బిగ్ బాస్ హౌస్ లో నిన్నటి నామినేషన్ ప్రక్రియ ఈరోజు కూడా కంటిన్యూ అయింది. ఈరోజు ఎపిసోడ్ లో ఎవరు ఎవరిని నామినేట్ చేశారంటే..
- జెస్సీ - మానస్, నటరాజ్ మాస్టర్ లను నామినేట్ చేశాడు. అయితే నటరాజ్ మాస్టర్.. జెస్సీపై ఫైర్ అయ్యాడు. 'ఒకరు చెప్తే నువ్ నన్ను నామినేట్ చేశావ్ అని నాకు తెలుసు.. నువ్ చిన్నపిల్లోడివి.. జుజూ' అంటూ రియాక్ట్ అయ్యారు.
- షణ్ముఖ్ - ప్రియాను నామినేట్ చేస్తూ.. నామినేషన్ లో తన బిహేవియర్ నచ్చలేదని చెప్పాడు. ఆ తరువాత లహరిని నామినేట్ చేశాడు.
- శ్వేతావర్మ - శ్రీరామచంద్ర, లోబోలను నామినేట్ చేసింది. లోబో యాక్టివ్ గా ఉండడం లేదని కామెంట్ చేసింది.
- హమీద - ప్రియాను నామినేట్ చేస్తూ.. ఆమెకి ఎంతగా కనెక్ట్ అవుదామనుకున్నా ఆమె మాటలు హర్ట్ చేస్తూనే ఉన్నాయని.. ఆమె బాడీ షేమింగ్ చేస్తుందని చెప్పింది. ఎవరైనా అబ్బాయిలతో మాట్లాడినా తేడాగా చూస్తుంటారని కామెంట్ చేసింది హమీద. దాని ప్రియా రియాక్ట్ అవుతూ.. 'నువ్ చాలా పెద్ద మాట అన్నావ్ హమీదా.. నేను అలా అనలేదు. ప్రియాంకకి సర్జరీ అయింది కాబట్టి.. తనకి చిన్న గాయమైనా పెద్దగా నొప్పి వస్తుంది.. నువ్ కూడా బాధపడుతుంటే ఏదైనా సర్జరీ అయిందా అని అడిగాను అంతే.. కావాలంటే ప్రియాంకని అడుగు..' అని చెప్తుండగా.. హమీదా వెంటనే 'నేనేం చిన్న పిల్లని కాదు.. మీ అంత పెద్ద సెలబ్రిటీని కాకపోవచ్చు కానీ.. నాలో ఏదో ఉంది కనుకనే ఇక్కడ హౌస్‌లో ఉన్నాను' అని చెప్పింది. ఆ తరువాత ప్రియాంకను నామినేట్ చేసి సిల్లీ రీజన్ చెప్పగా.. నామినేషన్స్ లో చెండాలమైన రీజన్స్ ఇస్తున్నారని.. ఇదొక పనికిమాలిన రీజన్ అని హమీద మీద మండిపడింది.
- కాజల్ - ప్రియాంక, ప్రియాలను నామినేట్ చేసింది.
- విశ్వ - 'ఒక విమెన్ నిన్ను అడుగుతున్నప్పుడు.. నీ రెస్పెక్ట్ ఏది' అంటూ నటరాజ్ మాస్టర్ ని నామినేట్ చేశాడు. ఆ తరువాత నామినేషన్స్ లో ప్రియా బిహేవియర్ బాలేదంటూ ఆమెని నామినేట్ చేశాడు.
ఈ వారం నామినేషన్స్ లో ఉన్న సభ్యులు లహరి, ప్రియాంక, మానస్, శ్రీరామచంద్ర, ప్రియా.
Also Read: బిగ్ బాస్ ప్రోమో: నోరుజారిన ఫలితం.. ప్రియాను వెంటాడుతున్న లహరి, రవిల లేట్ నైట్ హగ్!
