Bigg Boss Season 7 Promo : బిగ్బాస్ సీజన్ 7 రసవత్తరంగా సాగుతోంది. శనివారం జరిగిన ఎపిసోడ్లో నాగార్జున కంటెస్టెంట్లను ఓ రేంజ్లో వేసుకున్నారు. వారం మొత్తం టాస్క్ల్లో జరిగిన విషయాలపై.. కంటెస్టెంట్లు చేసిన తప్పులపై గట్టిగా విరుచుకుపడ్డారు. జపాన్ మూవీ ప్రమోషన్స్లో భాగంగా కార్తీ బిగ్బాస్కు వచ్చి సందడి చేశారు. సినిమాలో మీరు నాలో డార్క్ సైడ్ చూస్తారు అని చెప్పగా.. నాగార్జున ఈ హౌజ్లో అందరికీ కూడా డార్క్ సైడ్ ఉందంటూ ఫన్ చేశారు. ఒక్కొక్క కంటెస్టెంట్లోని గుడ్, డార్క్ సైడ్స్ గురించి నాగ్.. కార్తీకి తెలిపారు. అనంతరం గౌతమ్కి, శివాజీకి మధ్య ఉన్న గొడవలపై హౌజ్ అందరి ముందు క్లారిటీ ఇచ్చారు.
తాజాగా ఆదివారం ప్రోమోను రిలీజ్ చేశారు. సండే ఫన్డే అన్నట్లుగానే ప్రోమో సాగింది. మూవీ ప్రమోషన్స్లో భాగంగా జిగర్తాండ టీమ్ వచ్చింది. రాఘవ లారెన్స్ ముందుగా స్టేజ్ మీదకి నాగార్జునతో వచ్చారు. లారెన్స్ డైరక్షన్లో మాస్, డాన్ సినిమాలు చేశారు నాగార్జున. ఈ చనువుతో స్టేజ్ మీదకి వచ్చేప్పుడు మాస్ సినిమాలోని సాంగ్తో లారెన్స్ ఎంట్రీ ఇచ్చారు. అన్నపూర్ణ స్టూడియోస్ నుంచి తన కెరీర్ ప్రారంభమైందని.. ఇప్పుడు హీరోగా మీ ముందు నొల్చొన్నాను అంటూ నాగార్జునతో తెలిపారు. ఎటువంటి సినిమాలు తీస్తున్నావ్ నువ్వు.. ఒకటి కాదు రెండు కాదు.. కొత్త కాన్సెప్ట్స్తో ఆడియన్స్ ముందుకు వస్తున్నావు అంటూ నాగార్జున కితాబు ఇచ్చారు.
అనంతరం ఎస్.జె సూర్య కూడా స్టేజ్ మీదకు వచ్చారు. దీనిలో భాగంగా నాగ్ హౌజ్ మేట్స్తో 'Dance Hook Step' అంటూ హుక్ స్టెప్ గెస్ చేయాలి అనే టాస్క్ ఇచ్చారు. ముందుగా ప్రశాంత్, అమర్దీప్ స్టెప్ గెస్ చేసేందుకు వచ్చారు. ప్రశాంత్ గంట కొట్టి ఇంద్ర సినిమాలో దాయి దాయి దామ్మ స్టెప్ గెస్ చేసి వేశాడు. మీరు డాన్స్ బాగానే వేశారు కానీ.. వీణను పై నుంచి కిందకు కాదు.. కింద నుంచి పైకి వేయాలంటూ.. లారెన్స్ ఫన్నీగా కామెంట్ చేశారు. ఆ స్టెప్ మీరు వేస్తే చూడాలని ఉందని సూర్య కోరగా.. రాఘవ డ్యాన్స్ వేశారు.
గౌతమ్ కృష్ణ, అమర్ దీప్ ఆడేందుకు వచ్చారు. హిట్లర్ మూవీలోని నడక కలిసిన నవరాత్రి సాంగ్ ప్లే చేయగా.. గౌతమ్ బెల్ కొట్టి.. స్టెప్ గెస్ చేయడంలో విఫలమయ్యాడు. దీంతో హౌజ్మేట్స్ అందరూ గొల్లున నవ్వారు. అనంతరం నాగార్జున అమర్ను డ్యాన్స్ గెస్ చేయమని చెప్పగా.. అమర్ కరెక్ట్ స్టెప్ వేశాడు. లారెన్స్ అమర్ డ్యాన్స్ను మెచ్చుకున్నాడు. నాగర్జున తేజను ఉద్దేశిస్తూ.. మాస్టర్ మీకో గొప్ప డాన్సర్ను పరిచయం చేస్తాను అన్నాడు.
ఈ స్టెప్ చాలా ఉపయోగపడుతుంది. తన హుక్ స్టెప్. మ్యూజిక్ ప్లీజ్ అనగానే ఆంధ్రావాలలోని నై రే నై రే సాంగ్ వేశారు. దానికి తన హుక్ స్టెప్ వేస్తూ తేజ అందరినీ ఎంటరటైన్ చేశాడు. ఆయన కాన్ఫిడెన్స్ నాకు నచ్చిందని సూర్య తెలపగా.. రాఘవ తన నెక్స్ట్ ఫిల్మ్లో దీనిని వాడుకుంటానని తెలిపగా ఈ ప్రోమోకి ఎండ్ కార్డ్ పడింది. ఈ వారం తేజ ఎలిమేనేట్ అయ్యారంటూ సోషల్ మీడియా కోడై కూస్తుంది. మరి ఎవరు ఎలిమినేట్ అయ్యారో సాయంత్రం ఎపిసోడ్ వచ్చేవరకు వేచి చూడాల్సిందే.
Also Read : చెప్పుడు మాటలు వినకు, గౌతమ్‌కు నాగ్ చురకలు - అశ్వినీ ‘అగ్గిపుల్ల’ స్వామి అని తేల్చేసిన కింగ్