిజీగా ఉన్నారు చిరంజీవి. తాజా ఇంటర్వ్యూలో నటుడు రాజా రవీంద్రపై ఆయన చేసిన కామెంట్స్ సోషల్ మీడియాలో వైరల్ అవుతున్నాయి.

మెగాస్టార్ చిరంజీవి నటిస్తున్న తాజా చిత్రం ‘భోళా శంకర్’. మెహర్ రమేష్ దర్శకత్వంలో ఈ ప్రతిష్టాత్మక ప్రాజెక్టు రూపొందుతోంది. మిల్కీబ్యూటీ తమన్నా, ‘మహానటి’ బ్యూటీ కీర్తి సురేష్, సుశాంత్ కీలక పాత్రల్లో కనిపించనున్నారు. తమిళంలో బ్లాక్ బస్టర్ హిట్ అందుకున్న ‘వేదాళం’ సినిమాకు రీమేక్ గా తెరకెక్కుతోంది. ఇప్పటికే ఈ సినిమా నుంచి విడుదలైన పాటలు, ట్రైలర్ ప్రేక్షకులను ఆకట్టుకున్నాయి. దీంతో మూవీపై అంచనాలు భారీగా పెరిగాయి. ప్రస్తుతం మూవీ టీమ్ ప్రమోషన్స్ లో ఫుల్ బిజీ అయ్యింది.  

రాజా రవీంద్రపై చిరు హిలేరియస్ కామెంట్స్

తాజాగా చిత్రబృందంతో కలిసి చిరంజీవి ఓ ఇంటర్వ్యూలో పాల్గొన్నారు. ఇందులో సినీ నిర్మాత అనిల్ సుంకర, దర్శకుడు మెహర్ రమేశ్‌తో పాటు మూవీలో లీడ్ రోల్స్ చేసిన తమన్నా, కీర్తి సురేశ్, సుశాంత్, రాజా రవీంద్ర, యాంకర్ శ్రీముఖి, గెటప్ శ్రీను పాల్గొన్నారు. ఈ సందర్భంగా శ్రీముఖి రాజా రవీంద్ర గురించి చెప్పాలని అడిగింది. “నోటిదూల గాడు. మనసులో ఏం ఉండదు. బయటకు మాత్రం ఏదో ఒకటి వాగి, దొబ్బులు తింటుంటాడు. నన్ను చూస్తే చూశావయ్యా, ఆడపిల్లలను చూడకు. అంటే దరిద్రంగా అలాగే చూస్తాడు” అంటూ ఫన్నీ కామెంట్స్ చేశారు. అటు చిరంజీవితో తనది చాలా లాంగ్ జర్నీ అని చెప్పారు రాజా రవీంద్ర. “అన్నయ్యతో నాది లాంగ్ జర్నీ.  ఏ సినిమా చేసిన ఫస్ట్ డేలా ఉంటుంది. చాలాసార్లు తిట్లు కూడా తిన్న. నిజంగా అన్నయ్య పక్కనే ఉన్నానా? అని అప్పుడప్పుడూ చూస్తా. ఏంట్రా అలా చూస్తున్నావ్? చేతబడి చేసే వాడిలా ఆ చూపేంటి దరిద్రంగా. పో ఇక్కడి నుంచి అంటారు” అని చెప్పుకొచ్చారు.

‘భోళా శంకర్’ వరుస ఇంటర్వ్యూలు  

‘భోళా శంకర్’ టీమ్ మొత్తం అసలు విరామం లేకుండా సినిమాను ప్రమోట్ చేయడంలో బిజీగా ఉన్నారు. చిరంజీవి సైతం ఒకటి కూడా మిస్ అవ్వకుండా ప్రతీ ఇంటర్వ్యూలో పాల్గొంటున్నారు. ఇక దర్శకుడు మెహర్ రమేష్, నిర్మాత అనిల్ సుంకర కూడా ‘భోళా శంకర్’ ప్రమోషన్స్ బాధ్యతను తమ భుజంపై వేసుకున్నారు. ప్రేక్షకులు ఎంత నెగిటివిటీ చూపించినా.. ఎన్ని నెగిటివ్ కామెంట్స్ చేసినా.. మెహర్ మాత్రం తన సినిమాపై కాన్ఫిడెంట్‌గా ఉన్నాడు. అన్ని వర్గాల ప్రేక్షకులకు సినిమా నచ్చుతుందని కచ్చితంగా చెప్తున్నాడు. ‘భోళా శంకర్’ మూవీలో అన్నా చెల్లెలి సెంటిమెంట్ అందరినీ ఆకట్టుకుంటుందన్నాడు. యాక్షన్, డ్రామా సహా ప్రేక్షకులకు కావాల్సిన అన్ని ఎలిమెంట్స్ ఉంటాయని తెలిపాడు. చిరంజీవి సినిమా నుంచి ప్రేక్షకులు ఏం ఆశిస్తారో అవన్నీ ఇందులో ఉన్నట్లు చెప్పాడు. పవన్ కల్యాణ్ మేనరిజంను చిరు ఇమిటేట్ చేయడం  ఫ్యాన్స్‌ కు మరింత ఊపునిస్తుందన్నాడు.  

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial