బిగ్ బాస్ ఓటీటీ తెలుగు వెర్షన్ ఐదో వారం పూర్తి చేసుకోబోతుంది. ఆదివారం నాడు ఎలిమినేషన్ ప్రక్రియ ఉండడంతో ఆసక్తి నెలకొంది. ఎప్పటిలానే గ్రాండ్ ఎంట్రీ ఇచ్చేసిన నాగార్జున.. గతవారంలో హౌస్ మేట్స్ చేసిన తప్పులకు క్లాస్ పీకారు. ఆ తరువాత వారితో గేమ్స్ ఆడించారు. హౌస్ మేట్స్ ని రెండు గ్రూపులుగా విడగొట్టి సాంగ్స్ గెస్ చేసే గేమ్ ఆడించారు. మధ్యమధ్యలో నామినేషన్స్ లో ఉన్న హౌస్ మేట్స్ ని సేవ్ చేస్తూ వచ్చారు.
ముందుగా మిత్రాశర్మ, అరియనా, బిందుమాధవి ఇలా నామినేషన్స్ లో ఉన్నవారిని సేవ్ చేశారు. ఫైనల్ గా తేజస్విని ఎలిమినేట్ చేసి షాకిచ్చారు బిగ్ బాస్. తన ఎలిమినేషన్ ని తేజస్వి కూడా ఊహించలేదు. స్ట్రాంగ్ కంటెస్టెంట్ గా పేరు తెచ్చుకున్న ఆమె ఎలిమినేట్ అవ్వడంతో హౌస్ మేట్స్ అందరూ షాక్ అయ్యారు. ఇక స్టేజ్ పైకి వెళ్లిన తేజస్వి ఎమోషనల్ అయి ఏడ్చేసింది. ఆ తరువాత హౌస్ మేట్స్ అందరి గురించి మాట్లాడింది. స్రవంతి అయితే తేజస్వి ఎలిమినేట్ అయిందని ఎమోషనల్ అయింది.
ఈసారి బిగ్ బాస్ హౌస్ లో ఊహించని ఎలిమినేషన్స్ చాలానే అవుతున్నాయి. శ్రీరాపాక, సరయు వంటి వారు వెళ్లిపోతారని ప్రేక్షకులు ఊహించారు కానీ ముమైత్, ఆర్జే చైతులు ఎలిమినేట్ అవుతారని ఎవరూ అనుకోలేదు. కానీ వారిని ఎలిమినేట్ చేసి షాకిచ్చారు బిగ్ బాస్. ఈసారి తేజస్వి ఎలిమినేట్ అవుతుందనే ఆలోచనే ఎవరికీ లేదు. మిత్రాశర్మ లేదా స్రవంతిలలో ఒకరు ఎలిమినేట్ అవుతారని భావించారు. కానీ వారిని సేవ్ చేస్తూ.. తేజస్విని ఎలిమినేట్ చేశారు.