ఆ తరువాత ప్రియా ఏడుస్తూ ఉండగా.. ప్రియాంక, మానస్ లు వచ్చి ఆమెని ఊరుకోబెట్టే ప్రయత్నం చేశారు. లహరి 'సింగిల్ మెన్', 'మ్యారీడ్ మెన్' వ్యాఖ్యల గురించి.. రవిని ప్రశ్నించింది. అయితే, తాను ఆ వ్యాఖ్యలు చేయలేదని రవి చెప్పాడు. ఆ తరువాత ప్రియా, లహరి, రవి కూర్చొని డిస్కషన్ పెట్టారు. 'లహరిని మీ దగ్గర తక్కువ చేసి మాట్లాడానా..?' అని ప్రియాని అడిగాడు రవి. 'సింగిల్ మెన్ ని వదిలేసి.. నాతోనే ఉంటుంది.. నేను చెప్పలేకపోతున్నా' అని అన్నావ్ బ్రో అని ప్రియా చెప్పింది. ఆ తరువాత డైనింగ్ టేబుల్ దగ్గర కూర్చున్న రవి, లహరి మాట్లాడుకున్నారు. 'ఆమె ఇప్పటికీ రియలైజ్ అవ్వట్లేదని' లహరి అనగా.. తనను బ్యాడ్‌గా ప్రొజెక్ట్ చేయాలని ప్రియా చూస్తోందని రవి అన్నాడు. గార్డెన్ ఏరియాలో కూర్చొని ఉన్న ప్రియా.. తాను చూసిందే చెప్పానని, ఏదీ కల్పించి చెప్పలేదమ్మా అంటూ కన్నీళ్లు పెట్టుకుంది.
ఇక ఉదయాన్నే 'సరైనోడు..' సాంగ్ కి హౌస్ మేట్స్ అందరూ డాన్స్ చేశారు. హౌస్ మేట్స్ అందరి ముందు లహరికి క్షమాపణలు చెప్పింది ప్రియా. అలానే నిత్య(రవి భార్య)కు కూడా ఈ విషయంలో క్లారిటీ ఇవ్వమని రవి అడిగాడు. మొదట ఒప్పుకోని ప్రియా.. ఆ తరువాత జరిగిన విషయాన్ని నిత్య, లహరి ఫ్యామిలీకు కెమెరా ముందు చెప్పింది.
'హైదరాబాద్ అమ్మాయ్.. అమెరికా అబ్బాయ్'..
హౌస్ మేట్స్ అందరికీ కెప్టెన్సీ టాస్క్ ఇచ్చారు బిగ్ బాస్. ఇంతకీ టాస్క్ పేరేంటంటే.. 'హైదరాబాద్ అమ్మాయ్.. అమెరికా అబ్బాయ్'.
ఈ టాస్క్ లో లహరి.. హైదరాబాద్ అమ్మాయిగా, యానీ-నటరాజ్ ఆమె పేరెంట్స్ గా.. జెస్సీ ఆమె టీనేజ్ బ్రదర్ గా.. రవి.. అమ్మాయి మావయ్యగా, ప్రియాంక చిన్ననాటి స్నేహితురాలిగా, మానస్.. అమ్మాయి పొరుగింటి వారుగా నటించాలి.
శ్రీరామ్.. అమెరికా నుంచి తిరిగొచ్చిన అబ్బాయ్ గా, విశ్వ.. అబ్బాయ్ పర్సనల్ అసిస్టెంట్ గా, ప్రియా.. అబ్బాయి తల్లిగా, సిరి.. అబ్బాయి చిన్ననాటి స్నేహితురాలుగా, కాజల్.. అబ్బాయి వాళ్ల అక్కగా, సన్నీ.. అబ్బాయి ఫ్రెండ్ గా, హమీద.. అబ్బాయి ఎక్స్ గర్ల్ ఫ్రెండ్ గా, షణ్ముఖ్.. మ్యారేజ్ బ్రోకర్ గా, లోబో.. ఈవెంట్ మేనేజర్, శ్వేతా.. లోబోకి అసిస్టెంట్ గా నటించాలి.
ఈ టాస్క్ రేపటి ఎపిసోడ్ లో కంటిన్యూ అవ్వనుంది.
Also Read: అర్ధరాత్రి రెస్ట్ రూమ్‌లో లహరి, రవి హగ్.. ప్రియా కామెంట్స్‌తో హీటెక్కిన బిగ్ బాస్ హౌస్
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి