బిగ్ బాస్ హౌస్ ఏడు వారాలను పూర్తి చేసుకొని ఎనిమిదో వారంలోకి ఎంటర్ అవుతుంది. గతవారం నామినేషన్స్ డిఫరెంట్ గా జరగగా.. అఖిల్, బిందుమాధవి, శివ, నటరాజ్ మాస్టర్, అరియనా, మిత్రా శర్మ, అనిల్, మహేష్ ఇలా మొత్తం ఎనిమిది మంది కంటెస్టెంట్స్ నామినేషన్స్ లోకి వచ్చారు. ఆదివారం నాటి ఎపిసోడ్ లో ఒకరు నామినేట్ అవ్వాల్సి ఉంది. ఎప్పటిలానే వీకెండ్ ఎపిసోడ్ లో గ్రాండ్ ఎంట్రీ ఇచ్చేశారు నాగార్జున.
గతవారం లో హౌస్ మేట్స్ ఆడిన గేమ్ తీరు గురించి మాట్లాడి వారి తప్పొప్పులను ఎత్తి చూపారు నాగార్జున. అనంతరం వారితో పలు గేమ్స్ ఆడిస్తూ.. ఒక్కొక్కరినీ సేవ్ చేస్తూ వచ్చారు. ముందుగా అఖిల్ ని సేవ్ చేశారు. ఆ తరువాత మిత్రా, బిందుమాధవి, శివ, అరియనా, అనిల్ లను సేవ్ చేయగా.. ఫైనల్ గా మహేష్, నటరాజ్ మాస్టర్ లను నామినేషన్స్ లో మిగిలారు.
వారిద్దరితో ఓ గేమ్ ఆడించి మహేష్ విట్టా ఎలిమినేట్ అయినట్లు ప్రకటించారు. అతడు సంతోషంగానే హౌస్ నుంచి బయటకు వెళ్లిపోయాడు. వెళ్లిపోతూ.. హౌస్ మేట్స్ కి కొన్ని సజెషన్స్ ఇచ్చారు. మహేష్ విట్టా ఎలిమినేషన్ తరువాత హౌస్ లోకి మరో కంటెస్టెంట్ వైల్డ్ కార్డ్ ఎంట్రీ ఉందని అనౌన్స్ చేశారు నాగార్జున. అతడు ఎవరంటే.. కొరియోగ్రాఫర్ బాబా మాస్టర్.
బిగ్ బాస్ సీజన్ 3లో కంటెస్టెంట్ గా ప్రేక్షకులను ఎంటర్టైన్ చేసిన బాబా మాస్టర్ ఇప్పుడు బిగ్ బాస్ ఓటీటీలోకి వైల్డ్ కార్డ్ ఎంట్రీ ఇచ్చారు. అయితే ప్రస్తుతానికి అతడిని సీక్రెట్ రూమ్ లో పెట్టారు. హౌస్ మేట్స్ గేమ్ గమనించిన తరువాత అతడిని హౌస్ లోకి పంపించనున్నారు. మరి బాబా మాస్టర్ ఎలా ఆడతారో చూడాలి!
Also Read: 'ఆచార్య' ప్రీరిలీజ్ ఈవెంట్ - ఎప్పుడు? ఎక్కడ?