బిగ్ బాస్ సీజన్ 6 విన్నర్ ఎవరో ఇంకో రెండు వారాల్లో తేలిపోనుంది. టిక్కెట్ టు ఫినాలే టాస్కు పెట్టి ఫైనల్ వెళుతున్న మొదటి కంటెస్టెంట్ గా ఆదిరెడ్డి పేరు వినిపిస్తోంది. ఈ టాస్కులో చివరి వరకు ఆడిన ఆదిరెడ్డి ఫైనల్ కు చేరినట్టు సమాచారం. ఆటల్లో ఓటమిని తట్టుకోలేని రేవంత్ రెండో స్థానంలో నిలిచాడు కానీ ఫైనలిస్టు కాలేకపోయాడు.
ఇనాయ అవుట్
ఈ ఎపిసోడ్ లో ఏమైందంటే...ముందు రోజు ఆట నుంచి ఎలిమినేట్ అయిన శ్రీసత్య, ఇనయా, కీర్తిలకు రంగులు పూసుకునే టాస్కు ఇచ్చారు. రు ముగ్గురికీ రంగు పడుద్ది అనే టాస్కు ఇచ్చారు.ఈ టాస్కులో ఎవరు గెలుస్తారో వారు ఫినాలే రేసు టాస్కులో పోటీ పడొచ్చు. ఒక సర్కిల్ లోపల వీరు ముగ్గురు ఉండి, అక్కడ పెట్టిన ఎర్రరంగును ఎదుటి వారి తెల్లని టీ షర్టుపై పూయాలి. ఎవరి టీ షర్టు అయితే ఎక్కువ రంగుతో నిండిపోతుందో వారు ఆట నుంచి అవుట్ అవుతారు. మొదటి రౌండ్లో కీర్తి, ఇనాయ కలిసి, శ్రీసత్యకు రంగును బాగా పులిమారు. దీంతో ఆమె అవుట్ అయింది. చివరికి కీర్తి, ఇనాయ మిగిలారు. వీరిద్దరూ ఆడ పులుల్లా ఆడారు. ఎవ్వరూ వెనక్కి తగ్గకుండా పోటీ పడ్డారు. కిందా మీదా పడి, దెబ్బలు తాకుతాయన్న భయం కూడా లేకుండా ఆడారు. ఇద్దరు టీ షర్టులు ఎర్రగా మారాయి. ఎవరి టీషర్టు ఎక్కువ రంగును కలిగి ఉందో చెప్పి, వారిని ఎలిమినేట్ చేసే బాధ్యత సంచాలక్ అయిన రేవంత్ పై పడింది. ఇద్దరు టీషర్టులు చూసిన రేవంత్ ఒక నిర్ణయానికి రాలేకపోయాడు. చివరికి ఇనాయను తప్పించి కీర్తిని ఎంపిక చేశాడు. ఈమె ఫినాలే టిక్కెట్ రేసులో మళ్లీ పోటీ పడింది.
ఫినాలే రేసులో మిగిలింది ఆరుగురు. ఈ ఆరుగురిలో ఏకాభిప్రాయంతో నలుగురిని ఎంపిక చేసి నెక్ట్స్ లెవెల్‌కి పంపాలని చెప్పారు బిగ్ బాస్. దీంతో ఆటలో ఆరుగురు విసుగుచెందారు. ఈ స్థాయికి వచ్చాక ఏకాభిప్రాయం ఏంటి బిగ్ బాస్ అంటూ చికాకుపడ్డారు. దీంతో సంచాలక్‌గా ఉన్న ఇనాయ, శ్రీసత్యలను తేల్చమన్నాడు బిగ్ బాస్. వీరు ఆరుగురిలో తక్కువ పాయింట్లు ఉన్న వారిని తీసేశారు. అందరి కన్నా తక్కువగా కీర్తి, రోహిత్ ఉండడంతో వారిద్దరూ ఆట నుంచి తొలగిపోయారు. మధ్యలో రేవంత్ - కీర్తి మధ్య గొడవ పడింది. దానికి కారణం తక్కువ పాయింట్లు ఉన్న వారిని తీసేయమని ఐడియా ఇచ్చింది రేవంతే.
చివరికి మిగిలిన నలుగురికి కప్పులు, సాసర్లు ఒకదానిపై ఒకటి నిలబెడుతూ బ్యాలెన్స్ చేసే టాస్కు ఇచ్చారు. ఇందులో రేవంత్ ఆడలేకపోయాడు. చివరి వరకు ఉండి ఆదిరెడ్డి గెలిచాడు. మొత్తంమ్మీద ఆదిరెడ్డికి తొమ్మిది పాయింట్లు, రేవంత్ ఎనిమిది, శ్రీహాన్ ఆరు, ఫైమా అయిదు, కీర్తి రెండు పాయింట్లతో నిలిచారు. వీరందరికీ మళ్లీ టాస్కు పెట్టబోతున్నారు బిగ్ బాస్. తరువాతి ఎపిసోడ్లో టిక్కెట్ టు ఫినాలే విన్నర్ తేలిపోనుంది. ఇప్పటికే అనధికార సమాచారం ప్రకారం ఆదిరెడ్డి గెలిచాడని తెలుస్తోంది.
Also read: ‘ఏకాభిప్రాయం’ అనేది కరెక్టు కాదు - బిగ్‌బాస్‌నే తప్పు పడుతున్న సీజన్ 6 కంటెస్టెంట్లు