Bigg Boss Season 7 Promo : బిగ్బాస్ సీజన్ 7లో ఫ్యామిలీ ఎమోషన్ రెండో రోజు కూడా కొనసాగుతోంది. నిన్న శివాజీ పెద్దకొడుకు, అర్జున్ వైఫ్, అశ్విని వాళ్ల అమ్మ హౌజ్లోకి ఎంట్రీ ఇచ్చారు. శివాజీ తన కొడుకును డాక్టర్ రూపంలో పంపించి.. సర్ప్రైజ్ ఇచ్చారు బిగ్బాస్. దీంతో అందరికీ ఫ్యామిలీ ఎమోషన్ స్టార్ట్ అయిపోయింది. తర్వాత అర్జున్ వైఫ్ని లోపలికి పంపించి బిగ్ బాస్ అందరినీ ఎమోషనల్ చేశాడు. నిండు గర్భిణీ అయిన ఆమెకు ఇంట్లోనే హౌజ్మేట్స్తో సీమంతం చేయించాడు. ఇది బిగ్బాస్ ప్రేక్షకులను బాగా ఆకట్టుకుంది. తర్వాత అశ్వినీ మదర్ ఎంట్రీ ఇచ్చారు. తల్లీ కూతుళ్లు ఇద్దరూ బాగా ఎమోషనల్ అయ్యారు. కేవలం ఎంట్రీ ఇవ్వడమే కాదు.. అందరూ తమ వారికి కొన్ని హింట్స్, జాగ్రత్తలు చెప్పారు.
ఫ్యామిలీ ఎమోషన్ రెండో రోజులో భాగంగా గౌతమ్ అమ్మ హౌజ్లోకి ఎంట్రీ ఇచ్చారు. దానికి సంబంధించిన ప్రోమోను స్టార్ మా విడుదల చేసింది. కన్నయ్య.. కన్నయ్య.. కన్నయ్య పంచ వచ్చిందా అనే డైలాగ్తో గౌతమ్ ప్రోమో స్టార్ట్ అయింది. గౌతమ్ పంచె తీసుకుని ఇళ్లంతా చిన్న పిల్లాడిలా వెతికాడు. పంచెకట్టుకుని ఇంట్లోకి ఎంట్రీ ఇచ్చిన అమ్మకు స్వాగతం చెప్పాడు. ఆమె హగ్ చేసుకున్నాడు. ఇద్దరూ చాలా ఎమోషనల్ అయిపోయారు. గౌతమ్ మమ్మీ.. అతని చెవిని ముద్దుగా గిల్లింది. తర్వాత హౌజ్మేట్స్ అందరినీ పలకరించారు. ఫ్యాన్ ఫాలోయింగ్ అయితే మా అబ్బాయిని చాలామంది అమ్మాయిలు ఫాలో అవుతున్నారంటూ మురిసిపోతూ.. కొడుకు గురించి హౌజ్మేట్స్కి చెప్పింది.
మా అబ్బాయి చాలా హ్యాండ్సమ్గా ఉన్నాడు. బాగున్నాడంటూ.. గౌతమ్ మదర్ చెప్తుండగా.. హౌజ్మేట్స్ అందరూ టీజ్ చేశారు. వాళ్లంతా మా అబ్బాయి గురించి నాకు వచ్చి చెప్తున్నారు అంటే.. వాళ్లంతా మిమ్మల్ని ఇండైరెక్ట్గా అత్తయ్య అంటున్నారు అన్నది ప్రియాంక. తర్వాత తల్లీ కొడుకు పక్కకి వెళ్లి మాట్లాడుకున్నారు. నాన్న వస్తానని గొడవ చేయలేదా అని గౌతమ్ ప్రశ్నించగా.. నిన్నటి వరకు నేను వెళ్తా.. నేను వెళ్తా అంటూ గొడవ చేశాడు. కానీ ఫైనల్గా నేను వచ్చాను అని గౌతమ్ మదర్ తెలిపారు.
నువ్వు చేస్తుంది చాలా కరెక్ట్. చాలా మంచిగా ఉంది. అంది అంటూ తల నిమురుతూ.. అమ్మ ఆశిస్సులు నీకు ఎప్పుడూ ఉంటాయని గౌతమ్ని బ్లెస్ చేశారు. తర్వాత హౌజ్ అందరిని కూర్చోబెట్టి.. అన్నం ముద్దలు కలిపి తినిపించారు. గౌతమ్, వాళ్ల డ్యాన్స్ చేస్తుండగా చూసిన యావర్ కంటతడి పెట్టుకున్నాడు. అది చూసిన గౌతమ్ మదర్.. యావర్ని హగ్ చేసుకుని.. నువ్వు కూడా నా కొడుకులాంటి వాడివే. బయటకి వచ్చాక మా ఇంటికి రా.. డోంట్ క్రై అంటూ సర్ది చెప్పింది. తర్వాత గౌతమ్ని హగ్ చేసుకుని ఇంటి నుంచి వెళ్లడంతో ప్రోమో ముగిసింది. మరి ఈరోజు ఇంకెవరి ఫ్యామిలీ మెంబర్స్ వస్తారో.. సాయంత్రం ఎపిసోడ్ రిలీజ్ అయ్యే వరకు వేచి చూడాల్సిందే. లేదంటే లైవ్ స్ట్రీమ్ చూడొచ్చు.
Also Read : మాటలు జారుతున్నాయ్ జాగ్రత్త, వాళ్లను నమ్మకు - శివాజీని హెచ్చరించిన కొడుకు