Bigg Boss 7 Telugu Today: బిగ్ బాస్ రియాలిటీ షోలో ఎక్కువశాతం ఎలిమినేషన్స్ అనేవి ప్రేక్షకులే నిర్ణయిస్తారు. కానీ బిగ్ బాస్.. తనంతట తానుగా నిర్ణయం తీసుకొని కంటెస్టెంట్స్‌ను బయటికి పంపడం చాలా అరుదు. ఇప్పటివరకు బిగ్ బాస్ తెలుగులో ఆరు సీజన్లు పూర్తి చేసుకోగా.. ఆ ఆరు సీజన్లలో బిగ్ బాసే స్వయంగా కంటెస్టెంట్స్‌ను బయటికి పంపడం పలుమార్లు జరిగింది. బిగ్ బాస్ సీజన్ 7 తెలుగులో కూడా శివాజీని తనంతట తానుగా బిగ్ బాస్ బయటికి పంపారు. దీనికి సంబంధించిన ప్రోమోను ఆదివారమే విడుదల చేశారు మేకర్స్. ముందుగా శివాజీని కన్ఫెషన్ రూమ్‌కు పిలిచి మాట్లాడారు. ఆ తర్వాత ఆయన కోసం గేట్లు తెరుచుకుని వెళ్లిపోమన్నారు.
ఆరోగ్యం బాలేదు..
బిగ్ బాస్ సీజన్ 7లో తాజాగా జరిగిన ఎలిమినేషన్‌లో నయని పావని హౌజ్ నుంచి బయటికి వెళ్లిపోయింది. తన ఎలిమినేషన్ సమయంలో శివాజీ చాలా ఎమోషనల్ అయ్యారు. ఇప్పటివరకు ఎన్ని ఎలిమినేషన్స్ జరిగినా.. ఎంతమంది కంటెస్టెంట్స్ వెళ్లిపోయినా.. శివాజీ కనీసం గేటు వరకు కూడా వెళ్లలేదు. కానీ నయని పావని వెళ్లిపోతున్నప్పుడు మాత్రం చాలా ఏడ్చారు. నయని బిగ్ బాస్ స్టేజ్‌పైకి వెళ్లిపోయి మాట్లాడుతున్న సమయంలో శివాజీ ఒక మాట అన్నారు. ‘‘నాకు చేయి నొప్పి ఉంది. నడుము నొప్పి ఉంది. నన్ను బయటికి పంపించేసి తనను హౌజ్‌లోకి పంపవచ్చు కదా’’ అని నాగ్‌తో చెప్పారు. కానీ ప్రేక్షకుల నిర్ణయాన్ని మనం ఎదిరించలేం కదా అని నాగ్.. శివాజీకి అర్థమయ్యేలా చెప్పారు.
గేట్లు తెరవండి వెళ్లిపోతాను..
శివాజీ.. బిగ్ బాస్ హౌజ్‌లోని అందరికంటే చాలా స్మార్ట్‌గా ఆడుతున్నారని ఇప్పటికే చాలామంది ప్రేక్షకులు ఆయన ఆటకు ఫ్యాన్స్ అయిపోయారు. నాగార్జున అయితే చాణక్య అని బిరుదు కూడా ఇచ్చేశారు. కానీ ఎప్పుడేతై హౌజ్‌లోని పరిస్థితులు ఆయనకు నచ్చలేదో.. వెంటనే గేట్లు తెరవండి బిగ్ బాస్ నేను వెళ్లిపోతాను అనేవారు. బిగ్ బాస్ సీజన్ 7 ప్రారంభమయిన రెండు వారాల పాటు ఈ మాటను పదేపదే అనేవారు. దీంతో నాగార్జు ఒకసారి హెచ్చరించారు. అయినా కూడా పద్ధతి మారలేదు. ఇదే కారణం వల్ల ఆయన పలుమార్లు నామినేట్ కూడా అయ్యారు. శివాజీ పవర్ అస్త్రా సాధించుకున్నా కూడా వెంటనే దానిని కోల్పోవడానికి హౌజ్ నుంచి వెళ్లిపోతాను అని పదేపదే అనడం కూడా ఒక కారణమే.
ట్రీట్మెంట్ కోసం బయటికి..?
తాజాగా విడుదలయిన బిగ్ బాస్ సీజన్ 7 నామినేషన్ డే ప్రోమోలో ముందుగా గేట్లు తెరుచుకొని శివాజీ బయటికి వెళ్లిపోయినట్టు చూపించినా.. ఆ తర్వాత నామినేషన్స్‌లో పాల్గొన్నట్టు కూడా అదే ప్రోమోలో చూపించారు. కాకపోతే నామినేషన్స్ జరుగుతున్న సమయానికి శివాజీ చేతికి ఒక కట్టు ఉంది. దీన్ని బట్టి చూస్తే శివాజీ.. తాత్కాలికంగా చేతినొప్పికి ట్రీట్మెంట్ తీసుకోవడం కోసం కాసేపు బిగ్ బాస్ హౌజ్ నుంచి బయటికి వెళ్లారేమో అని ఈ ప్రోమోను గమనించిన ప్రేక్షకులు అభిప్రాయపడుతున్నారు. మరికొందరు ప్రేక్షకులు అయితే శివాజీ వెళ్లిపోతే బిగ్ బాస్ హౌజ్‌లో జరిగే టాస్కుల్లో మజా ఉండదని అంటున్నారు. అసలు శివాజీ ఎందుకు వెళ్లాడో క్లారిటీ రావాలంటే ఎపిసోడ్ విడుదలయ్యే వరకు ఆగాల్సిందే.
Also Read: అశ్వినికి అర్థంకాని బిగ్ బాస్ - అమర్ని పట్టుకుని అంత మాట అనేశారు ఏంటి!
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial