Bigg Boss Season 7 Day 72 Promo : బిగ్బాస్లో నామినేషన్ల పర్వం రెండో రోజు కొనసాగుతోంది. సోమవారం ఎపిసోడ్లో శివాజీ ఇచ్చిన మోటీవేషన్తో రతిక ఓ రేంజ్లో నామినేషన్స్ వేసింది. ప్రియాంక - రతిక, అర్జున్ - ప్రశాంత్ నామినేషన్స్ హోరాహోరీగా సాగాయి. అయితే కంటెస్టెంట్లు తక్కువ కావడం.. ఫ్యామిలీ వీక్ వల్ల నామినేషన్స్కి ఎవరికీ అంతగా రీజన్స్ కనిపిస్తున్నట్లు లేదు. సింపుల్, సిల్లీ రీజన్స్తో ఒకరినొకరు నామినేట్ చేసుకుంటున్నారు. శివాజీ కెప్టెన్ కావడంతో నామినేషన్ తప్పించుకున్నారు. కానీ.. కంటెస్టెంట్లు మాత్రం.. ఆయన పేరు ఉపయోగించి.. ఇతరులను నామినేట్ చేస్తున్నారు.
సిల్లీ రీజన్తో నామినేషన్
బిగ్బాస్ సీజన్ 7లో 72వ రోజుకు సంబంధించిన మొదటి ప్రోమోను స్టార్ మా విడుదల చేసింది. ముందుగా వచ్చిన అశ్వినీ.. నేను ఇప్పటివరకు ఎప్పుడూ సిల్లీగా నామినేట్ చేయలేదు. నాకు సీరియస్గా అనిపించినవే చేశాను. అయితే మొదటిసారి మాత్రం సిల్లీగా నామినేషన్ చేస్తున్నాను అని మీకు అనిపించొచ్చేమో అంటూ ప్రక్రియ ప్రారంభించింది. దీంతో తననే నామినేట్ చేస్తుందని అర్థం చేసుకున్న అమర్ ఒక్క నిముషం.. పాట గురించే కదా.. ఆ పాటలో రెండు లైన్లు అర్జున్ ఇచ్చాడని తెలిపాడు. అంత పెద్ద దివాళీ ఈవెంట్లో అని అశ్విని అనగానే.. అది చాలా సిల్లీ థింగ్ అంటూ అమర్ సమర్థించుకున్నాడు. నాగ్సార్ పొగిడినప్పుడేమో అది నీ క్రెడిట్.. నామినేషన్లో టైమ్లో మాత్రం నాకు ఇస్తున్నావా అంటూ అర్జున్ బదులిచ్చాడు. దీంతో హౌజ్మేట్స్ అంతా నవ్వుకున్నారు. నా బావ మనోభావాలు దెబ్బతిన్నాయి బావా అంటూ.. అశ్విని అమర్ని నామినేట్ చేసింది.
నిన్న రతిక.. నేడు అర్జున్
పల్లవి ప్రశాంత్ అర్జున్ని నామినేట్ చేస్తూ.. నన్ను ఇన్ఫ్లూయెన్స్ చేసినంత మాత్రానా.. నేను అవ్వను. నేను ఎంత కష్టపడి ఇక్కడి వచ్చానో అనగానే.. నిన్ను ఇన్ఫ్లూయెన్స్ చేశారని ఇక్కడెవడు అనలేదు అని అర్జున్ వాదించగా.. నువ్వు అన్నావ్ అంటూ ప్రశాంత్ బదులిచ్చాడు. నేను అననిది అన్నానని నువ్వంటున్నావ్ అంటూ అర్జున్ రెచ్చిపోయాడు. తర్వాత కట్లో అశ్విని శోభాను.. నువ్వు లేని టాపిక్లో మధ్యలో ఎందుకు దూరుతున్నావ్ అంటూ ప్రశ్నించింది. యావర్, అమర్ లొల్లి ఈ వారం కూడా కొనసాగుతుంది. ఈ వారం కూడా యావర్ అమర్ని నామినేట్ చేస్తున్నట్లు కనిపిస్తుంది. రెండో వారం గురించి.. మూడో వారం గురించి మాట్లాడి ఎవరైనా నిన్ను నామినేట్ చేస్తే ఊరుకుంటావా? అనగా.. యూ ఆర్ ట్రిగరింగ్ మీ అంటూ యావర్ బదులిచ్చాడు.
వెళ్లి గూగుల్ని అడుగు
లాస్ట్ వీక్ నీ మీద నాకు పాయింట్ ఉంది.. అప్పుడు నేను రాజమాతగా ఉండడం వల్ల నిన్ను నామినేట్ చేయలేకపోయాను అంటూ శోభా యావర్ని నామినేట్ చేసింది. ఆ దొరికింది నాకు ఏ పాయింట్ అని.. అంతేకదా నువ్వు చెప్పావ్ అది అంటూ యావర్ తెలిపాడు. నేను చెప్పింది తప్పని చెప్పడానికి నువ్వు ఎవడ్రా అని అర్జున్ ప్రశాంత్ని అడుగగా.. వెళ్లి గూగుల్ని అడుగు అని ప్రశాంత్ బదులిచ్చాడు. పల్లవి ప్రశాంత్ నన్ను నామినేట్ చేశాడు నిన్నే అడుగుతా.. వేరే వాళ్లని ఎందుకు అడుగుతాను అంటూ అర్జున్ ఫైర్ అయ్యాడు. ప్రశాంత్ - అర్జున్, అశ్విని - ప్రియాంక, యావర్ - అమర్, శోభా - యావర్ తలపై బాటిల్స్ పగలగొట్టి నామినేట్ చేశారు. ప్రోమో అయిపోతుంది అనగా.. అమర్ యావర్ నామినేట్ చేస్తున్న ప్లేస్కి వచ్చి.. మరిచిపోయా మరిచిపోయా ఒక్క నిమిషం అంటూ.. సారీ సారీ.. అందరికీ దీపావళి శుభాకాంక్షలు.. హేవ్ ఏ బ్లాస్ట్ అంటూ నవ్వుకుంటూ వెళ్లిపోవడంతో ప్రోమో ముగిసింది.
Also Read : మోటీవేట్ చేసిన శివాజీ, రెచ్చిపోయిన రతిక.. శోభా కెప్టెన్సీపై విరుచుకుపడ్డ కంటెస్టెంట్స్