బిగ్ బాస్ తెలుగు సీజన్ 8 (Bigg Boss Season 8 Telugu)లో ఇద్దరు జబర్దస్త్ లేడీస్ ఉన్నారు. అందులో ఒకరు విష్ణు ప్రియా భీమనేని (Vishnupriyaa Bhimeneni) కాగా... మరొకరు రోహిణి (Jabardasth Rohini). వాళ్ళిద్దరి మధ్య 'బిగ్ బాస్' ఇంటిలో ఒక అబ్బాయి గురించి జరిగిన డిస్కషన్ సోషల్ మీడియాలో వైరల్ అవుతోంది. అది విష్ణు పట్ల సోషల్ మీడియాలో బ్యాడ్ నేమ్ తెచ్చేలా ఉంది. ఇంతకీ, అది ఏమిటంటే?
పృథ్వీ విషయంలో విష్ణు ఓవర్ చేస్తుందా?
'బిగ్ బాస్ 8'లో అడుగు పెట్టడానికి ముందు సంగతి... 'కిరాక్ బాయ్స్ ఖిలాడీ గర్ల్స్' పేరుతో 'స్టార్ మా'లో ఒక రియాలిటీ షో వచ్చింది. అందులో విష్ణు ప్రియా, ఆమె ఫ్రెండ్ రీతూ చౌదరి ఉన్నారు. తమకు నిఖిల్ అంటే క్రష్ అని వాళ్లిద్దరూ ఒకసారి చెప్పారు. కట్ చేస్తే... విష్ణు ప్రియా భీమనేని 'బిగ్ బాస్ 8'కి వచ్చారు. నిఖిల్ కూడా అడుగు పెట్టారు. అయితే... ఈ ఇంటిలో అడుగు పెట్టిన తర్వాత నిఖిల్ వెనుక కాకుండా పృథ్వీ వెనుక పడింది విష్ణు.
పృథ్వీ అంటే తనకు ఇష్టం అన్నట్లు విష్ణు ప్రియా భీమనేని బిహేవ్ చేస్తూ వస్తుంది. ఆ విషయంలో ఎవరేం అన్నా, ఎవరేం చెప్పినా తనకు పట్టనట్టు ఉంటోంది. అది విష్ణుకు చెప్పే ప్రయత్నం చేసి రోహిణి షాకింగ్ రిప్లై అందుకుంది.
ఒక్క శాతం పద్ధతిగా ఉండటానికి ట్రై చేస్తా!
విష్ణు ప్రియా, రోహిణికి ముందు నుంచి పరిచయం ఉంది. బిగ్ బాస్ ఇంటిలో జరిగే విషయాల పట్ల బయట జనాలు ఏమని అనుకుంటున్నారో రోహిణికి తెలుసు. ఆ విషయం విష్ణు ప్రియాకు చేరవేసే ప్రయత్నం చేసింది. కానీ, విష్ణు వింటే కదా... ఆ అమ్మాయి చెప్పేది నా గురించి కాదన్నట్టు మొదట్లో నడుచుకుంది. ఇక రోహిణి పదే పదే 'పృథ్వీ విషయంలో కాన్సంట్రేషన్ తగ్గించు' అని చెప్పడంతో 'సరే... ఆలోచిస్తా! ఇక నుంచి ఒక్క శాతం పద్ధతిగా ఉండాలని డిసైడ్ అయ్యా' అని విష్ణు రిప్లై ఇచ్చింది. అది ఆడియన్స్ చాలా మందికి కూడా షాక్ ఇచ్చింది. ఎందుకు అంటే... విష్ణు మంచి కోసం రోహిణి చెబితే, తాను ఏదో రోహిణికి మేలు చేస్తున్నట్లు విష్ణు రిప్లై ఇవ్వడం జనాలకు నచ్చలేదు.
Also Read: సింపతీ స్టార్ మణికంఠ మీద 'ఓజీ' కుళ్లు... ఒక్కడిని టార్గెట్ చేస్తూ అసలు ఆట వదిలేశారేంట్రా?
ఆ ఒక్క విషయంలో మార్కులు కొట్టేసిన విష్ణు!
విష్ణు మీద ఆడియన్స్ కొంత మందిలో నెగిటివిటీ ఉండొచ్చు. కానీ, ఆవిడకు ఫ్యాన్ ఫాలోయింగ్ అంత కంటే ఎక్కువ ఉంది. అందువల్ల, నామినేషన్స్ ప్రక్రియలో ఆమె పేరు వచ్చినప్పటికీ... ఫ్యాన్స్ ఓట్లు వేయడంలో సేవ్ అవుతూ వస్తుంది. రీసెంట్ ఎపిసోడ్ సీన్ ఒకటి విష్ణు మీద కొంత మందిలో మంచి ఇంప్రెషన్ ఏర్పడడానికి కారణం అయ్యింది. గంగవ్వ చీపురు పట్టుకుని తుడుస్తుంటే... యష్మీ గౌడతో పాటు విష్ణు ప్రియా భీమనేని వెంటనే వెళ్లి ఆమె దగ్గర చీపురు తీసుకోవడం జనాల్ని మెప్పించింది.
Also Read: సోనియా బయటకు వచ్చాక యష్మీ గౌడ రంగు బయట పడుతోందా... కృష్ణ ముకుంద మురారి హీరోయిన్ మీద నెగెటివిటీ షురూ?