సుశాంత్ సింగ్ రాజ్‌పుత్ మరణం తర్వాత ఒక సెక్షన్ ఆఫ్ ఆడియన్స్ నుంచి ఖాన్ హీరోలు సోషల్ మీడియాలో వ్యతిరేకత ఎదుర్కొంటున్నారు. వాళ్ళ సినిమాలను 'బాయ్‌కాట్' చేయమంటూ ట్విట్టర్‌లో ట్రెండ్ చేస్తున్నారు. ఖాన్ హీరోలు మాత్రమే కాదు, హిందీ సినిమా ఇండస్ట్రీలో నటీనటులుగా అడుగుపెట్టిన వారసులు అంతా ఈ 'బాయ్‌కాట్' ట్రెండ్ బాధితులే. దీనికి తోడు షారుఖ్ ఖాన్ సినిమా పాటకు రాజకీయ రంగు అంటుకుంది.
షారుఖ్ ఖాన్, దీపికా పదుకోన్ జంటగా నటించిన సినిమా 'పఠాన్'. రీసెంట్‌గా ఈ సినిమాలోని 'బేషరమ్ రంగ్' సాంగ్ విడుదల చేశారు. ఊహించినట్టుగా ఈ పాటపై కొందరు విమర్శలు చేయడం స్టార్ట్ చేశారు. ఇంకొందరు కాపీ అని ఆరోపణలు చేస్తున్నారు. అవి పక్కన పెడితే... పాటలో దీపికా పదుకోన్ వేసుకున్న దుస్తులపై కొందరు అభ్యంతరం వ్యక్తం చేస్తున్నారు. ఆమె కాషాయ రంగు బికినీ ధరించడం వివాదాస్పదం అవుతోంది. ఈ విమర్శలకు తోడు 'కశ్మీర్ ఫైల్స్' దర్శకుడు వివేక్ రాజన్ అగ్నిహోత్రి చేసిన ట్వీట్ 'బేషరమ్ రంగ్' పాటను ఉద్దేశించి అని కొందరు భావిస్తున్నారు.
ఇన్‌స్టాగ్రామ్ రీల్ కంటే దారుణమా?
''ఇంతకు ముందు ఇన్‌స్టాగ్రామ్ రీల్స్ చూసినప్పుడు... బాలీవుడ్ పాటలకు బ్యాడ్ కాపీస్ కింద ఉండేవి. ఇప్పుడు బాలీవుడ్ సాంగ్స్ చూస్తుంటే... ఇన్‌స్టాగ్రామ్ రీల్స్‌కు బ్యాడ్ కాపీ కింద ఉన్నాయి'' అని ఈ రోజు 'కశ్మీర్ ఫైల్స్' దర్శకుడు వివేక్ రాజన్ అగ్నిహోత్రి ట్వీట్ చేశారు. 'బేషరమ్ రంగ్' నిన్న విడుదలైంది. ఆయన ఈ రోజు ట్వీట్ చేయడంతో అది షారుఖ్ పాటను ఉద్దేశించి అని కొందరు భావిస్తున్నారు. 'పఠాన్' పాట మీద ఆయన సెటైర్ వేశారని, బీజేపీ స్పాన్సర్ దర్శకుడు అంటూ ఒకరు ఆ ట్వీట్‌ను కోట్ చేశారు.
దీపికా పదుకోన్ కాషాయ రంగు బికినీ ధరిస్తే... అది 'బేషరమ్ రంగ్' అని 'పఠాన్' ఫీలవుతున్నాడని ఇంకొకరు ట్వీట్ చేశారు. ఈ పాటలో దీపిక కాషాయ రంగు మాత్రమే కాదు... ఎల్లో కలర్, గోల్డెన్ కలర్ బికినీలు ధరించారు. కానీ, కొంత మంది కావాలని కాషాయ రంగును హైలైట్ చేస్తున్నారు. షారుఖ్ ఖాన్ మీద కోపంతో ఈ విధంగా కావాలని కొందరు విష ప్రచారం చేస్తున్నారని అభిమానులు ఫీలవుతున్నారు.
Also Read: మెగాస్టార్ సినిమాలో రవితేజ ఘాటు లిప్ లాక్ - ఎవరితో అంటే?
విమర్శలతో పాటు 'బేషరమ్ రంగ్' ప్రశంసలు కూడా అందుకుంటోంది. 'పఠాన్' కోసం షారుఖ్ ఖాన్ ఎయిట్ ప్యాక్ చేశారు. కండలు తిరిగిన దేహంతోనే ఈ పాటలో కనిపించారు. 57 ఏళ్ళ వయసులో అలా కనిపించడం, అటువంటి బాడీ బిల్డ్ చేయడం షారుఖ్‌కు మాత్రమే సాధ్యమని అంటున్నారంతా! నెటిజన్లు ఆయన ఫిజిక్ గురించి కాంప్లిమెంట్స్ ఇస్తున్నారు. టామ్ క్రూజ్, బ్రాడ్ పిట్ గురించి అందరూ మాట్లాడుతున్నారని, షారుఖ్‌ను చూడమని ఓ నెటిజన్ ట్వీట్ చేశారు. షారుఖ్ ఫిజిక్, ఆయన లుక్స్ దీపిక గ్లామర్‌ను డామినేట్ చేశాయి.
తెలుగులోనూ జనవరి 25న 'పఠాన్'
Pathaan Movie Telugu Release : 'పఠాన్'ను హిందీతో పాటు తెలుగు, తమిళ భాషల్లో విడుదల చేస్తున్నారు. ఈ సినిమా వచ్చే ఏడాది రిపబ్లిక్ డే కంటే ఒక్క రోజు ముందు జనవరి 25న ప్రేక్షకుల ముందుకు రానుంది. ఇందులో జాన్ అబ్రహం కీలక పాత్రలో నటించారు. 'వార్' వంటి సూపర్ డూపర్ యాక్షన్ ఎంటర్‌టైనర్ తీసిన సిద్దార్థ్ ఆనంద్ దర్శకత్వం వహించారు. ప్రముఖ నిర్మాణ సంస్థ యశ్ రాజ్ ఫిల్మ్స్ 'పఠాన్'ను నిర్మించింది.