బిగ్ బాస్ నాన్ స్టాప్ షో ఈరోజు ఫినాలే ఎపిసోడ్ తో ముగియనుంది. హౌస్ లోకి గ్రాండ్ ఎంట్రీ ఇచ్చిన నాగార్జున.. హౌస్ మేట్స్ కుటుంబ సభ్యులు, ఎక్స్ హౌస్ మేట్స్ తో మాట్లాడారు. ఆ తరువాత ఇద్దరు కంటెస్టెంట్స్ ను ఎలిమినేట్ చేశారు. ముందుగా అనిల్ ని, ఆ తరువాత బాబా భాస్కర్ ని ఎలిమినేట్ చేశారు. బిగ్ బాస్ హౌస్ లో ఉన్న టాప్ 5 కంటెస్టెంట్స్ కి, ఎక్స్ హౌస్ మేట్స్ కి అవార్డ్స్ ఇవ్వడానికి 'మేజర్' టీమ్ ని స్టేజ్ పైకి పిలిచారు నాగార్జున. హౌస్ మేట్స్ కి తమ క్యారెక్టర్ ని బట్టి ఫన్నీ అవార్డ్స్ ఇచ్చారు. 


ఆ తరువాత టాప్ 5లో ఉన్న మిత్రాశర్మను ఎలిమినేట్ అయినట్లు చెప్పారు నాగార్జున. అనంతరం టాప్ 4 కంటెస్టెంట్ కి సిల్వర్ సూట్ కేస్ ఆఫర్ చేయగా.. అరియనా తీసుకుంది. ఆ సూట్ కేస్ లో రూ.10 లక్షలు ఉన్నట్లు చెప్పారు నాగార్జున. దీంతో అరియనా ఎగిరి గంతేసింది.  


టాప్ 3 లో ఉన్న అఖిల్, బిందు మాధవి, శివలలో ఒక బాంబ్ టాస్క్ పెట్టి శివను ఎలిమినేట్ చేశారు. ఫైనలిస్ట్ లైన అఖిల్, బిందు మాధవిలకు ఒక ఆఫర్ ఇచ్చారు బిగ్ బాస్. ఇద్దరికీ గోల్డెన్ సూట్ కేస్ ఆఫర్ ఇచ్చారు. అందులో విన్నింగ్ అమౌంట్ లో కొంత ఉందని చెప్పారు. కానీ ఇద్దరూ దానికి ఒప్పుకోలేదు. దీంతో గోల్డెన్ సూట్ కేస్ ఆఫర్ వృధా అయింది. అఖిల్, బిందులను తీసుకొని స్టేజ్ పైకి వెళ్లారు నాగార్జున. ఇద్దరికీ ట్రోఫీ చూపించారు. ఫైనల్ గా బిందుని విన్నర్ గా అనౌన్స్ చేశారు. 



ట్రోఫీ అందుకున్న తరువాత బిందు మాట్లాడుతూ.. ''నన్ను ఆదరించిన ప్రతి ఒక్కరికి థాంక్స్ చెబుతున్నా.. ఈ అవార్డుని లేట్ బ్లూమర్స్(ఆలస్యంగా రాణించేవారు)కి డేడికేట్ చేస్తున్నా.. లైఫ్ లో సక్సెస్ రావడానికి కాస్త సమయం పడుతుంది. నా విషయంలో కూడా అలానే జరుగుతుంది. ఏదైనా సాధించాలంటే చాలా టైం పడుతుంది. మీ వృత్తిపై మీకు నమ్మకం ఉంటే హోప్ ని వదులుకోవద్దు. చాలా ప్రెజర్స్ ఉంటాయి.. తట్టుకొని ముందుకు వెళ్లాలి'' అంటూ చెప్పుకొచ్చింది. 


Also Read: బాబా భాస్కర్ ను ఎలిమినేట్ చేసిన సత్యదేవ్