Prabhas - Ranbir Kapoor : ఒకప్పుడు కేవలం హాలీవుడ్‌లో మాత్రమే ఫేమస్ అయిన సినిమాటిక్ యూనివర్స్ ఫార్ములా.. ఇప్పుడు ఇండియన్ సినిమాల్లోకి కూడా వచ్చేసింది. ముఖ్యంగా సౌత్‌లో ఈ సినిమాటిక్ యూనివర్స్ ఫార్ములా కూడా విపరీతమైన పాపులారిటీ పెరిగిపోతోంది. అందుకే ఏ దర్శకుడు ఏ సినిమా చేసినా కూడా దాంతో సినిమాటిక్ యూనివర్స్ క్రియేట్ చేస్తున్నాడని ఫిక్స్ అయిపోతున్నారు ప్రేక్షకులు. తాజాగా సందీప్ రెడ్డి వంగా విషయంలో కూడా అదే జరుగుతోంది. నాలుగేళ్ల తర్వాత ‘యానిమల్’ సినిమాతో ప్రేక్షకులను పలకరించడానికి సిద్ధమయ్యాడు సందీప్. అయితే ఇతర దర్శకులలాగానే సందీప్ కూడా ఇప్పుడు సినిమాటిక్ యూనివర్స్ క్రియేట్ చేయడానికి సిద్ధమవుతున్నాడంటూ రూమర్స్ వైరల్ అవుతున్నాయి.
ప్రభాస్ ఫ్యాన్స్ ఫుల్ హ్యాపీ..
ఇటీవల విడుదలయిన ‘యానిమల్’ ట్రైలర్.. ఒక్కసారిగా ప్రేక్షకుల దృష్టిని ఆకర్షించింది. యూత్‌కు నచ్చేలా సినిమాలు తెరకెక్కిస్తాడంటూ ఇప్పటికే ప్రేక్షకుల్లో సందీప్‌పై భారీ అంచనాలే ఉన్నాయి. అందుకే ‘యానిమల్’ మూవీ డ్యూరేషన్ ఎక్కువ అయినా కూడా చాలామంది ఇది హిట్ అవుతుందని నమ్ముతున్నారు. అయితే ఈ మూవీ ట్రైలర్ లాంచ్ ఈవెంట్‌లో దర్శకుడికి ఒక ఆసక్తికర ప్రశ్న ఎదురయ్యింది. దానికి సందీప్ కూడా పాజిటివ్‌గా రెస్పాండ్ అవ్వడం ప్రభాస్ ఫ్యాన్స్‌ను సంతోషానికి గురిచేస్తోంది. ఎందుకంటే ప్రభాస్ కెరీర్‌లో 25వ చిత్రంగా తెరకెక్కనున్న ‘స్పిరిట్’కు సందీప్ వంగానే దర్శకత్వం వహిస్తున్నాడు కాబట్టి. ప్రస్తుతం ప్రభాస్‌కు, సందీప్‌కు కమిట్మెంట్స్ ఉండడం వల్ల ‘స్పిరిట్’ గురించి పెద్దగా ఎవరూ మాట్లాడుకోవడం లేదు. కానీ తాజాగా ‘యానిమల్’ ట్రైలర్ లాంచ్ ఈవెంట్‌లో ఆ మూవీ గురించి ప్రశ్న.. ప్రభాస్ ఫ్యాన్స్‌లో ఆసక్తిని పెంచేసింది.
కచ్చితంగా చెప్తా..
‘యానిమల్’ ట్రైలర్ లాంచ్ ఈవెంట్‌లో ‘‘ఈ సినిమా స్పై యూనివర్స్, కాప్ యూనివర్స్‌లాగా ఉండే ఛాన్స్ ఏమైనా ఉందా? ఒకవేళ అయితే ప్రభాస్ అందులో ఉంటాడా?’’ అని సందీప్‌ను ప్రశ్నించాడు రణబీర్. దానికి సమాధానంగా ‘‘నేను దాని గురించి ఆలోచించలేదు. ఒకవేళ జరిగితే.. కచ్చితంగా చెప్తా’’ అన్నాడు సందీప్. ‘స్పిరిట్’ సినిమాలో ప్రభాస్ పోలీస్ ఆఫీసర్‌గా కనిపించనున్నాడు. ‘యానిమల్’లో రణబీర్ క్యారెక్టర్ ఎంత ఇంటెన్స్‌గా ఉందో.. ‘స్పిరిట్’లో ప్రభాస్ క్యారెక్టర్ కూడా అలాగే ఉంటుందేమో అని ఫ్యాన్స్ ఊహించుకోవడం మొదలుపెట్టారు.
రణబీర్, ప్రభాస్ ఒకే స్క్రీన్‌పై..
ప్రస్తుతం సందీప్.. ‘యానిమల్’ సినిమాలో బిజీగా ఉండగా.. ‘స్పిరిట్’ చిత్రం సెట్స్‌పైకి వెళ్లడానికి ఇంకా సమయం ఉంది. పైగా ప్రభాస్‌కు కూడా బ్యాక్ టు బ్యాక్ కమిట్మెంట్స్ ఉండడంతో అవన్నీ పూర్తయ్యే వరకు సందీప్ వేచిచూడాల్సిందే. అయితే ‘యానిమల్’, ‘స్పిరిట్’లాంటి రెండు సినిమాలు ఒక సినిమాటిక్ యూనివర్స్‌లో కలవడం అనేది చాలా ఆసక్తికరంగా ఉందని, అది నిజంగానే జరిగితే బాగుంటుందని ప్రేక్షకులు ఆశిస్తున్నారు. రణబీర్ కపూర్, ప్రభాస్‌లాంటి ఇద్దరు స్టార్లు ఒకే స్క్రీన్‌పై, ఒకే సినిమాలో కనిపిస్తే.. బాక్సాఫీస్ కలెక్షన్స్ ఒక రేంజ్‌లో ఉంటాయని అనుకుంటున్నారు. కానీ ‘స్పిరిట్’కంటే ముందు ‘యానిమల్’ చిత్రంతో ప్రేక్షకులను మెప్పించాలి సందీప్ వంగా. డిసెంబర్ 1న ఈ మూవీ థియేటర్లలో విడుదలకు సిద్ధం అవుతుండగా.. మూవీ టీమ్ అంతా ప్రమోషన్స్ కార్యక్రమాల్లో ఫుల్ బిజీగా ఉన్నారు.
ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply