Bigg Boss 6 Telugu: బిగ్‌బాస్‌లో ఎప్పుడు, ఏం అవుతుందో చెప్పడం కష్టం. అలాగే టాప్ 3 కంటెస్టెంట్ అనుకున్న ఇనాయ 14వ వారం అనూహ్యంగా బయటికి వచ్చేసింది. ప్రేక్షకులకు, ఇంటి సభ్యులకు కూడా ఇది నమ్మకం కష్టమే అయింది. 99వ ఎపిసోడ్ మొదలవ్వగానే నాగార్జున చుమ్మా దే చుమ్మాదే పాటతో వేదిక మీదకు వచ్చారు. మొదట ఇంటి సభ్యులతో ఆటలు ఆడించారు. ‘మీకు ఎంత తెలుసు’ అనే ఆట ఆడించారు. అందులో బిగ్ బాస్ ఇంటి గురించి ప్రశ్నలు అడిగారు. ఎవరు ముందు గంట కొడితే వారు జవాబులు చెప్పచ్చు. గెలుచుకున్న వారికి బహుమతి కూడా ఉంది. ఇందులో బాత్రూమ్‌లో ఎన్ని పూలకుండీలు ఉన్నాయి?, గార్డెన్లో ఎన్ని డంబెల్స్ ఉన్నాయి? లాంటి ప్రశ్నలు అడిగారు. ఇందులో రేవంత్ విజేతగా నిలిచాడు. ఆయనకు గిఫ్ట్‌ను అందించారు. మధ్యమధ్యలో ఒక్కొక్కరిని సేవ్ చేసుకుంటూ వచ్చారు. తరువాత రోహిత్ సేవ్ అయినట్టు చెప్పారు. 


తరువాత మరో ఆట ఆడించారు. పాట ఇస్తే ఆ పాటను స్టెప్పులతో వివరించాలి. మిగతా వాళ్లు చెప్పాలి. ఈ ఆట ఫన్నీగా నడిచింది. ఆదిరెడ్డి డ్యాన్సు మాత్రం చాలా నవ్వించింది. ఈ ఆటలో కూడా రేవంత్ టీమ్ గెలిచింది. ఈ ఆట పూర్తయ్యాక శ్రీసత్య సేవ్ అయింది. ఆఖరికి ఇనాయ, ఆదిరెడ్డి నామినేషన్స్‌లో మిగిలారు. చివరికి ఇనాయ ఎలిమినేట్ అయినట్టు ప్రకటించారు. 


వేదిక మీదకు వచ్చిన ఇనాయను మిగతా ఇంటి సభ్యుల కోసం ఒక మంచి క్వాలిటీ, ఒక చెడు క్వాలిటీ చెప్పమని అడిగారు నాగార్జున. దానికి ఇనాయ మొదట శ్రీహాన్‌తో మొదలుపెట్టింది. నువ్వే టైటిల్ గెలిచి రావాలని కోరుకుంటున్నా అంది. దీంతో అందరూ షాక్ అయ్యారు. శ్రీహాన్ చాలా ఆనందపడ్డాడు. శ్రీహాన్ చాలా మంచివాడని, కానీ ఆ విషయం ఆలస్యంగా తెలిసిందని చెప్పింది ఇనాయ. ఇక బ్యాడ్ క్వాలిటీ గురించి చెబుతూ అతడు మనిషి వెనుక మాట్లాడతాడని చెప్పింది. అలాగే శ్రీసత్య గురించి చెబుతూ ఆమెకు నచ్చితే బాగా చూసుకుంటుందని, నచ్చకపోతే రెచ్చగొడుతుందని చెప్పింది. కీర్తి చాలా స్ట్రాంగ్ అని, ఒక్కోసారి బాధపడినా కూడా మళ్లీ స్ట్రాంగ్ అయిపోతుందని చెప్పింది. అలాగే ఆదిరెడ్డి, రేవంత్ గురించి కూడా కొన్ని పాయింట్లు చెప్పింది. 


మిడ్ వీక్ ఎలిమినేషన్...
హోస్ట్ నాగార్జున మిడ్ వీక్ ఎలిమినేషన్ గురించి చెప్పారు. ప్రస్తుతం ఇంట్లో ఆరుగురు కంటెస్టెంట్లు ఉన్నారని, వారిలో ఒకరు మిడ్ వీక్ ఎలిమినేట్ కాబోతున్నట్టు చెప్పారు. ఓటింగ్ లైన్లు ఓపెన్ అయ్యాయని చెప్పారు. అలా ఒకరు ఎలిమినేట్ అయితే టాప్ 5 కంటెస్టెంట్లు ఫైనల్‌కు చేరుతారు.  


బిగ్ బాస్ ఓటింగ్ ప్రకారం జరుగుతున్నట్టు ప్రేక్షకులకు నమ్మకం కుదరడం లేదు. కాబట్టి విన్నర్ కూడా ఓటింగ్ బట్టి నిర్ణయిస్తారో లేక వారికి నచ్చినవారిని విన్నర్ చేస్తార చూడాలి. ఇనాయ ఎలిమినేషన్‌తో బిగ్ బాస్ ఫెయిర్‌గా ఎలిమినేట్ చేస్తున్నారన్న నమ్మకం ప్రేక్షకుల్లో తగ్గింది.


Also read: ఇనయా X ఆదిరెడ్డి - ఇద్దరిలో ఒకరు ఎలిమినేట్ అన్న నాగార్జున, ఆది సేఫ్?