బిగ్ బాస్ ఇంట్లో యాక్టివ్ గా ఉండే కంటెస్టెంట్లలో ఆర్జే కాజల్ కూడా ఒకరు. కానీ ఆ యాక్టివ్ నెస్ కాస్త అతిగా కూడా అనిపిస్తోంది ప్రేక్షకులకు. ముఖ్యంగా ఇంటి పనుల విషయంలో ఆమె మాట్లాడే తీరు కాస్త ఓవర్ గా ఉంది. మూడు రోజుల క్రితం కిచెన్ లో ఒక హౌస్ మేట్ తో మాట్లాడుతూ తనకు కిచెన్ శుభ్రపరిచే పని నచ్చదని, తన ఇంట్లో కూడా శుభ్రం చేయనని, అంట్లు కూడా తోమనని చెప్పింది. నిజానికి ఆ ఎపిసోడ్ తోనే ఆమెపై నెటిజన్ల ట్రోలింగ్ మొదలవుతుందనుకున్నారు ప్రేక్షకులు. కానీ ఎందుకో కాస్త ఓపిక పట్టారు. కానీ ఈసారి మాత్రం వదల్లేదు. నాకు వంట రాదు అంటూ ఇంట్లో పచ్చి అబద్ధం చెప్పేసింది ఆర్జే కాజల్. బిగ్ బాస్ అన్ని భాషల్లోని, అన్ని సీజన్లను చూశానని, ఇది తన డ్రీమ్ అని చెప్పుకునే కాజల్ కు, బిగ్ బాస్ హౌస్లో కేవలం నిజం మాత్రమే మాట్లాడాలని, అబద్ధం చెబితే నెటిజన్లు ఆటాడేసుకుంటారని తెలియదా? ఆ అబద్ధంతో అడ్డంగా దొరికేసింది. ఇంకేముంది ఆమె వంట చేసినా పాత వీడియోలను తవ్వితీస్తున్నారు నెటిజన్లు.
అసలేమైంది?
తాజా ఎపిసోడ్ లో సిరి ఇంటి మొదటి కెప్టెన్ గా ఎంపికైంది. ఆమె సామరస్యంగా ఇంటి సభ్యుల పనుల బాధ్యతను అప్పజెప్పేందుకు పూనుకుంది. ఇందులో భాగంగా కాజల్ తనకు వంట రాదని, కిచెన్ డిపార్ట్ మెంట్ వద్దని తెగేసి చెప్పింది. దీంతో నెటిజన్లు ఆమె వంట చేసిన వీడియోను వెతికి తీసి ట్విట్టర్ లో పోస్టు చేశారు. అందులో కాజల్ చేపల కూర, మిరపకాయ బజ్జీలు చేస్తూ కనిపించింది. నిజానికి కాజల్ కు వంట చేయడం ఆసక్తి ఉండదట. ఈ విషయాన్ని ఆమె అక్క రంజాన్ సందర్భంగా అఖిల్ సార్ధక్, సోహైల్ తో కాజల్ చేసిన వ్లాగ్ లో చెప్పింది. ఆ ఎపిసోడ్ లోనే కాజల్ తన కూతురి పుట్టినరోజుకు బిర్యానీ వండినట్టు కూడా బయటపడింది. దీన్ని బట్టి చూస్తే ఆమెకు వంట వచ్చని అర్థమవుతోంది, కాకపోతే చేసే ఆసక్తి తక్కువ. అనవసరంగా చిన్న అబద్ధమాడి ట్రోల్స్ బారిన పడింది కాజల్. అదే తనకు వంట ఆసక్తి ఉండదని చెబితే... ఈ కష్టాలు వచ్చేవి కాదు.