Bigg Boss 6 Telugu Episode 33: ఎట్టకేలకు రేవంత్ కెప్టెన్? తమ కోరికల చిట్టాను బిగ్‌బాస్‌కు చెప్పిన ఇంటి సభ్యులు, తన కుక్కల బొచ్చు అడిగిన గీతూ

Bigg Boss 6 Telugu: మొదటివారం నుంచి ఇంటికి కెప్టెన్ అవుదామనుకున్న రేవంత్ కోరిక ఈ వారం తీరినట్టు తెలుస్తోంది.

Bigg Boss 6 Telugu: బిగ్‌బాస్ సీజన్ 6 తెలుగు 33వ ఎపిసోడ్ కి చేరుకుంది. తన బర్త్ డే సందర్భంగా తమ కోరికలను  చెప్పమని అడిగాడు బిగ్ బాస్. ఒక్కొక్కరూ ఒక్కో కోరికను చెప్పసాగారు. శ్రీహాన్ తన పేరుతో పెట్టిన ‘శ్రీహాన్ హెల్పింగ్ హ్యాండ్స్’ ద్వారా సాయం చేయమని స్నేహితులను కోరాడు. అలాగే తన తల్లిదండ్రులతో తరచూ మాట్లాడమని ప్రేయసి సిరికి చెప్పాడు. ఇక బాలాదిత్య తన కూతురికి మంచి పేరు పెట్టాలని కోరాడు. ఇక రేవంత్ తన భార్యని, తల్లిని తలచుకుని,వాళ్లు ఎలా ఉన్నారో తెలియజేయాలని కోరాడు. ఇక ఆర్జే సూర్య తన తల్లి, తండ్రి, బుజ్జమ్మ ఎలా ఉన్నారో వీడియో చూపించమని కోరారు. ఇనయ తన తల్లిని తలుచుకుని ఎమోషనల్ అయిపోయింది. సుదీప తన భర్త రంగనాథ్ ఫోటో, టీషర్టు అడిగింది. 

కుక్క బొచ్చు కావాలట...
ఇక గీతూ ఎప్పటిలాగే వెరైటీగా ప్రవర్తించింది. తల్లినో, తండ్రినో, భర్తనో కాకుండా తన కుక్కల్ని తలచుకుంది. తన రెండు కుక్కల బొచ్చులు కావాలని అడిగింది. అది తనకు చాలా అమూల్యమైనదని అంది. ఇక ఆది రెడ్డి తన కూతురి బర్త్ డే బిగ్ బాస్ హౌస్‌లో జరగాలని కోరుకున్నాడు. అలా జరిగితే బాగా ఓట్లు పడతాయని తెలుసు కాబట్టే తెలివిగా కోరాడు. 

రేవంత్ కెప్టెన్ అయ్యాడా?
ఇక బిగ్‌బాస్ కెప్టెన్ గీతూని బాగా ఆడిన ఆరుగురి పేర్లు చెప్పమని అడిగాడు. ఆమె ఫైమా, రేవంత్, సూర్య, బాలాదిత్య, గీతూ, రాజ్‌లను సెలెక్ట్ చేసింది. దీంతో ఇనయా అలిగింది. తనను కావాలనే సెలెక్ట్ చేయలేదని బాధపడింది. కెప్టెన్సీ కంటెండర్లకు గొడ్డలితో కట్టెలు కొట్టే టాస్క్ ఇచ్చారు. ఈ కెప్టెన్సీ టాస్కులో రెండు లెవెల్స్ లో పోటీ జరుగుతుందని చెప్పారు బిగ్ బాస్. ఇందులో మొదటి లెవెల్ లోనే ఫైమా, రాజ్, గీతూలు ఓడిపోయారు. మిగతా ముగ్గురూ రెండో రౌండ్ కి వెళ్లారు. మొదటి లెవెల్ లో కట్టెలు కొట్టి, బిగ్ బాస్ కన్ను పజిల్ ను అమర్చే టాస్కును ఇచ్చారు. ఇందులో అతి తక్కువ సమయంలో ఈ రెండు పనులు పూర్తి చేసి మొదటి లెవెల్లో మొదటి స్థానంలో నిలిచాడు సూర్య. తరువాత బాలాదిత్య, రేవంత్ వరుసగా నిలిచారు. ఫైమా, రాజ్, గీతూ అవుట్ అయ్యారు. రెండో లెవెల్ గేమ్ తరువాతి ఎపిసోడ్లో జరగనుంది.  ఇందులో అందుతున్న సమాచారం ప్రకారం రెండో లెవెల్లో రేవంత్ గెలిచి కెప్టెన్ అయ్యాడట. 

గీతూ ఎందుకలా చెప్పింది?
ఎపిసోడ్ మొదట్లోనే రేవంత్ గురించి కాస్త చెడు అభిప్రాయం కలిగే ప్రయత్నం చేపింది గీతూ. రేవంత్ తో ‘నువ్వు చాలా ఫ్రీగా ఉంటున్నావ్ అన్నా. దాని వల్ల అమ్మాయిలు కంఫర్టో కాదో తెలుసకోండి’ అంది. దానికి రేవంత్ ‘ఏ విషయం గురించి చెబుతున్నావ్’ అని అడిగాడు. దానికి గీతూ ‘నువ్వు నాకు ముద్దుపెట్టావ్. నేను కంఫర్టబుల్ గా లేను. అలాగే ఫైమా మీద పడుకున్నావ్. ఆ విషయంలో ఆమె కంఫర్టో కాదో తెలియదు కదా’ అంది. దానికి రేవంత్ ‘ఛీ ఛీ నాకు ఆ ఉద్ధేశం లేదు’ అని చెప్పుకొచ్చాడు. ఫైమా వచ్చాక సారీ చెప్పాడు. దానికి ఫైమా ‘నేనేం ఫీలవ్వలేదు, ఎవరైనా ఏమైనా అన్నారా’ అని అంది. గీతూ పక్క వాళ్ల తప్పులను ఎంచడంలో చూపించే శ్రద్ధ, తన ప్రవర్తన ఎలా ఉందో తెలుసుకునే అంశంపై మాత్ర పెట్టదు.