బిగ్ బాస్ సీజన్ 5 మూడో వారం పూర్తి చేసుకోబోతుంది. శనివారం ఎపిసోడ్ లో హోస్ట్ నాగార్జున హౌస్ మేట్స్ అందరిపై సీరియస్ అయ్యారు. ఇక ఆదివారం ఎపిసోడ్ లో మాత్రం వారితో సరదాగా ఉన్నట్లు తాజాగా విడుదలైన ప్రోమోలను చూస్తే అర్ధమవుతోంది. ముందుగా ఒక ప్రోమో రాగా.. అందులో హౌస్ మేట్స్ అందరితో గేమ్ ఆడించారు నాగార్జున. ముందుగా హమీదను చూస్తూ.. 'లుకింగ్ హాట్ బేబీ' అని నాగ్ అనగా.. 'టెల్ మి సమ్‌థింగ్‌ న్యూ' అంటూ నాగ్ కి ఫన్నీ రిప్లై ఇచ్చింది హమీద.
గేమ్ మధ్యలో 'ఈ బాయ్స్‌ అండ్‌ గర్ల్స్‌ విడివిడి ఉండడం నచ్చడంలేదని' నాగ్ అంటే.. 'మాక్కూడా ఇష్టంలేదు' అంటూ సిరి సెటైర్‌ వేసింది. ఇక లేటెస్ట్ గా మరో ప్రోమో వచ్చింది. అందులో ఎలిమినేషన్ కి సంబంధించిన సీన్లను చూపించారు. ఈ వారం నామినేషన్స్ లో శ్రీరామ్, ప్రియాంక, లహరి, ప్రియా, మానస్ లు ఉండగా.. నిన్నటి ఎపిసోడ్ లో శ్రీరామ్, ప్రియాంకలకు సేవ్ చేశారు. ఇక ఈరోజు మానస్ ని ముందుగా సేవ్ చేసినట్లు ఉన్నారు.
ఫైనల్ గా లహరి, ప్రియాలు మిగిలినట్లుగా ప్రోమోలో చూపించారు. అందరూ ఊహించినట్లుగానే ఈసారి లహరి ఇంటి నుంచి బయటకు వెళ్లబోతుందనే విషయం పరోక్షంగా ప్రోమోలో కనిపిస్తోంది. హౌస్ మేట్స్ అంతా ఈ వారం ప్రియా వెళ్తుందని ఊహించారు. కానీ లహరి ఎలిమినేట్ అయ్యేసరికి అందరూ షాక్ తిన్నట్లుగా కనిపించారు. రవి, మానస్ ఎక్స్ ప్రెషన్స్ ను హైలైట్ చేస్తూ చూపించారు.