బిగ్ బాస్ సీజన్ 5 ఐదు వారాలు పూర్తి చేసుకొని ఆరో వారంలోకి ఎంటర్ అయింది. సోమవారం ఎపిసోడ్ లో నామినేషన్ ప్రక్రియ జరగ్గా.. మొత్తం పది మంది హౌస్ మేట్స్ నామినేట్ అయ్యారు. ఇక ఈరోజు ఎపిసోడ్ ఎలా సాగబోతుందో ఇప్పటికే ఓ ప్రోమోను విడుదల చేశారు. 'బ్రేకప్‌ బ్రో.. బ్రదర్‌, సిస్టర్‌ల బ్రేకప్‌ చరిత్రలో ఇదే తొలిసారి అనుకుంటా' అంటూ కాజల్ శ్రీరామ్ తో చెప్పింది. 'ఐన్‌స్టీన్‌ లాజిక్ అర్ధం చేసుకోవడానికైనా ప్రయత్నం చేయొచ్చు కానీ వీళ్ల నామినేషన్లని అర్ధం చేసుకొనే ప్రయత్నం చేయలేం. అవి అర్ధం కావు' అంటూ షణ్ముఖ్.. జెస్సీతో అన్నాడు.
ఇక తాజాగా మరో ప్రోమో విడుదలైంది. ఇందులో 'బీబీ బొమ్మల ఫ్యాక్టరీ' అనే కెప్టెన్సీ టాస్క్ ఇచ్చారు బిగ్ బాస్. ఇందులో టీమ్ మొత్తాన్ని నాలుగు గ్రూపులుగా డివైడ్ చేశారు. బొమ్మల కోసం హౌస్ మేట్స్ ఒకరితో మరొకరు గొడవ పడడం ప్రోమోలో చూపించారు. 'చూడు నా టార్గెట్ ఒక్కరి మీదకే వెళ్తుంది' అంటూ జెస్సీ.. షణ్ముఖ్ తో చెప్పాడు. జెస్సీ-శ్వేతా ఒకరిపై ఒకరు పడుతూ మరీ బొమ్మలు లాక్కుంటూ కనిపించారు.
ఆ తరువాత యానీ మాస్టర్ 'నేను యాక్సెప్ట్ చేయను.. నేను గొడవ చేస్తా' అంటూ కాజల్-సిరిలతో చెప్పగా.. 'మీకెవరూ ఏం చెప్పొద్దూ.. సంచాలక్ గా మేం చూసుకుంటాం' అంటూ సిరి అరుచుకుంటూ వెళ్లిపోయింది. దీంతో యానీ మాస్టర్ ఫైర్ అయింది. 'నేను అంత రూడ్ కాదు.. నువ్ నన్ను అలా బ్లేమ్ చేయలేవు.. నాకు డ్రామాలు ఆడడం రాదు.. నేను డ్రామా క్వీన్ కాదు' అంటూ మండిపడింది. 'ఇప్పుడు నా చేతుల్లో గేమ్ ఉంది.. నేను ఆడతాను' అంటూ సిరి.. 'నాకు ముందొకటి వెనకొకటి మాట్లాడడం రాదు' అంటూ యానీ మాస్టర్ మాటల యుద్ధానికి దిగారు.