బిగ్ బాస్ షోకి సంబంధించిన వీకెండ్ ప్రోమో వచ్చేసింది. నాగార్జున ఎంట్రీ ఇచ్చి హౌస్ మేట్స్ తో ముచ్చట్లు పెట్టారు. ముందుగా.. ఫస్ట్ కెప్టెన్ ఆఫ్ ది హౌస్ సిరికి శుభాకాంక్షలు చెప్పారు నాగార్జున. 'అందరికంటే సిరి చాలా స్ట్రాంగ్ గా ఆడిందని.. దెబ్బలు కూడా తగిలాయని' సన్నీ ఆమెకి సపోర్ట్ చేస్తూ కామెంట్స్ చేయగా.. 'సిరి చూపించిన ఉత్సాహం నువ్వు కూడా చూపించొచ్చుగా' అంటూ నాగార్జున కౌంటర్ వేశారు. ఆ తరువాత ఆర్జే కాజల్ ని ఉద్దేశిస్తూ.. 'హౌస్ లో నువ్ హౌస్ మేట్ వే కానీ ఆర్జే అయిపోయి అందరినీ..' అంటూ నోటి దగ్గర మైక్ పెట్టినట్లుగా చూపించారు. గత వారం రోజుల్లో కాజల్ హౌస్ మేట్స్ అందరినీ రకరకాల ప్రశ్నలు అడగడంతో నాగార్జున ఇలా సెటైర్ వేశారు.
  

 


 

అనంతరం లగ్జరీ టాస్క్ లో విశ్వని భుజాలపై మోసిన శ్రీరామచంద్రను పొగిడేశారు నాగార్జున. 'పాటలతో పాటు ఈ టాలెంట్ కూడా ఉందని ఇప్పుడే తెలిసింది' అంటూ నాగ్ చెప్పగా.. ఇంతలో ప్రియా కల్పించుకొని.. 'సర్.. ఇంకా హిడెన్ టాలెంట్స్ చాలా ఉన్నాయ్' అని అనగా.. 'ఏంటవి?' అని నాగ్ ప్రశ్నించారు. దానికి ప్రియా.. 'ట్రాక్స్ నడుస్తున్నాయి సర్ మల్టిపుల్ ట్రాక్స్' అంటూ పరోక్షంగా హమీదతో శ్రీరామచంద్రకి ఉన్న క్లోజ్ నెస్ గురించి కౌంటర్ వేసింది. దానికి అందరూ నవ్వేశారు. 

 

ఆ తరువాత లహరిని ఉద్దేశిస్తూ.. 'కనీసం నెక్స్ట్ వీక్ అయినా.. ఆ రోజ్(గులాబీ) ఎవరికైనా ఇస్తావ్ అని అనుకుంటున్నా' అనగా.. దానికి లహరి 'ఎవరినైనా పంపించండి సర్' అంది. వెంటనే నాగ్ 'బాయ్ ఏంటయ్యా ఇది..' అనగా.. లోబో లేచి కామెడీ చేసే ప్రయత్నం చేశాడు. హౌస్ లో మోస్ట్ ఎంటర్టైనర్ గా నిలిచిన లోబోని పొగడ్తలతో ముంచెత్తారు నాగ్. 'నువ్ నీలా ఉండు' అని సరయుకి సలహా ఇచ్చారు. ఇక ఫైనల్ గా షణ్ముఖ్ ని ఓ రేంజ్ లో ఆడేసుకున్నారు నాగ్. షణ్ముఖ్ ఫేమస్ డైలాగ్ ని వాడుతూ.. 'అరే ఏంట్రా ఇది.. కొంచెం కనపడరా.. వన్ వీక్ అయిపోయింది ఆట మొదలుపెట్టరా..' అంటూ కౌంటర్ వేశారు.