Bigg Boss 6 Telugu: నువ్వరిస్తే అరుపులే నేనరిస్తే మెరుపులే - ఓవర్ అవుతున్న గీతూ, ఫిజికల్ అయిపోయిన టాస్క్

Bigg Boss 6 Telugu:బిగ్ బాస్ ఇంట్లో ఆట ఫిజికల్ అయిపోయింది. ఒకరినొకరు లాక్కోవడం, తిట్టుకోవడంతోనే గేమ్ నడిచింది

Bigg Boss 6 Telugu: బిగ్ బాస్ పెట్టిన టాస్క్ చివరికి ఒకరినొకరు తిట్టుకుంటూ, లాగి పడేసుకునేంత వరకు వచ్చింది. కెప్టెన్సీ కంటెండర్ టాస్క్ కోసం ‘అటవిలో ఆట’ అనే గేమ్ ఇచ్చాడు బిగ్ బాస్. అందులో భాగంగా కొంతమంది పోలీసులు, కొంతమంది దొంగలుగా వ్యవహరిస్తున్నారు. ఇక గీతూ ‘అత్యాశ గల వ్యాపారి’గా ఉండమని చెప్పారు బిగ్ బాస్. కానీ గీతూ తనకు తానే రూల్స్ క్రియేట్ చేసుకుని వ్యాపారిలా కాకుండా దొంగలా మారింది. ఆమె ఆట కన్నా మాటలే ఎక్కువయ్యాయి. బాలయ్య డైలాగులు కొడుతోంది. 

ప్రోమోలో ఆరోహి సూర్య గురించి మాట్లాడింది. గీతూతో ఎక్కువ సేపు ఉంటున్న సూర్యను చూసి ‘వీడు ఘోరమైన ఆట ఆడుతున్నాడు, చివరికి కెప్టెన్సీ కంటెండర్ అవుతాడు చూడు’ అంది కీర్తితో. ఇక గీతూ ‘అవకాశాలు లాక్కోవాలి సూర్య’ అంటూ హితబోద చేసింది. వెంటనే సూర్య లేచి వెళ్లాడు. ఇక గీతూ ఒక బ్రీఫ్ కేస్ నిండా డబ్బులు, దొంగలు కొట్టేసిన బొమ్మలు దాచుకుని దాన్ని పట్టుకునే తిరుగుతోంది. దొంగల్ని వెటకారంగా పాటలు పాడుతుంటే ఎవరో తెలియదు కానీ ‘ఓవర్ చేసేది కుక్కలే’ అన్నారు. దానికి గీతూ ‘నువ్వురిస్తే అరుపులే, నేనరిస్తే మెరుపులే, నన్నెవడ్రా ఆపేది’అంటూ యాటిట్యూడ్ చూపించింది. 

ఇక తరువాత ఆట జోరుగా సాగినట్టు చూపించారు బిగ్ బాస్. ఆ ఆటలో పోలీసులు, దొంగల మధ్య వాగ్వదాలు జరిగాయి. మధ్యలో ఫిజికల్ అయినట్టు కనిపించింది. ఇనయాను ఈడ్చి పడేశారు దొంగల టీమ్. ఇనయా - కీర్తి తిట్టుకుంటూ కనిపించారు. ఇక దొంగల టీమీ మెరీనా, ఇనయాను బెడ్ రూమ్ లో పెట్టి లాక్ వేయడానికి ప్రయత్నించారు. శ్రీ సత్య కోపంగా ‘ఫెయిర్ గేమ్ అన్నారు, భలే ఆడుతున్నారు, జనాలు చూస్తున్నారుగా వదిలెయ్’అంటూ చంటితో అంది. ఈ టాస్క్ లో ఎలా కెప్టెన్సీ కంటెండర్లను ఎంపిక చేస్తారో చూడాలి. 

ఇక ఈ వారం నామినేషన్లలో ఉన్న వారు ఈ గేమ్ లో ఆడి నిరూపించుకుంటేనే ఓట్లు పడేది. ఎప్పటిలాగే... ఎప్పుడూ ఆడే వారే ఆడుతున్నారు. వాసంతి ఎక్కడ కనిపించలేదు. కీర్తి కూడా పెద్దగా ఆడడం లేదు. ఈసారి వాసంతి బయటికి వెళ్లే అవకాశాలు అధికంగా ఉన్నాయి. ఇనయా వీక్ కంటెస్టెంటే అయినా ఆటలో వెనుకడుగు వేయడం లేదు. కాబట్టి ఆమెకు ఓట్లు పడే అవకాశం ఉంది. ఇక గొడవల్లో కూడా బాగానే ఇరుక్కుంటోంది. ఆమెకు స్క్రీన్ స్పేస్ బాగానే లభిస్తోంది. ఇక స్క్రీన్ స్పేస్ అతి తక్కువగా ఉన్న వారు వాసంతి, కీర్తి. ఈసారి నామినేషన్లలో కీర్తి లేదు, కాబట్టి వాసంతి వెళ్లిపోయే ఛాన్సు అధికం.