Telugu Bigg Boss 7 : బిగ్ బాస్ సీజన్ 7లో ఫైనల్స్‌కు సమయం దగ్గరపడుతోంది. దీంతో కెప్టెన్సీ టాస్కులకు కూడా ఎండ్ పడనుంది. నేడు జరిగే ఎపిసోడ్‌లో జరిగే కెప్టెన్సీ టాస్కే చివరి కెప్టెన్సీ టాస్క్ అని గతవారం నాగార్జున ప్రకటించారు. ఈ చివరి కెప్టెన్సీ టాస్క్‌కు సంబంధించి విడుదలయిన ప్రోమోలో కూడా బిగ్ బాస్.. అదే విషయాన్ని స్పష్టం చేశారు. ఇక చివరి కెప్టెన్సీ టాస్క్ కావడంతో ఏకంగా ఫ్రెండ్స్ మధ్యే చిచ్చుపెట్టే ప్రయత్నం చేశారు బిగ్ బాస్. శోభా - ప్రియాంక, యావర్ - పల్లవి ప్రశాంత్.. ఇలా అందరి మధ్య కెప్టెన్సీ కోసం సీరియస్ చర్చలే జరిగాయి. దీంతో ప్రోమో చాలా ఆసక్తికరంగా ఉంది.
బిగ్ బాస్‌లో జరిగే చివరి కెప్టెన్సీ అని చెప్తూ కెప్టెన్సీ టాస్క్ గురించి వివరించారు బిగ్ బాస్. ‘‘గన్ షూటింగ్ సౌండ్ వినిపించగానే.. గార్డెన్ ఏరియాలో ఉన్న మెషీన్ గన్ దగ్గర ఏ ఇద్దరైతే ముందుగా నిలబడతారో.. వారు కిల్లింగ్ జోన్‌లో ఫోటోలు ఉన్న ఇద్దరిలో ఎవరు కెప్టెన్సీ రేసులో ఉండారో, ఎవరు కెప్టెన్సీ రేసు నుంచి తప్పించాలో షూట్ చేసి నిర్ణయించాల్సి ఉంటుంది’’ అని టాస్క్ గురించి స్పష్టం చేశారు బిగ్ బాస్. ముందుగా ప్రియాంక, గౌతమ్.. గన్ దగ్గర నిలబడ్డారు. శోభా, అర్జున్‌లలో ఒకరిని కెప్టెన్సీ రేసులో ఉంచి, మరొకరిని తప్పించే అవకాశం వారి చేతికి వచ్చింది.
అర్జున్ గేమ్ ఫెయిర్..
‘‘ఇద్దరు చాలా కోపంగా చూస్తున్నారు మన ఇద్దరిని’’ అంటూ గౌతమ్ కామెడీ చేశాడు. ‘‘ఒక పాయింట్ మీద రావాలి మనం’’ అని ప్రియాంక చెప్పగా.. ‘‘వచ్చేసేయ్. నీకు కూడా కారణం ఉంది శోభాకు’’ అని తనను ఒప్పించే ప్రయత్నం చేశాడు గౌతమ్. ఇద్దరు మాట్లాడుకున్న తర్వాత ‘‘ఇద్దరితో పోల్చుకుంటే నాకు అర్జున్ గేమ్ ఫెయిర్‌గా అనిపించింది’’ అని రేసు నుంచి శోభాను తప్పించడానికి కారణం చెప్పాడు గౌతమ్. ఫెయిర్ గేమ్ అంటే ఏంటని శోభా ప్రశ్నించింది. ‘‘నువ్వు అమర్‌దీప్‌ను గెలిపించుకోవాలి అన్నప్పుడు పక్కన వాళ్లను ఇన్‌ఫ్లుయెన్స్ చేశావు’’ అని గౌతమ్ చెప్పగా.. శోభా దానికి ఒప్పుకోలేదు. ఈ మొత్తం ప్రక్రియలో ప్రియాంక మాత్రం ఏమీ మాట్లాడకుండా నిలబడినట్టు ప్రోమోలో కనిపించింది.
ఓపెన్‌గా చెప్తున్నా..
ఆ తర్వాత శోభా, పల్లవి ప్రశాంత్ కలిసి అమర్‌దీప్, అశ్వినిలలో ఒకరిని కెప్టెన్సీ రేసు నుంచి తప్పించడానికి నిర్ణయం తీసుకోవాల్సిన సమయం వచ్చింది. ‘‘నన్ను కెప్టెన్ చేసినప్పుడు నేను నా ఫ్రెండ్‌కే సపోర్ట్ చేస్తాను’’ అని శోభా.. అమర్‌కు సపోర్ట్ చేస్తున్నట్టు స్ట్రాంగ్‌గా చెప్పేసింది. ‘‘నాలో ఏం లేదు? వాడిలో ఏం ఉంది’’ అని అశ్విని ప్రశ్నించింది. ‘‘ఓపెన్‌గా చెప్తున్నా ఆ ప్లేస్‌లో ఎవరు ఉన్నా కూడా నేను అమర్‌కే సపోర్ట్ చేస్తా’’ అని గట్టిగా చెప్పింది శోభా. ప్రశాంత్ కూడా అమర్‌కే సపోర్ట్ అన్నట్టుగా మాట్లాడాడు. ‘‘ఇంకెవరు అయినా తీసేస్తా అంటే నేను పట్టించుకోకపోయేదాన్ని కానీ నువ్వు చేస్తున్నావు చూడు’’ అని ప్రశాంత్‌తో చెప్తూ ఫీల్ అయ్యింది అశ్విని.
ఎవరి మైండ్ వారి ఇష్టం..
ఆ తర్వాత వచ్చిన యావర్, రతిక.. పల్లవి ప్రశాంత్, శివాజీలలో ఒకరిని కెప్టెన్సీ రేసు నుంచి తప్పించాల్సి ఉంటుంది. ‘‘నేను శివాజీ అన్నను ఫైర్ చేయాలని అనుకుంటున్నావా చెప్పు’’ అంటూ సూటిగా ప్రశాంత్‌ను ప్రశ్నించాడు యావర్. ‘‘నీది కొట్టొద్దు అంటే అర్థం అదే కదా’’ అని ప్రియాంక మధ్యలో జోక్యం చేసుకుంది. ‘‘నువ్వు ఆగు అక్క’’ అంటూ వారిని సైలెంట్‌గా కూర్చోమన్నాడు ప్రశాంత్. రతిక కూడా ప్రశాంత్‌ను తీసేయడానికి కారణాలు చెప్తూ ‘‘ఆల్రెడీ మైండ్‌లో ఒకటి ఫిక్స్ అయ్యావు’’ అని చెప్తుండగా.. ‘‘నా మైండ్ నా ఇష్టం. నీ మైండ్ నీ ఇష్టం’’ అని కౌంటర్ ఇచ్చాడు ప్రశాంత్. అలా శోభా, అశ్విని, ప్రశాంత్.. చివరి కెప్టెన్సీ రేసు నుంచి తప్పుకున్నట్టు ప్రోమోలో చూపించారు.
Also Read: రణబీర్, ప్రభాస్‌లతో సందీప్ వంగా సినిమాటిక్ యూనివర్స్!
ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply